மழை நிவாரணம் ரூ.2,000 வழங்க தமிழக அரசு பரிசீலனை

Updated : நவ 09, 2021 | Added : நவ 09, 2021 | கருத்துகள் (21)
Advertisement
சென்னை : மழையால் பாதிக்கப்பட்ட குடும்பங்களுக்கு நிவாரணமாக தலா 2,000 ரூபாய் வழங்குவது குறித்து, தமிழக அரசு பரிசீலித்து வருகிறது.சென்னையில் 2015ல் பெய்தது போல, சில தினங்களாக சென்னை, செங்கல்பட்டு, காஞ்சிபுரம், திருவள்ளூர் மாவட்டங்களில் தொடர்ந்து கன மழை பெய்து வருகிறது. இதனால், பல வீடுகளில் தண்ணீர் புகுந்து, மக்களின் வாழ்வாதாரம் பாதிக்கப்பட்டுள்ளது. மழையால் பாதிக்கப்பட்ட
rain, Rs 2000, MK Stalin, மழை நிவாரணம்,

சென்னை : மழையால் பாதிக்கப்பட்ட குடும்பங்களுக்கு நிவாரணமாக தலா 2,000 ரூபாய் வழங்குவது குறித்து, தமிழக அரசு பரிசீலித்து வருகிறது.

சென்னையில் 2015ல் பெய்தது போல, சில தினங்களாக சென்னை, செங்கல்பட்டு, காஞ்சிபுரம், திருவள்ளூர் மாவட்டங்களில் தொடர்ந்து கன மழை பெய்து வருகிறது. இதனால், பல வீடுகளில் தண்ணீர் புகுந்து, மக்களின் வாழ்வாதாரம் பாதிக்கப்பட்டுள்ளது. மழையால் பாதிக்கப்பட்ட குடும்பங்களுக்கு நிவாரணமாக தலா 2,000 ரூபாய் வழங்குவது குறித்து அரசு பரிசீலித்து வருகிறது.


latest tamil news


இது குறித்து, கூட்டுறவு மற்றும் உணவு துறை அதிகாரி ஒருவர் கூறியதாவது: சென்னையில் 2015ல் ஏற்பட்ட பெரு வெள்ளத்தின் போது, ரேஷன் கார்டுதாரர்களின் வங்கிக் கணக்குகளில் தலா 5,000 நிவாரண தொகை செலுத்தப்பட்டது. தற்போது ஏற்பட்டு உள்ள மழை பாதிப்புகளை, முதல்வர் ஸ்டாலின் நேரடியாக ஆய்வு செய்து, கள நிலவரங்களை தெரிந்து உள்ளார். அவரிடம், நிவாரண உதவிகளை வழங்குமாறு பாதிக்கப்பட்டவர்கள் கோரிக்கை விடுத்துள்ளனர்.

எனவே, ரேஷன் கார்டு அடிப்படையில், மழையால் பாதிக்கப்பட்ட குடும்பங்களுக்கு, 2,000 ரூபாய் ரொக்கமாக வழங்கலாமா அல்லது ரேஷன் பொருட்களை இலவசமாக வழங்கலாமா என்பது குறித்து பரிசீலிக்கப்பட்டு வருகிறது.

சென்னை முழுதும் தி.மு.க., - எம்.எல்.ஏ.,க் கள் தான் உள்ளனர். ஒவ்வொரு பகுதி வாரியாக, பாதிக்கப்பட்டவர் விபரங்கள் கணக்கெடுக்கப்பட்டு வருகின்றன. தொடர்ந்து மழை பெய்வதால், இன்னும் அந்த பணி முடிவடையவில்லை. ஒட்டுமொத்த விபரங்கள் சேகரித்த பின், நிவாரண தொகை குறித்து இறுதி செய்யப்படும். இவ்வாறு அவர் கூறினார்.

Advertisement




வாசகர் கருத்து (21)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
sankar - Nellai,இந்தியா
11-நவ-202110:40:46 IST Report Abuse
sankar வட்டம் - குட்டம் - மாவட்டங்களின் - காட்டில் மழைதான்
Rate this:
Cancel
THANGARAJ - CHENNAI,இந்தியா
10-நவ-202118:08:36 IST Report Abuse
THANGARAJ மழை நிவாரணம் ரூ.2,000 வழங்க வேண்டாம். அதற்கு பதிலாக சிங்கார சென்னையில் ஒரு மழை நீர் சேமிப்பு குளம் / ஊழல் அற்ற வடிகால் திட்டம் கொண்டு வந்தால் போதும். ஒவ்வொரு மழைக்கும் அதிக சேதம் உண்டாகும் பகுதியை காலி செய்து விட்டு அங்கு உலக தரம் வாய்ந்த பல அடுக்குமாடி திட்டம் செயல் படுத்தவும்.
Rate this:
Cancel
padma rajan -  ( Posted via: Dinamalar Android App )
09-நவ-202122:54:36 IST Report Abuse
padma rajan எல்லாம் கோவிந்தா..... நவம்பர் மாதம் இறுதியில் மாநகராட்சி தேர்தல்கள் நடத்தி ஆளும் கட்சி எல்லா நகராட்சி களையும் கைப்பற்றிவிட திட்டமிட்டது. ஆனால் இயற்கை அதை தடுத்துவிட்டது மழையைக் கொண்டுவந்து. சென்னை மக்கள் இன்னல்களிலிருந்து மீண்டு வருவதற்கு மூன்று மாதங்கள் ஆகும் . டிசம்பர் மாதம் வரை மழை தொடரும் சென்னை மக்களின் இன்னல்களும் தொடரும். எனவே குறைந்தது மக்கள் மனநிலை இயல்பு நிலைக்கு திரும்ப நீண்ட நாட்கள் ஆகும் என்பதால் மாநகராட்சி தேர்தல் கண்டிப்பாக ஆறு மாதங்கள் தள்ளிப்போக வாய்ப்பு உண்டு. இரண்டு கழகங்களின் மீதும் சென்னை மக்கள் கடுப்பில் உள்ளனர் .
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X