அரசியல் செய்தி

தமிழ்நாடு

அத்தியாவசிய பொருள் விலை ஏற்றம் நடவடிக்கை எடுக்க வலியுறுத்தல்

Added : அக் 14, 2021 | கருத்துகள் (1)
Share
Advertisement
சென்னை:'அத்தியாவசிய பொருட்களை பதுக்கி, விலை ஏற்றத்திற்கு காரணமாக இருப்போரை கண்டுபிடித்து, சட்டத்தின் முன் நிறுத்த வேண்டும்' என்று முதல்வர் ஸ்டாலினை, அ.தி.மு.க., ஒருங்கிணைப்பாளர் பன்னீர்செல்வம் வலியுறுத்தி உள்ளார். அவரது அறிக்கை:தமிழகத்தில் சில நாட்களாக, காய்கறிகள், பழங்கள், மளிகை உள்ளிட்ட அத்தியாவசிய பொருட்கள் மற்றும் கட்டுமானப் பொருட்களின் விலை, விண்ணை முட்டும்

சென்னை:'அத்தியாவசிய பொருட்களை பதுக்கி, விலை ஏற்றத்திற்கு காரணமாக இருப்போரை கண்டுபிடித்து, சட்டத்தின் முன் நிறுத்த வேண்டும்' என்று முதல்வர் ஸ்டாலினை, அ.தி.மு.க., ஒருங்கிணைப்பாளர் பன்னீர்செல்வம் வலியுறுத்தி உள்ளார்.

அவரது அறிக்கை:தமிழகத்தில் சில நாட்களாக, காய்கறிகள், பழங்கள், மளிகை உள்ளிட்ட அத்தியாவசிய பொருட்கள் மற்றும் கட்டுமானப் பொருட்களின் விலை, விண்ணை முட்டும் அளவுக்கு உயர்ந்து கொண்டே செல்கிறது.நியாயமான விலைபெங்களூரு தக்காளி கிலோ 20 ரூபாய்க்கு விற்கப்பட்ட நிலையில், இன்று 85 ரூபாய்க்கு விற்கப்படுகிறது. நாட்டுத்தக்காளி, வெங்காயம், பீன்ஸ், கேரட் போன்ற காய்கறிகளின் விலையும் கணிசமாக உயர்ந்து உள்ளது.

பண்டிகை மற்றும் திருமண நாட்களை முன்னிட்டு காய்கறிகளின் தேவை அதிகரிக்கும் என்பதால், அவை கிடங்குகளில் பதுக்கப்படுகின்றன. இதன் வாயிலாக ஏற்பட்ட செயற்கை தட்டுப்பாடு தான், விலை உயர்விற்கு காரணம்.

உளுத்தம் பருப்பு விலை கிலோவிற்கு 22 ரூபாய் அதிகரித்துள்ளது. துவரம் பருப்பு, பாசி பருப்பு, கடலை பருப்பு விலையும், 15 ரூபாய் வரை அதிகரித்துள்ளது. எண்ணெய் வகைகளின் விலையும், லிட்டருக்கு 10 ரூபாய் வரை உயர்ந்து உள்ளது. இதர மளிகை பொருட்களான பூண்டு, புளி, கடுகு ஆகியவற்றின் விலையும் 10 ரூபாய் முதல் 20 ரூபாய் வரை உயர்ந்துஉள்ளது.

விலை ஏற்றத்திற்கு காரணமானவர்களை கண்டுபிடித்து, அவர்களை சட்டத்தின் முன் நிறுத்த வேண்டும்; அத்தியாவசிய பொருட்கள் நியாயமான விலையில், மக்களுக்கு கிடைப்பதை உறுதி செய்ய வேண்டும். அடித்தளம்இது மாநில அரசின் கடமை. அப்போது தான் சமுதாயத்தின் அடித் தளத்தில் உள்ள மக்கள் சிறப்பாக வாழ முடியும். எனவே, விலைவாசி உயர்வை கட்டுப்படுத்த தேவையான நடவடிக்கைகளை எடுக்க வேண்டும்.இவ்வாறு பன்னீர்செல்வம் கூறியுள்ளார்.

Advertisement


வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
S.PALANISAMY - COIMBATORE,இந்தியா
15-அக்-202111:52:11 IST Report Abuse
S.PALANISAMY எரிபொருள் விலை தொடர்ந்து உயர்ந்தபோது அடசியில் இருந்த நீங்கள் எப்போதாவது வாயைத் திறந்திர்களா? எதனால் விலை உயர்வு என்பது அடிமட்ட மனிதனுக்கும் தெரியும். காரணமமானவர்களை கேளுங்கள்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X