வங்கதேச கலவர குற்றவாளிகள் கோர்ட்டில் ஒப்புதல் வாக்குமூலம்?| Dinamalar

பொது செய்தி

இந்தியா

வங்கதேச கலவர குற்றவாளிகள் கோர்ட்டில் ஒப்புதல் வாக்குமூலம்?

Updated : அக் 26, 2021 | Added : அக் 26, 2021 | கருத்துகள் (13)
Share
டாக்கா : வங்கதேசத்தில் சர்ச்சைக்குரிய கருத்தை சமூக வலைதளத்தில் பதிவிட்டு மதக்கலவரத்தை துாண்டிவிட்ட முதன்மை குற்றவாளிகள் இருவர், தங்கள் குற்றத்தை ஒப்புக் கொண்டதாக தகவல் வெளியாகி உள்ளது.நம் அண்டை நாடான வங்கதேசத்தில் 17 கோடி மக்கள் வசிக்கின்றனர். இதில் 10 சதவீதம் பேர் ஹிந்துக்கள். இங்கு சமிபத்தில் முஸ்லிம் மதத்தை இழிவுபடுத்தும் விதமான கருத்து ஒன்று, சமூக


டாக்கா : வங்கதேசத்தில் சர்ச்சைக்குரிய கருத்தை சமூக வலைதளத்தில் பதிவிட்டு மதக்கலவரத்தை துாண்டிவிட்ட முதன்மை குற்றவாளிகள் இருவர், தங்கள் குற்றத்தை ஒப்புக் கொண்டதாக தகவல் வெளியாகி உள்ளது.



latest tamil news


நம் அண்டை நாடான வங்கதேசத்தில் 17 கோடி மக்கள் வசிக்கின்றனர். இதில் 10 சதவீதம் பேர் ஹிந்துக்கள். இங்கு சமிபத்தில் முஸ்லிம் மதத்தை இழிவுபடுத்தும் விதமான கருத்து ஒன்று, சமூக வலைதளங்களில் வேகமாக பரவியது. இதையடுத்து ரங்க்பூர் பகுதியில் நடந்த துர்கா பூஜையின் போது ஹிந்து கோயில்கள் அடித்து நொறுக்கப்பட்டன.

ஹிந்துக்களின் வீடுகள் தீயிட்டு எரிக்கப்பட்டன. 70க்கும் மேற்பட்ட வீடுகள் கலவரத்தில் சேதம் அடைந்தன. இந்த விவகாரம் தொடர்பாக 24 ஆயிரம் பேர் மீது சந்தேகத்தின் அடிப்படையில் குற்றஞ்சாட்டப்பட்டது. இதில் 683 பேர் கைது செய்யப்பட்டனர். எட்டு பேர் மீது வழக்கு பதிவு செய்யப்பட்டது.


latest tamil news



இந்த வழக்கின் முதன்மை குற்றவாளிகளான ஷாய்கத் மற்றும் அவரது கூட்டாளி ரபியுல் இஸ்லாம் ஆகியோர் சமீபத்தில் கைதாகினர். இவர்கள் இருவரும் ரங்க்பூர் மாஜிஸ்திரேட் முன் ஆஜர் படுத்தப்பட்டனர். அப்போது, மதக்கலவரத்தை துாண்டும் நோக்கத்துடன் தன் சமூகவலைதள கணக்கில் இருந்து முஸ்லிம்களுக்கு எதிரான கருத்துக்களை திட்டமிட்டு பரப்பியதாக ஷாய்கத் ஒப்புக் கொண்டதாக கூறப்படுகிறது.

ஏற்கனவே திட்டமிட்டபடி இதுகுறித்து ஒலி பெருக்கி வாயிலாக அறிவிப்புகளை வெளியிட்டு முஸ்லிம்களை துாண்டும் பணியை ரபியுல் இஸ்லாம் மேற்கொண்டதாக மாஜிஸ்திரேட்டிடம் அவர்கள் ஒப்புக் கொண்டதாக நீதிமன்ற ஊழியர்கள் தெரிவித்தனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X