பொது செய்தி

இந்தியா

24 வாரம் வரை கருக்கலைப்பு; புது விதி அமல்படுத்துகிறது அரசு

Updated : அக் 14, 2021 | Added : அக் 14, 2021 | கருத்துகள் (2)
Share
Advertisement
புதுடில்லி : பாலியல் பலாத்காரம் உட்பட பல்வேறு காரணங்களால் பாதிக்கப்பட்ட பெண்களுக்கு, கருக்கலைப்புக்கான உச்சவரம்பை 20 முதல் 24 வாரங்களாக மாற்றுவதற்கான புதிய விதிகளை மத்திய அரசு அறிவித்துள்ளது.நாட்டில் உள்ள பெண்கள் சாதாரணமாக 12 வாரங்களுக்குள் கருக்கலைப்பு செய்து கொள்ள ஒரு டாக்டரின் பரிந்துரையும், 12 முதல் 20 வாரங்களுக்குள் கருக்கலைப்பு செய்ய இரு டாக்டர்களின்
கருக்கலைப்பு, மத்திய அரசு, புது விதி

புதுடில்லி : பாலியல் பலாத்காரம் உட்பட பல்வேறு காரணங்களால் பாதிக்கப்பட்ட பெண்களுக்கு, கருக்கலைப்புக்கான உச்சவரம்பை 20 முதல் 24 வாரங்களாக மாற்றுவதற்கான புதிய விதிகளை மத்திய அரசு அறிவித்துள்ளது.

நாட்டில் உள்ள பெண்கள் சாதாரணமாக 12 வாரங்களுக்குள் கருக்கலைப்பு செய்து கொள்ள ஒரு டாக்டரின் பரிந்துரையும், 12 முதல் 20 வாரங்களுக்குள் கருக்கலைப்பு செய்ய இரு டாக்டர்களின் பரிந்துரையும் தேவை என விதிகள் அமலில் உள்ளன.பல்வேறு காரணங்களால் பாதிக்கப்பட்ட பெண்கள் கருக்கலைப்பு செய்து கொள்வதற்கான காலவரம்பு தொடர்பான சட்டத்திருத்தம், பார்லிமென்ட்டில் மார்ச் மாதம் நிறைவேற்றப்பட்டது.

இதன்படி, குறிப்பிட்ட வகையை சேர்ந்தோருக்கு கருக்கலைப்பு செய்து கொள்வதற்கான அனுமதி, 20 முதல் 24 வாரங்களாக உயர்த்தப்பட்டு உள்ளது. இது தொடர்பான புதிய விதிகளை மத்திய அரசு நேற்று அறிவித்தது.


latest tamil news


அதன் விவரம் வருமாறு: பாலியல் பலாத்காரம் செய்யப்பட்டோர், விதவைகள், உடல் குறைபாடு உள்ளோர், மனநலம் பாதிக்கப்பட்டோர், 24 வாரம் வரை கருக்கலைப்புக்கு அனுமதிக்கப்படுவர். அதேபோல் 24 வார கரு வளர்ச்சி அடைந்த நிலையில், கருவுற்ற பெண்ணுக்கு கடும் பாதிப்பு ஏற்படும் என உறுதியானாலும் கருக்கலைப்பு செய்யலாம்.

கருவில் இருக்கும் குழந்தைகள் முழு வளர்ச்சி அடையாமல் மாற்றுத்திறனாளிகளாக பிறக்க வாய்ப்புள்ளது கண்டறிப்படினும், அதனை கலைக்க அனுமதி வழங்கப்படும். காலம் கடந்த நிலையில் கருச்சிதைவு ஏற்பட்டு, கர்ப்பிணிக்கு பாதிப்பு நேரலாம் என உறுதி செய்யப்படுவோருக்கும் இந்த விதிகள் பொருந்தும். இதுபோன்றவர்களை பரிசோதித்து கருக்கலைப்புக்கு அனுமதி வழங்கும் பணியை மேற்கொள்ள, மாநில அளவில் மருத்துவ வாரியம் அமைக்கப்படும்.இவ்வாறு அதில் கூறப்பட்டு உள்ளது.

Advertisement




வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Karthik - Dindigul,இந்தியா
14-அக்-202112:54:56 IST Report Abuse
Karthik மருத்துவமனைகளில் வழங்கப்படும் சிகிச்சைகளையும் மருந்துகளையும் கண்காணிக்க வேண்டும். இப்பொழுதெல்லாம் PREGNANCY PACKAGES என்ற விளம்பரங்களை அதிகம் பார்க்க முடிகிறது. நம் நாட்டில் கர்ப்ப காலத்தில் மிகவும் அதிகமான மருந்துகளை மருத்துவனைகள் பரிந்துரைக்கின்றன. இதன் மூலமாகவும் பல சிக்கல்கள் ஏற்பட்டு அறுவை சிகிச்சை முறையில் பிரசவம் செய்ய நிர்பந்திக்கப் படுகிறார்கள். சிசுக்களின் வளர்ச்சி பாதிப்புகள் இவற்றினால் கூட இருக்கக்கூடும். ஆகையால், இப்போது நடைமுறைக்கு வந்துள்ள NATIONAL HEALTH ID மூலம் இது போன்ற மருத்துவக்குற்றங்களைக் கண்காணிக்கலாம்.
Rate this:
Cancel
maharaja - திருநெல்வேலி,இந்தியா
14-அக்-202111:06:30 IST Report Abuse
maharaja தவறான முறையில் பயன்படுத்த பட்டால் கடுமையான தண்டனைகள் வழங்கப்பட்டு வேண்டும்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X