பெட்ரோல் விலை ரூ.100ஐ தாண்டியதையும் மோடி கொண்டாடவேண்டும்: ப.சிதம்பரம் டுவிட்| Dinamalar

பெட்ரோல் விலை ரூ.100ஐ தாண்டியதையும் மோடி கொண்டாடவேண்டும்: ப.சிதம்பரம் டுவிட்

Updated : அக் 25, 2021 | Added : அக் 25, 2021 | கருத்துகள் (132)
Share
புதுடில்லி: ‛‛இந்தியாவில் 100 கோடி கோவிட் தடுப்பூசி செலுத்தப்பட்டதை சாதனையாகக் கொண்டாடிய பிரதமர் மோடி பெட்ரோல், டீசல் விலை லிட்டருக்கு ரூ.100 ஐ தாண்டியதையும் கொண்டாட வேண்டும்,'' என்று காங்கிரஸ் எம்.பி., ப.சிதம்பரம் விமர்சித்துள்ளார்.இந்தியாவில் 100 கோடி டோஸ் தடுப்பூசி செலுத்தப்பட்டு சுகாதாரத்துறை சாதனை புரிந்ததை பிரதமர் மோடி உள்ளிட்ட அமைச்சர்கள் வெகுவாக பாராட்டினர்.
PChidambaram, Congress, PM Modi, Ministers, Celebrating, Vaccinations, Petrol, Diesel, Price Hike, ப சிதம்பரம், காங்கிரஸ், பிரதமர், மோடி, கொண்டாட்டம், தடுப்பூசி, பெட்ரோல், டீசல், விலை உயர்வு

புதுடில்லி: ‛‛இந்தியாவில் 100 கோடி கோவிட் தடுப்பூசி செலுத்தப்பட்டதை சாதனையாகக் கொண்டாடிய பிரதமர் மோடி பெட்ரோல், டீசல் விலை லிட்டருக்கு ரூ.100 ஐ தாண்டியதையும் கொண்டாட வேண்டும்,'' என்று காங்கிரஸ் எம்.பி., ப.சிதம்பரம் விமர்சித்துள்ளார்.

இந்தியாவில் 100 கோடி டோஸ் தடுப்பூசி செலுத்தப்பட்டு சுகாதாரத்துறை சாதனை புரிந்ததை பிரதமர் மோடி உள்ளிட்ட அமைச்சர்கள் வெகுவாக பாராட்டினர். இந்தியா மட்டுமல்லாது உலக சுகாதார அமைப்பு உள்ளிட்ட உலக நாடுகளும் பாராட்டின. அதேநேரத்தில், நாட்டின் பல பகுதிகளில் பெட்ரோல், டீசல் விலை லிட்டருக்கு ரூ.100ஐ தாண்டியதை காங்கிரஸ் உள்ளிட்ட எதிர்க்கட்சியினர் விமர்சனம் செய்து வருகின்றனர்.


latest tamil news


இது தொடர்பாக காங்கிரஸ் மூத்த தலைவரும், முன்னாள் நிதியமைச்சருமான ப.சிதம்பரம் வெளியிட்ட டுவிட்டர் பதிவு: பிரதமர் மோடி அவரது அமைச்சர்களைக் கொண்டு 100 கோடி தடுப்பூசி இலக்கை எட்டியதைக் கொண்டாடினார். அதேபோல், நாட்டில் பெட்ரோல், டீசல் விலை லிட்டருக்கு ரூ.100 ஐ தாண்டியதையும், சமையல் எரிவாயு சிலிண்டரின் விலை ரு.1,000ஐ தாண்டியதும் இன்னொரு நல்ல வாய்ப்பாக நினைத்து அதையும் கொண்டாட வேண்டும். இவ்வாறு அவர் பதிவிட்டுள்ளார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X