கால்நடைகளை மேய்ச்சலுக்கு விடாதீர்: புலியை தேடும் வனத்துறை அறிவுரை| Dinamalar

பொது செய்தி

தமிழ்நாடு

கால்நடைகளை மேய்ச்சலுக்கு விடாதீர்: புலியை தேடும் வனத்துறை அறிவுரை

Added : அக் 15, 2021
Share
கூடலுார்;'மசினகுடி; முதுமலை வனப்பகுதிகளை ஒட்டிய இடங்களில், கால்நடைகளை மேய்ச்சலுக்கு விட வேண்டாம்,' என, வனத்துறை அறிவுறுத்தி உள்ளது.கூடலுார்; மசினகுடியில் நான்கு பேரை தாக்கி கொன்ற புலியை மயக்க ஊசி செலுத்தி பிடிக்கும் பணியில், செப்., 25 முதல் வனத்துறையினர் ஈடுபட்டுள்ளனர்.மசினகுடியில், ஏழு நாட்கள் தென்படாத புலி, 12ம் தேதி கூடலுார் போஸ்பாரா ஒட்டிய முதுமலை பகுதியில்,

கூடலுார்;'மசினகுடி; முதுமலை வனப்பகுதிகளை ஒட்டிய இடங்களில், கால்நடைகளை மேய்ச்சலுக்கு விட வேண்டாம்,' என, வனத்துறை அறிவுறுத்தி உள்ளது.கூடலுார்; மசினகுடியில் நான்கு பேரை தாக்கி கொன்ற புலியை மயக்க ஊசி செலுத்தி பிடிக்கும் பணியில், செப்., 25 முதல் வனத்துறையினர் ஈடுபட்டுள்ளனர்.மசினகுடியில், ஏழு நாட்கள் தென்படாத புலி, 12ம் தேதி கூடலுார் போஸ்பாரா ஒட்டிய முதுமலை பகுதியில், இருப்பது உறுதி செய்யப்பட்டது. அப்பகுதியில், பதுங்கிய புலியை, சுற்றி வளைத்து, மயக்க ஊசி செலுத்தும் முயற்சி நடந்தது. முட்புதர் காரணமாக புலி அங்கிருந்து தப்பியது.நேற்று முன்தினம், ஒம்பட்டா பகுதியில் இருந்த தானியங்கி கேமராவில் புலி உருவம் பதிவானது. நேற்று அப்பகுதியில் வனத்துறையினர் தேடுதல் பணியை மேற்கொண்டனர்.இந்நிலையில், புலி மீண்டும் மசினகுடி செல்ல வாய்ப்புள்ளதால், மசினகுடி சிங்காரா பகுதிகளில் கண்காணிப்பு பணியை தீவிரப்படுத்தி உள்ளனர்.வனத்துறையினர் கூறுகையில், 'புலி ஏற்கனவே இரண்டு பேரை தாக்கி கொன்ற மசினகுடி கல்குவாரி மற்றும் அதனை சுற்றியுள்ள பகுதிகளில், மாடுகளை மேய்ச்சலுக்கு விட வேண்டாம்; இதனால், பாதிப்பு ஏற்படும்,' என, அறிவுறுத்தி உள்ளனர்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X