பொது, தனியார் சொத்து சேதத்துக்கு இழப்பீடு வசூலிக்க புது சட்டம் அமலாகிறது

Updated : நவ 05, 2021 | Added : நவ 05, 2021 | கருத்துகள் (19)
Advertisement
போபால்: போராட்டங்களின் போது பொது மற்றும் தனியார் சொத்துக்கள் சேதமடைந்தால், போராட்டத்தை நடத்தியவர்களிடம் இருந்து, இரண்டு மடங்கு இழப்பீடு வசூலிக்கும் புதிய சட்டத்தை அமல்படுத்த மத்திய பிரதேச அரசு முடிவு செய்துள்ளது. விரைவில் இதற்கான மசோதா தாக்கல் செய்யப்பட உள்ளது.மத்திய பிரதேசத்தில் போராட்டம், ஆர்ப்பாட்டங்களின் போது வன்முறை ஏற்பட்டு பொது மற்றும் தனியார்
Public Property, Private Property, Recovery of Damages Act

போபால்: போராட்டங்களின் போது பொது மற்றும் தனியார் சொத்துக்கள் சேதமடைந்தால், போராட்டத்தை நடத்தியவர்களிடம் இருந்து, இரண்டு மடங்கு இழப்பீடு வசூலிக்கும் புதிய சட்டத்தை அமல்படுத்த மத்திய பிரதேச அரசு முடிவு செய்துள்ளது. விரைவில் இதற்கான மசோதா தாக்கல் செய்யப்பட உள்ளது.

மத்திய பிரதேசத்தில் போராட்டம், ஆர்ப்பாட்டங்களின் போது வன்முறை ஏற்பட்டு பொது மற்றும் தனியார் சொத்துக்கள் சேதமடைந்தால், இழப்பீடு வசூலிக்க புதிய சட்டம் இயற்ற மாநில அரசு திட்டமிட்டுள்ளது.

இது குறித்து மாநில உள்துறை அமைச்சர் நரோத்தம் மிஸ்ரா கூறியுள்ளதாவது: அரசியல் கட்சிகள், பல்வேறு அமைப்புகள் சார்பில் போராட்டங்கள், ஆர்ப்பாட்டங்கள் நடத்தப்படுகின்றன. அவ்வாறு நடத்தப்படும் போராட்டத்தின்போது, சில சமயங்களில் வன்முறை ஏற்படுகிறது. பொது மற்றும் தனியார் சொத்துக்கள் சேதப்படுத்தப்படுகின்றன.


latest tamil news



இவ்வாறு ஏற்படும் சேதத்தின் மதிப்பைவிட இரண்டு மடங்கு வசூலிக்க புதிய சட்டம் அறிமுகம் செய்ய முடிவு செய்துள்ளோம். போராட்டத்தை நடத்தும் கட்சிகள் மற்றும் அமைப்புகளிடம் இருந்து இது வசூலிக்கப்படும். இதற்கான மசோதாவுக்கு அமைச்சரவை கூட்டத்தில் ஒப்புதல் அளிக்கப்பட்டுள்ளது. விரைவில் நடக்க உள்ள சட்டசபை கூட்டத்தில் மசோதா தாக்கல் செய்யப்படும். இவ்வாறு அவர் கூறினார்.

இது குறித்து அரசு உயரதிகாரிகள் கூறியுள்ளதாவது: சேதத்தின் மதிப்பை நிர்ணயிக்க, இழப்பீட்டை தொகையை நிர்ணயிக்க, ஓய்வு பெற்ற நீதிபதி மற்றும் ஐ.ஏ.எஸ்., அதிகாரி அடங்கிய தீர்ப்பாயம் அமைக்கப்படும்.சேதமடைந்த பொது சொத்து தொடர்பாக சம்பந்தபட்ட துறையின் அதிகாரிகள் மற்றும் தனியார் சொத்தின் உரிமையாளர்கள், வன்முறை நடந்த, 30 நாட்களுக்குள் இழப்பீடு கேட்டு விண்ணப்பிக்க வேண்டும்.

தீர்ப்பாயம் அளிக்கும் தீர்ப்பின் அடிப்படையில், இழப்பீட்டை வசூலிக்கும் அதிகாரி, எடுக்கப்பட்ட நடவடிக்கை குறித்து, 90 நாட்களுக்குள் அறிக்கை தாக்கல் செய்ய வேண்டும்.தீர்ப்பாயத்தின் தீர்ப்பை எதிர்த்து, 90 நாட்களுக்குள் உயர் நீதிமன்றத்தில் முறையீடு செய்யலாம்.இந்த புதிய சட்டத்தின்படி, சேதமடையும் சொத்துகளுக்கு இரண்டு மடங்கு இழப்பீடு, 15 நாட்களுக்குள் வசூலிக்கப்படும். இழப்பீடு தாமதமானால், அதற்கு வட்டியையும் சேர்த்து செலுத்த நேரிடும்.

