பொது செய்தி

தமிழ்நாடு

2வது ஆண்டாக பக்தர்கள் இன்றி திருச்செந்துாரில் சூரசம்ஹாரம்

Added : நவ 10, 2021
Share
Advertisement
துாத்துக்குடி:திருச்செந்துார் சுப்பிரமணிய சுவாமி கோவிலில் நேற்று, சூரசம்ஹாரம் நிகழ்ச்சி நடந்தது. கொரோனா பரவலை தடுக்க, கடந்த ஆண்டை போல பக்தர்களுக்கு அனுமதியில்லை.அறுபடை வீடுகளில் இரண்டாம் படை வீடான திருச்செந்துார் சுப்பிரமணிய சுவாமி கோவிலில், கந்தசஷ்டி திருவிழா நவம்பர் 4ல் யாகசாலை பூஜையுடன் துவங்கியது. கொரோனா காரணமாக, பல்வேறு கட்டுப்பாடுகளுடன் விழா நடந்தது.10,000
 2வது ஆண்டாக பக்தர்கள் இன்றி திருச்செந்துாரில் சூரசம்ஹாரம்

துாத்துக்குடி:திருச்செந்துார் சுப்பிரமணிய சுவாமி கோவிலில் நேற்று, சூரசம்ஹாரம் நிகழ்ச்சி நடந்தது. கொரோனா பரவலை தடுக்க, கடந்த ஆண்டை போல பக்தர்களுக்கு அனுமதியில்லை.

அறுபடை வீடுகளில் இரண்டாம் படை வீடான திருச்செந்துார் சுப்பிரமணிய சுவாமி கோவிலில், கந்தசஷ்டி திருவிழா நவம்பர் 4ல் யாகசாலை பூஜையுடன் துவங்கியது. கொரோனா காரணமாக, பல்வேறு கட்டுப்பாடுகளுடன் விழா நடந்தது.


10,000 பக்தர்கள்



நவம்பர் 4 முதல் 8 வரை தினமும் 5,000 பேர் 'ஆன்லைன்' முன்பதிவு மூலமாகவும், 5,000 பேர் நேரடியாகவும் என, தினமும் 10 ஆயிரம் பக்தர்கள், தரிசனத்திற்கு அனுமதிக்கப்பட்டனர். நேற்றைய சூரசம்ஹாரம், இன்று நடக்கும் திருக்கல்யாண நிகழ்ச்சிக்கு பக்தர்களுக்கு அனுமதியில்லை. சூரசம்ஹாரம் நிகழ்ச்சி, கடந்த ஆண்டை போல பக்தர்களின்றி, கோவில் முன்பாக கடற்கரை நுழைவாயிலில் நடந்தது.

கோவில் முன் மூன்று புறமும் தகர தடுப்புகள் அமைக்கப்பட்டன.நேற்று அதிகாலை 1:00 மணிக்கு நடை திறக்கப்பட்டு, சிறப்பு பூஜைகள் நடந்தன. மாலை 5:00 மணியளவில், கடற்கரையில் சுவாமி ஜெயந்திநாதர், சூரபத்மனை வதம் செய்யும் நிகழ்ச்சி நடந்தது.முதலில் யானை முகனையும், பின் சிங்கமுகாசூரனையும், தொடர்ந்து சூரபத்மனையும் சுவாமி ஜெயந்திநாதர் வேல் கொண்டு வதம் செய்தார்.இறுதியாக மாமரமும், சேவலுமாக உருமாறிய சூரபத்மனை சேவலும், மயிலுமாக மாற்றி சுவாமி ஆட்கொண்டார்.


இன்று திருக்கல்யாணம்

அறநிலையத் துறை ஆணையர் குமரகுருபரன்,உயர் நீதிமன்ற நீதிபதி புகழேந்தி, துாத்துக்குடி கலெக்டர் செந்தில்ராஜ், கோவில் தக்கார் கண்ணன் ஆதித்தன், ஹிந்து சமய அறநிலையத் துறை அமைச்சர் சேகர்பாபுவின் மனைவி மற்றும் குடும்பத்தினர் பங்கேற்றனர்.பக்தர்கள் இன்றி சூரசம்ஹாரம் நடந்ததால், கோவில் வளாகம் வெறிச்சோடி காணப்பட்டது.இன்று இரவு மகாதேவர்சன்னிதியில் சுவாமிக்கும், தெய்வானை அம்மனுக்கும் திருக்கல்யாணம் நடக்கிறது.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X