9 ஆயிரம் மொபைல் போன் வந்த டிரக்கர் கடத்தல்; சினிமா பாணியில் நடந்த துணிகரம்

Updated : அக் 17, 2021 | Added : அக் 17, 2021 | கருத்துகள் (10)
Share
Advertisement
மதுரா: ஆயிரக்கணக்கான மொபைல்போன்களுடன் மத்தியபிரதேசத்தில் இருந்து பெங்களூரு நோக்கி சென்ற டிரக்கர் ஒன்று கடத்தப்பட்டது. சவாரி கேட்டு 2 பேர் ஏறி சினிமா பாணியில் நடந்த பரபரப்பு சம்பவம் 2 மாநில போலீசாரை திணற வைத்துள்ளது.டில்லி அருகே கிரேட்டர் நொய்டாவில் இருந்து கடந்த சில நாட்களுக்கு முன்னதாக டிரக்கர் ஒன்று பெங்களூரு நோக்கி புறப்பட்டது. பிரபல ஒப்போ என்ற மொபைல்

மதுரா: ஆயிரக்கணக்கான மொபைல்போன்களுடன் மத்தியபிரதேசத்தில் இருந்து பெங்களூரு நோக்கி சென்ற டிரக்கர் ஒன்று கடத்தப்பட்டது. சவாரி கேட்டு 2 பேர் ஏறி சினிமா பாணியில் நடந்த பரபரப்பு சம்பவம் 2 மாநில போலீசாரை திணற வைத்துள்ளது.



latest tamil news



டில்லி அருகே கிரேட்டர் நொய்டாவில் இருந்து கடந்த சில நாட்களுக்கு முன்னதாக டிரக்கர் ஒன்று பெங்களூரு நோக்கி புறப்பட்டது. பிரபல ஒப்போ என்ற மொபைல் போன் நிறுவனம் விற்பனைக்காக மொபைல்போன்களை பத்திரமாக பேக் செய்து அனுப்பி வைத்தது. இதனை மணீஷ் என்ற டிரைவர் ஓட்டி சென்றார். வேன் நள்ளிரவில் குவாலியர் பைபாஸ் ரோட்டில் வந்த போது 2 மர்ம நபர்கள் வண்டியை நிறுத்தி சவாரி கேட்டுள்ளனர்.

டிரைவரும் பரிதாப்பட்டு இருவரையும் ஏற்றினார். சில நிமிடங்களில் டிரைவருக்கு உதை கொடுத்து அவரை லாரியில் இருந்து இறக்கி விட்டனர். பின்னர் இருவரும் லாரியை தாங்களே ஓட்டி பறந்தனர். டிரைவர் நடுரோட்டில் தவித்தார். இந்த சம்பவம் குறித்து ஒப்போ என்ற மொபைல்போன் நிறுவன மேலாளர் சச்சின் மானவ் மதுரா போலீசாரிடம் புகார் அளித்துள்ளார். நொய்டாவில் இருந்து புறப்பட்ட லாரியில் 9 ஆயிரம் ஸ்மார்ட் போன்கள் இருந்ததாகவும், இதன் மதிப்பு ஏறக்குறைய ரூ. 7 கோடி இருக்கும் என்றும் கூறியுள்ளார்.


latest tamil news



போலீசார் விசாரணையில் எந்த லோடும் இல்லாமல் டிரக்கர் ஒன்று ஷியோபூர் மாவட்டத்தில் தனியே காட்டுக்குள் நிற்பது கண்டறியப்பட்டது. கொள்ளையர்கள் போன்களை மாற்று லாரியில் ஏற்றி கொண்டு சென்றதாக கூறப்படுகிறது. தொடர்ந்து போலீசார் தேடுதல் வேட்டையில் இறங்கி உள்ளனர். சினிமா பாணியில் நடந்த சம்பவம் மத்தியபிரதேசம், உ. பி., மாநில போலீசாரை அதிர வைத்துள்ளது.

Advertisement




வாசகர் கருத்து (10)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Nepolian S -  ( Posted via: Dinamalar Android App )
18-அக்-202104:52:28 IST Report Abuse
Nepolian S தயாரிப்பு நிறுவனம் உடனடியாக அந்த மொபைல் போன்களை தற்காலிகமாக பயன் படுத்த முடியாத அளவுக்கு முடக்க வழிவகைகளை செய்ய வேண்டும் ... அதற்கான சாத்தியம் உள்ளது...
Rate this:
Cancel
Nepolian S -  ( Posted via: Dinamalar Android App )
18-அக்-202104:52:27 IST Report Abuse
Nepolian S தயாரிப்பு நிறுவனம் உடனடியாக அந்த மொபைல் போன்களை தற்காலிகமாக பயன் படுத்த முடியாத அளவுக்கு முடக்க வழிவகைகளை செய்ய வேண்டும் ... அதற்கான சாத்தியம் உள்ளது...
Rate this:
Cancel
ஜெய்ஹிந்த்புரம் - மதுரை,இந்தியா
18-அக்-202101:41:22 IST Report Abuse
ஜெய்ஹிந்த்புரம் //சினிமா பாணியில் நடந்த சம்பவம் மத்தியபிரதேசம், உ. பி., மாநில போலீசாரை அதிர வைத்துள்ளது.// விஷயம் வெளியே வந்தது தான் போலீசை அதிர வைத்திருக்கும். அங்கே ஊர் விட்டு ஊர் சென்று, கொலை செய்து கொள்ளையடிப்பது போலீசின் ஆதரவில் நடக்கும் ஒரு பரம்பரை தொழில்..
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X