லக்கிம்பூர் வன்முறை சம்பவத்தில் 23 பேர் தான் சாட்சிகளா?: உச்சநீதிமன்றம் கேள்வி| Dinamalar

லக்கிம்பூர் வன்முறை சம்பவத்தில் 23 பேர் தான் சாட்சிகளா?: உச்சநீதிமன்றம் கேள்வி

Updated : அக் 26, 2021 | Added : அக் 26, 2021 | கருத்துகள் (18)
Share
புதுடில்லி: லக்கிம்பூர் வன்முறை சம்பவத்தில் 23 பேர் நேரடி சாட்சிகளாக வழக்கில் சேர்க்கப்பட்டுள்ளதாக கூறிய உ.பி., அரசுக்கு, ‛100க்கும் மேற்பட்டோர் பங்கேற்ற பேரணியில் வெறும் 23 பேர்தான் சாட்சிகளா?' என உச்சநீதிமன்றம் கேள்வி எழுப்பியுள்ளது.உ.பி., மாநிலம் லக்கிம்பூரில் சமீபத்தில் விவசாயிகளின் பேரணியின் போது கார் மோதியதால் வன்முறை வெடித்தது. இதில், 4 விவசாயிகள் உட்பட 8 பேர்
Lakhimpur Kheri, Hundreds of Farmers, Only 23 Witnesses, SC, Asks, UP Govt, லக்கிம்பூர், வன்முறை, சாட்சிகள், உச்சநீதிமன்றம், உத்தரபிரதேசம், உபி

புதுடில்லி: லக்கிம்பூர் வன்முறை சம்பவத்தில் 23 பேர் நேரடி சாட்சிகளாக வழக்கில் சேர்க்கப்பட்டுள்ளதாக கூறிய உ.பி., அரசுக்கு, ‛100க்கும் மேற்பட்டோர் பங்கேற்ற பேரணியில் வெறும் 23 பேர்தான் சாட்சிகளா?' என உச்சநீதிமன்றம் கேள்வி எழுப்பியுள்ளது.

உ.பி., மாநிலம் லக்கிம்பூரில் சமீபத்தில் விவசாயிகளின் பேரணியின் போது கார் மோதியதால் வன்முறை வெடித்தது. இதில், 4 விவசாயிகள் உட்பட 8 பேர் உயிரிழந்தனர். பெரும் பரபரப்பை ஏற்படுத்திய இச்சம்பவம் தொடர்பாக மத்திய அமைச்சர் அஜய் மிஸ்ராவின் மகன் ஆஷிஷ் மிஸ்ரா உள்ளிட்ட 13 பேரை உ.பி., போலீசார் கைது செய்தனர். இதனிடையே இந்த வன்முறை தொடர்பான வழக்கை உச்சநீதிமன்றம் தாமாக முன்வந்து விசாரணை செய்து வருகிறது. இன்று (அக்.,26) நடைபெற்ற விசாரணையில், உ.பி., மாநில அரசு சார்பாக மூத்த வழக்கறிஞர் ஹரீஷ் சால்வே ஆஜராகி வாதாடினார்.


latest tamil news


அப்போது அவர், ‛‛விவசாயிகள் மீது காரை ஏற்றி படுகொலை செய்ததாக 16 பேர் அடையாளம் காணப்பட்டுள்ளனர். 23 பேர் நேரடி சாட்சிகளாக வழக்கில் சேர்க்கப்பட்டுள்ளனர்,'' என்றார். அப்போது குறுக்கிட்ட நீதிபதிகள், ‛100க்கும் மேற்பட்டோர் பங்கேற்ற பேரணியில் கார் ஏற்றி படுகொலை செய்துள்ளனர். ஆனால், வெறும் 23 பேர்தான் சாட்சிகளா?' என கேள்வி எழுப்பினர். அத்துடன் நேரில் பார்த்த சாட்சிகளுக்கு உ.பி. அரசு உரிய பாதுகாப்பு வழங்க வேண்டும் என்றும், இந்த வழக்கில் விரிவான அறிக்கையை தாக்கல் செய்ய வேண்டும் என்று உ.பி. அரசுக்கு உத்தரவிட்டு நவம்பர் 8ம் தேதிக்கு வழக்கை நீதிபதிகள் ஒத்திவைத்தனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X