சுற்றுலாத்துறையுடன் இணைந்து பக்தி சுற்றுலா திட்டம்: அமைச்சர் சேகர்பாபு அறிவிப்பு| Dinamalar

அரசியல் செய்தி

தமிழ்நாடு

சுற்றுலாத்துறையுடன் இணைந்து பக்தி சுற்றுலா திட்டம்: அமைச்சர் சேகர்பாபு அறிவிப்பு

Updated : அக் 25, 2021 | Added : அக் 25, 2021 | கருத்துகள் (98)
Share
சென்னை: ‛‛கொரோனா தொற்று முழுவதும் முடிவுக்கு வந்தபின், சுற்றுலாத்துறையுடன் இணைந்து ‛பக்தி சுற்றுலா திட்டம்' செயல்படுத்தப்படும்,'' என, இந்துசமய அறநிலையத்துறை அமைச்சர் சேகர்பாபு தெரிவித்தார்.சென்னை கோடம்பாக்கத்தில் உள்ள பரத்வாஜேஸ்வரர் திருக்கோவிலில், கண்காணிப்பு கேமராக்கள் வசதியுடன் உலோகத் திருமேனி பாதுகாப்பு அறையை இந்துசமய அறநிலையத்துறை அமைச்சர் சேகர்பாபு
சுற்றுலா துறை, பக்தி சுற்றுலா, அமைச்சர் சேகர்பாபு

சென்னை: ‛‛கொரோனா தொற்று முழுவதும் முடிவுக்கு வந்தபின், சுற்றுலாத்துறையுடன் இணைந்து ‛பக்தி சுற்றுலா திட்டம்' செயல்படுத்தப்படும்,'' என, இந்துசமய அறநிலையத்துறை அமைச்சர் சேகர்பாபு தெரிவித்தார்.

சென்னை கோடம்பாக்கத்தில் உள்ள பரத்வாஜேஸ்வரர் திருக்கோவிலில், கண்காணிப்பு கேமராக்கள் வசதியுடன் உலோகத் திருமேனி பாதுகாப்பு அறையை இந்துசமய அறநிலையத்துறை அமைச்சர் சேகர்பாபு திறந்துவைத்தார். பின்னர் அவர் செய்தியாளர்களிடம் கூறியதாவது: மாநிலம் முழுவதும் உள்ள கோவில்களில், உலோகத் திருமேனிகளை பாதுகாக்க 3,085 அறைகள் விரைவில் கட்டப்படும். கோவிலைச் சுற்றி உள்ள டாஸ்மாக் கடைகளை அகற்றுவதற்கு முதல்வருடன் கலந்தாலோசித்து நடவடிக்கை எடுக்கப்படும்.


latest tamil news


அதேபோல பராமரிப்பில்லாத திருக்கோவில்களைக் கண்டறிந்து அதை மேம்படுத்தும் பணியை மாநில அரசு மேற்கொள்ள உள்ளது. கொரோனா தொற்று முழுவதும் முடிவுக்கு வந்தபின், சுற்றுலாத்துறையுடன் இணைந்து ‛பக்தி சுற்றுலா திட்டம்' செயல்படுத்தப்படும். கோவில் நிலங்கள் ஆக்கிரமிப்பில் யாராக இருந்தாலும் பாரபட்சமின்றி நடவடிக்கை எடுக்கப்படும். சிதம்பரம் நடராசர் கோயிலில் பக்தர்களிடம் தீட்சிதர்கள் கடுமையாக நடந்துகொள்வது தொடர்பாக கோயில் நிர்வாகத்திடம் விளக்கம் கேட்கப்பட்டுள்ளது.

பக்தர்கள் மன உளைச்சலின்றி இறை தரிசனம் செய்ய தகுந்த நடவடிக்கைகளை அரசு எடுக்கும். பா.ஜ., மாநில தலைவர் அண்ணாமலை மீது கைவைப்பேன் என்று நான் சொல்லவில்லை. பத்திரிகைகளில் வந்த செய்தியை வைத்து அண்ணாமலை அப்படி சொல்லியிருக்கிறார். நான் தொகுதி அரசியல் செய்வதில்லை. கடத்தப்பட்ட சிலைகளை வெளிநாடுகளில் இருந்து மீட்க மத்திய அரசுடன் இணைந்து தமிழக அரசு நடவடிக்கை எடுத்து வருகிறது. மதுரை மீனாட்சி அம்மன் கோயிலில் செல்போன்கள் எடுத்து செல்ல அனுமதிப்பது தொடர்பாக முதல்வருடன் கலந்தாலோசித்து அடுத்தக்கட்ட சட்ட நடவடிக்கைகளை எடுப்போம். இவ்வாறு அவர் கூறினார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X