நாட்டின் வளர்ச்சிக்காக சிறு துரும்பை கூட எடுத்து போட்டிருக்க மாட்டீர்கள்...

Updated : அக் 29, 2021 | Added : அக் 29, 2021 | கருத்துகள் (29)
Advertisement
தமிழக வாழ்வுரிமை என்ற கட்சியின் தலைவர் வேல்முருகன் அறிக்கை: தமிழகத்தில் பிற மாநிலத்தவர்கள் குடியேற்றத்தை தடுத்து நிறுத்தும் வகையில், உள் அனுமதிச்சீட்டு நடைமுறையைக் கொண்டு வர வேண்டும் என தமிழக அரசை வலியுறுத்துகிறேன்.நாட்டின் வளர்ச்சிக்காக சிறு துரும்பை கூட எடுத்து போட்டிருக்க மாட்டீர்கள்... தேச ஒற்றுமைக்காக அரும்பாடு பட்ட நம் தலைவர்களை கேவலப்படுத்தும்
வேல்முருகன், ஜேசிடி_பிரபாகர், எச்ராஜா

தமிழக வாழ்வுரிமை என்ற கட்சியின் தலைவர் வேல்முருகன் அறிக்கை: தமிழகத்தில் பிற மாநிலத்தவர்கள் குடியேற்றத்தை தடுத்து நிறுத்தும் வகையில், உள் அனுமதிச்சீட்டு நடைமுறையைக் கொண்டு வர வேண்டும் என தமிழக அரசை வலியுறுத்துகிறேன்.


நாட்டின் வளர்ச்சிக்காக சிறு துரும்பை கூட எடுத்து போட்டிருக்க மாட்டீர்கள்... தேச ஒற்றுமைக்காக அரும்பாடு பட்ட நம் தலைவர்களை கேவலப்படுத்தும் விதமாக, உள் அனுமதிச்சீட்டு வேண்டும் என்கிறீர்கள்... உங்களையும் சிலர் நம்பி, எம்.எல்.ஏ., ஆக்கியுள்ளனரே!



ஐந்து மாவட்ட விவசாய சங்கங்களின் ஒருங்கிணைப்பாளர் அன்வர் பாலசிங்கம் பேச்சு: முல்லை பெரியாறு அணை பலமாக இருக்கிறது. அதற்கு எந்த ஆபத்தும் இல்லை என உச்ச நீதிமன்றம் சொன்ன பிறகும், கேரளாவில், அந்த அணைக்கு எதிராக தவறான பிரசாரம் மேற்கொள்ளப்படுகிறது. இதை நிறுத்திக் கொள்ளாவிடில், 2011ல் செய்தது போன்ற வணிக முற்றுகை தொடரப்படும்; எந்த பொருட்களும் கேரளாவுக்கு அனுப்பப்படாது.


அம்மாநில மார்க்சிஸ்ட் முதல்வர் பினராயி விஜயன் கூட, 'அணை பலமாக இருக்கிறது; வீண் வதந்தி பரப்பாதீர்' என்கிறார். கேட்க மாட்டேன் என்கின்றனரே!



அ.தி.மு.க., வழிகாட்டுதல் குழு உறுப்பினர் ஜே.சி.டி.பிரபாகர் பேட்டி: சசிகலாவை அ.தி.மு.க.,வில் இணைப்பது குறித்து கட்சியின் உயர்மட்டத் தலைவர்கள் ஆலோசனை செய்து முடிவெடுப்பர் என்று தானே, ஒருங்கிணைப்பாளர் பன்னீர்செல்வம் கூறினார்... அதில் என்ன தவறு இருக்கிறது. கட்சி தலைமைக்கு கட்டுப்படுவதில், அவருக்கு நிகர் யாருமில்லை.


எப்படியோ, அ.தி.மு.க., என்ற தேரை இழுத்து தெருவில் விட வேண்டும் என்ற அந்த நபரின் மறைமுக செயல்திட்டத்திற்கு, நீங்கள் எல்லாரும் ஆடத் துவங்கி விட்டீர்கள்!



பா.ஜ., மூத்த தலைவர் எச்.ராஜா பேட்டி: ஒட்டுமொத்த பா.ஜ.,வும், மாநில தலைவர் அண்ணாமலைக்கு பின்னால் உள்ளது; நீதிமன்றத்தை எப்படி சந்திக்க வேண்டும் என்பது எங்களுக்கு தெரியும். அ.தி.மு.க., உட்கட்சி விவகாரங்களில் பா.ஜ., தலையிடாது; அ.தி.மு.க., எங்களது மதிப்பு மிக்க கூட்டணி கட்சி.


latest tamil news




அ.தி.மு.க.,வினர், தமிழக பா.ஜ.,வை எந்த அளவுக்கு மதிக்கின்றனரோ தெரியவில்லை. ஆனால், தமிழக பா.ஜ., - அ.தி.மு.க.,வை அளவுக்கு அதிகமாகவே மதிக்கிறது!



