நடிகர் விவேக் இறப்புக்கு தடுப்பூசி காரணம் அல்ல; மத்திய நோய் தடுப்பு பிரிவு| Dinamalar

பொது செய்தி

தமிழ்நாடு

'நடிகர் விவேக் இறப்புக்கு தடுப்பூசி காரணம் அல்ல'; மத்திய நோய் தடுப்பு பிரிவு

Updated : அக் 23, 2021 | Added : அக் 23, 2021 | கருத்துகள் (27)
Share
சென்னை : 'நடிகர் விவேக், கொரோனா தடுப்பூசியால் உயிரிழக்கவில்லை. உயர் ரத்த அழுத்தம் காரணமாக, மாரடைப்பு ஏற்பட்டு இறந்தார்' என, மத்திய நோய் தடுப்பு பிரிவு ஆய்வறிக்கையில் தெரிவிக்கப்பட்டுள்ளது. கொரோனா தடுப்பூசி விழிப்புணர்வு ஏற்படுத்தும்நோக்கத்தில், நடிகர் விவேக், ஏப்., 15ம் தேதி, சென்னை ஓமந்துாரார் அரசு மருத்துவமனையில் தடுப்பூசி செலுத்தி கொண்டார். அப்போது,

சென்னை : 'நடிகர் விவேக், கொரோனா தடுப்பூசியால் உயிரிழக்கவில்லை. உயர் ரத்த அழுத்தம் காரணமாக, மாரடைப்பு ஏற்பட்டு இறந்தார்' என, மத்திய நோய் தடுப்பு பிரிவு ஆய்வறிக்கையில் தெரிவிக்கப்பட்டுள்ளது.



latest tamil news



கொரோனா தடுப்பூசி விழிப்புணர்வு ஏற்படுத்தும்நோக்கத்தில், நடிகர் விவேக், ஏப்., 15ம் தேதி, சென்னை ஓமந்துாரார் அரசு மருத்துவமனையில் தடுப்பூசி செலுத்தி கொண்டார். அப்போது, 'அச்சப்படாமல் தடுப்பூசி செலுத்திக் கொள்ள வேண்டும்' எனவும் வேண்டுகோள் விடுத்தார். விவேக் தடுப்பூசி செலுத்திக் கொண்ட அடுத்த நாள், திடீர் மாரடைப்பு ஏற்பட்டு, மருத்துவமனையில் சிகிச்சை பெற்ற நிலையில் உயிரிழந்தார்.


இதற்கிடையே, விழுப்புரத்தைச் சேர்ந்த சமூக ஆர்வலர், நடிகர் விவேக் தடுப்பூசி செலுத்திக் கொண்டதன் காரணமாக தான் உயிரிழந்ததாக, டில்லியில் உள்ள தேசிய மனித உரிமைகள் ஆணையத்தில் புகார் அளித்திருந்தார். இதுதொடர்பான வழக்கில், ஆணையத்தில், மத்திய சுகாதாரத் துறையின் நோய் தடுப்பு மற்றும் தடுப்பூசி ஆய்வு குழு வல்லுனர்களின் ஆய்வறிக்கை சமர்ப்பிக்கப்பட்டுள்ளது.


latest tamil news




இதில், நடிகர் விவேக், உயர் ரத்த அழுத்தம் காரணமாக, மாரடைப்பு ஏற்பட்டு உயிரிழந்ததாக தெரிவிக்கப்பட்டுள்ளது.இதன் வாயிலாக, விவேக் மரணத்திற்கு தடுப்பூசி தான் காரணம் என்ற புகாருக்கு, மத்திய அரசு முற்றுப்புள்ளி வைத்துள்ளது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X