பொது செய்தி

தமிழ்நாடு

ஆவின் இனிப்புக்கு 'ஆர்டர்'; அரசு அலுவலகங்களில் முயற்சி

Added : அக் 15, 2021
Share
Advertisement
சென்னை : அரசு அலுவலகங்களுக்கு ஆவின் சிறப்பு இனிப்பு வகைகளை மொத்தமாக விற்பனை செய்வதற்கான முயற்சிகள் துவங்கியுள்ளன.கடந்த தீபாவளி பண்டிகையின் போது, ஆவின் பால், நெய், வெண்ணெய் உள்ளிட்டவை, 13 கோடி ரூபாய் அளவிற்கு விற்கப்பட்டன. ஆவின் சிறப்பு இனிப்புகள் மட்டும், 1.50 கோடி ரூபாய்க்கு விற்கப்பட்டன. தற்போது, ஐந்து வகை புதிய இனிப்புகள் விற்பனைக்கு வந்துள்ளன. இவற்றை, 25 டன் அளவிற்கு

சென்னை : அரசு அலுவலகங்களுக்கு ஆவின் சிறப்பு இனிப்பு வகைகளை மொத்தமாக விற்பனை செய்வதற்கான முயற்சிகள் துவங்கியுள்ளன.

கடந்த தீபாவளி பண்டிகையின் போது, ஆவின் பால், நெய், வெண்ணெய் உள்ளிட்டவை, 13 கோடி ரூபாய் அளவிற்கு விற்கப்பட்டன. ஆவின் சிறப்பு இனிப்புகள் மட்டும், 1.50 கோடி ரூபாய்க்கு விற்கப்பட்டன. தற்போது, ஐந்து வகை புதிய இனிப்புகள் விற்பனைக்கு வந்துள்ளன. இவற்றை, 25 டன் அளவிற்கு விற்க இலக்கு நிர்ணயிக்கப்பட்டு உள்ளது. வெண்ணெய், நெய் உள்ளிட்டவற்றையும் அதிகம் விற்க திட்டமிடப்பட்டுள்ளது.

ஆவின் நிறுவன உற்பத்தி பொருட்கள், பண்டிகை காலங்களில், கூட்டுறவு துறை வாயிலாக கொள்முதல் செய்யப்பட்டு, அதிகாரிகள் மற்றும் அலுவலர்களுக்கு வழங்கப்பட்டு வருகின்றன. ஆனால், மற்ற அரசு துறைகள், ஆவின் இனிப்புகளை வாங்க ஆர்வம் காட்டுவதில்லை. தனியார் கடைகளில், சதவீத அடிப்படையில் சலுகை பெற்று இனிப்புகள் வாங்கப்படுகின்றன.

இந்தாண்டு, அரசு அலுவலகங்களுக்கு ஆவின் இனிப்புகளை விற்க முயற்சி மேற்கொள்ளப்பட்டு வருகிறது. அதேநேரத்தில், கூட்டுறவு துறையை போன்று, தங்களின் இனிப்புகளை கொள்முதல் செய்ய அனைத்து துறைகளுக்கும், அரசு உத்தரவிட வேண்டும் என்ற எதிர்பார்ப்பும், ஆவின் நிறுவனத்தினரிடம் எழுந்துள்ளது.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X