வன்முறையின்போது சேதமடைந்த, பைக், கார், வீடு, அலுவலகம் உள்ளிட்டவற்றுக்கு இழப்பீடு கேட்க முடியும். இந்த இழப்பீட்டு வழக்கைத் தவிர, வன்முறை தொடர்பாக தனியாக கிரிமினல் வழக்கும் தொடரப்படும்.இவ்வாறு அவர்கள் கூறினர். இதற்கு, எதிர்க்கட்சியான, காங்., எதிர்ப்பு தெரிவித்துள்ளது. 'போராட்டங்கள் நடத்தப்படுவதை தடுக்கும் வகையில், மிரட்டும் வகையில் அரசின் இந்த முடிவு உள்ளது' என, காங்., செய்தித் தொடர்பாளர் ஜே.பி. தனோபியா கூறியுள்ளார்.

உ.பி., ஹரியானாவில்...போராட்டத்தின்போது பொது சொத்துக்களை சேதப்படுத்துவோரிடம் இருந்து இழப்பீட்டை வசூலிக்கும் வகையிலான சட்டம், பா.ஜ., ஆளும் உத்தர பிரதேசம் மற்றும் ஹரியானா மாநிலங்களில் ஏற்கனவே அமல்படுத்தப்பட்டுள்ளது.

சி.ஏ.ஏ., எனப்படும் குடியுரிமை திருத்த சட்டத்தை எதிர்த்து நடந்த போராட்டங்களின்போது வன்முறை வெடித்ததால், இந்த சட்டத்தை, உத்தர பிரதேச முதல்வர் யோகி ஆதித்யநாத் கடந்தாண்டு அமல்படுத்தினார். அதன்படி, போராட்டத்தில் ஈடுபட்டவர்களிடம் இருந்து இழப்பீட்டு தொகையும் வசூலிக்கப்பட்டுள்ளது.



தமிழகத்தில்...


தமிழ்நாடு பொதுச் சொத்துக்கள் சேதம் விளைவித்தல் தடுப்புச் சட்டம், 1992ம் ஆண்டில் அறிமுகம் செய்யப்பட்டுள்ளது. மரக்காணத்தில், 2013ல் வன்முறையில் ஈடுபட்டதாக, பா.ம.க.,வுக்கு எதிராக இந்த சட்டத்தின்கீழ் வழக்கு தொடரப்பட்டது. அதை விசாரித்த, உயர் நீதிமன்றம், 'கடந்த, 1992ல் இருந்து இந்த சட்டம் இருந்தாலும், 29 ஆண்டுகளாக இந்த சட்டம் திறமையாக அமல்படுத்தப்படவில்லை.. இந்த சட்டத்தின் அடிப்படையில் எத்தனை பேரிடம் இழப்பீடுகள் வசூலிக்கப்பட்டது என்பது தெரியவில்லை. இனிவரும் காலங்களில் இந்த சட்டத்தைக் கடுமையாக அமல்படுத்த வேண்டும்' என, கூறியிருந்தது.

Advertisement




வாசகர் கருத்து (19)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
DARMHAR - Los Angeles,யூ.எஸ்.ஏ
05-நவ-202123:40:37 IST Report Abuse
DARMHAR சிறு பான்மையினர் பொது சொத்தை அபகரித்தல் அல்லது எரித்தல் அவர்களது உரிமை என்பது அரசியல் நிர்ணய சட்டத்தில் எந்த ஷரத்துக்களில் தெளிவாக்கப்பட்டதுள்ளது என்பதை பா ம க கட்சி தலைவர் ராமதாஸ் விளக்கம் அளிப்பாரா?
Rate this:
Cancel
raguram - madurai,இந்தியா
05-நவ-202116:24:46 IST Report Abuse
raguram இது சரிபட்டு வராது.போரட்டம் நடத்த அனுமதி பெறும் முன்பே அந்தந்த கட்சி சொத்துகளை போரட்ட நபர்களின் எண்ணிக்கை எற்ப ஈடு வைத்தல் மட்டுமே அனுமதி கொடுக்கபட வேண்டும். மாற்று பாதையில் வாகனங்கள் செல்ல நேரும் போது தேசிய எரி பெருள் சேதத்திற்காக கட்டணம் வசுலிக்க வேண்டும் திடீர் போராட்டம் என்றல் சம்பந்தபட்ட கட்சி அந்த மாவட்ட சொத்துகளை உடனை முடக்க வேண்டும். அது சம்பந்தகாக வீடியோ வெளியிட்டவருக்கு பாதுகாப்பு கொடுத்து வெகுமதியும் கொடுக்க வேண்டும்.. அதே போல சாலை விதி மீறிவர்கள் சம்பந்தகாக வீடியோ வெளியிட்டவருக்கு பாதுகாப்பு கொடுத்து வெகுமதியும் கொடுக்க வேண்டும்.
Rate this:
Cancel
sankaseshan - mumbai,இந்தியா
05-நவ-202116:19:29 IST Report Abuse
sankaseshan சட்டம் இயற்றியது நன்று ,அதை கண்டீப்பா அமல்படுத்தி நஷ்ட தய் வசூல் செய்யவேண்டும்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X