பொது செய்தி

தமிழ்நாடு

'மழைக்கால நோய்களில் இருந்து பாதுகாத்து கொள்வது அவசியம்'

Added : நவ 09, 2021
Share
Advertisement
சென்னை:''பொதுமக்கள் மழைக்கால நோய்களில் இருந்து தங்களை பாதுகாத்து கொள்ள வேண்டும்,'' என, மக்கள் நல்வாழ்வு துறை செயலர் ராதாகிருஷ்ணன் கூறினார்.சென்னை ராஜிவ் காந்தி அரசு மருத்துவ மனையில் ஆய்வு செய்த பின், அவர் அளித்த பேட்டி: மழை தொடர்ந்து பெய்து வந்தாலும், சுகாதாரத் துறை சார்பில் உடனடியாக பாதுகாப்பு நடவடிக்கைகள் எடுக்கப்பட்டு வருகின்றன. பேரிடர் காலங்களில் ஏற்படும்

சென்னை:''பொதுமக்கள் மழைக்கால நோய்களில் இருந்து தங்களை பாதுகாத்து கொள்ள வேண்டும்,'' என, மக்கள் நல்வாழ்வு துறை செயலர் ராதாகிருஷ்ணன் கூறினார்.

சென்னை ராஜிவ் காந்தி அரசு மருத்துவ மனையில் ஆய்வு செய்த பின், அவர் அளித்த பேட்டி: மழை தொடர்ந்து பெய்து வந்தாலும், சுகாதாரத் துறை சார்பில் உடனடியாக பாதுகாப்பு நடவடிக்கைகள் எடுக்கப்பட்டு வருகின்றன. பேரிடர் காலங்களில் ஏற்படும் நோயை தடுக்கும் வகையில், அடுத்த மூன்று மாதங்களுக்கு தேவையான 160 கோடி ரூபாய் மதிப்பிலான மருந்துகள் தயாராக உள்ளன.

தற்போது சென்னையில், 205 மருத்துவ முகாம்கள் வாயிலாக 8,000 பேர் உட்பட, மாநிலம் முழுதும் 1,500 முகாம்களில், 60 ஆயிரம் பேர் பயன் அடைந்துள்ளனர். சென்னை மாநகராட்சியில் நடத்தப்படும் முகாம்களின் எண்ணிக்கையை, 500 ஆக உயர்த்த நடவடிக்கை எடுக்கப்பட்டு உள்ளது.மழைக்காலங்களில் ஏற்படும் நோய்களுக்கு ஆளாகாமல், பொது மக்கள் தங்களை பாதுகாத்து கொள்வது அவசியம். மழை பெய்து வருவதால், கொரோனா தடுப்பூசியை அனைவரும் செலுத்திக் கொள்ள வேண்டும். தடுப்பூசி மீது மக்களுக்கு பயம் வேண்டாம்.இவ்வாறு ராதாகிருஷ்ணன் கூறினார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X