நாம் தமிழர் என்ற கட்சியின் தலைமை ஒருங்கிணைப்பாளர் சீமான் பேட்டி: நாயன்மார்களும் ஆழ்வார்களும் தமிழில் தான் பாசுரங்களை பாடினர். வட மாநிலங்களில் நாயன்மார்கள், ஆழ்வார்கள் உண்டா; பாசுரங்கள் உண்டா? அதனால் தான் ஹிந்து மதத்தை கைவிட்டு சைவம், வைணவத்துக்கு திரும்பி வாருங்கள் என்றேன். கிறிஸ்துவர்கள், இஸ்லாமியர்களை தாய் மதம் திரும்ப சொல்லவில்லை.


கிறிஸ்துவர்கள், முஸ்லிம்கள் இடித்ததும், 'நான் அப்படி சொல்லவில்லை' என்கிறீர்கள். ஹிந்துக்கள் அதை பார்த்து கைதட்டிக் கொண்டிருக்கின்றனர். ஹிந்துக்களுக்கு ஹிந்து உணர்வு இல்லாததால் தான், உங்களைப் போன்றவர்கள் முன் அப்பாவியாக நின்று கொண்டிருக்கின்றனர்.



கவிஞர் வைரமுத்து அறிக்கை: தமிழகத்தில் கமல் ஹாசன், பாரதிராஜா, இளையராஜா என்று, 'தாதா சாகேப் பால்கே' விருதுக்கு தகுதி மிக்க பெருங்கலைஞர்கள் உள்ளனர். அதை மத்திய அரசின் கண்களுக்கு காட்டுவோம்.


நடிகர் ரஜினிக்கு இந்த விருது கிடைத்ததும், உங்களின் விருப்ப பட்டியலை தெரிவித்து விட்டீர்கள். எனினும், ரஜினி என்ற மாயசக்திக்குத் தான் அந்த விருது பொருத்தம் என, மத்திய அரசு நினைக்கிறதே!



விடுதலை சிறுத்தைகள் கட்சி எம்.பி., ரவிகுமார் அறிக்கை: 'பெகாசஸ்' உளவுச்செயலி விவகாரத்தை விசாரிப்பதற்கு, ஓய்வுபெற்ற உச்ச நீதிமன்ற நீதிபதி ரவீந்திரன் தலைமையில் விசாரணை குழுவை உச்ச நீதிமன்றம் அமைத்துள்ளதை வரவேற்கிறேன். நீதி கிடைக்கும் என்ற சிறு நம்பிக்கை துளிர்த்திருக்கிறது.


விடாப்பிடியாக இருந்து வெற்றி பெற்றுள்ளீர்கள்!


Advertisement




வாசகர் கருத்து (29)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Bhaskaran - Chennai,இந்தியா
03-நவ-202116:03:58 IST Report Abuse
Bhaskaran Thimuka kootaniyil irupathaal sungachaavadikalai udaika mudiyavillai athanaal velmurugan ippadi pesi vilambaram thedikolkiraar
Rate this:
Cancel
BASKAR TETCHANA - Aulnay ,பிரான்ஸ்
29-அக்-202121:56:38 IST Report Abuse
BASKAR TETCHANA எந்த எம்.எல்.எ வாழும் எம்.பி.யாலும் தமிழகத்திற்கு ஒன்றும் லாபம் இல்லை. அவனவா சுருட்ட பார்க்கிறான். மேலும் இந்த வேல்முருகன் பௌடர் கம்பெனிக்கு விளம்பரம் கொடுப்பது போல் காட்சி கொடுக்கிறான்.
Rate this:
Cancel
sankaranarayanan - Chennai-Tamilnadu,இந்தியா
29-அக்-202121:04:05 IST Report Abuse
sankaranarayanan தமிழகத்தில் பிற மாநிலத்தவர்கள் குடியேற்றத்தை தடுத்து நிறுத்தும் வகையில், உள் அனுமதிச்சீட்டு நடைமுறையைக் கொண்டு வரபாடுபடும் வேல் முருகனே - பாரதத்தில் பலவிதமான மக்கள் வாழ்கின்றனர். அவர்களுக்குள் பாகுபாடு கொண்டுவந்து இன்னும் நாட்டைப்பிரிக்காதீர்கள். பிரிந்திருந்த நாட்டை வல்லபாய் படேல் ஒன்று சேர்த்தார். மொழிவாரி மாகாணம் பொதுமய்யா - இன்னும் பிரித்துக்கொண்டே போனால் எங்குபோய் முடியும். நாளை - அண்ணா - தம்பி - அக்காள் - தங்கை இவர்களும் ஒரு இடத்தைவிட்டு அடுத்த இடத்துகிற்கு சென்றால்கூட விசா - பாஸ் போர்ட் வாங்கித்தான் செல்ல வேண்டும் என்பதாகிவிடும். ஏன் இவருக்கு நாட்டின் பொருளாதார முன்னேற்றத்திற்கு வழி வகைகள் ஏதாவது சொன்னால் நாடு முன்னேறும். இவருடுடைய தற்கால பேச்சினால் இவர் மட்டுந்தான் முன்னேறுவர். இவரைச்சுற்றி ஒரு கூட்டம் கூடும். அடுத்தவர்களின் அழிவிற்கு இது ஒரு வழி .
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X