சிறப்பு பகுதிகள்

சொல்கிறார்கள்

காது கேட்காத மகன் இப்போது ஐ.ஏ.எஸ்., அதிகாரி!

Added : நவ 10, 2021 | கருத்துகள் (8)
Share
Advertisement
காது கேட்காத மாற்றுத்திறனாளி மகனுக்கு, பிறர் பேசுவதை உணர வைத்து, நன்றாக பேச வைத்து, ஐ.ஏ.எஸ்., தேர்வில் வெற்றி பெற வைத்துள்ள, ஈரோட்டைச் சேர்ந்த தாய் அமிர்தவள்ளி: என் மகன் ரஞ்சித்துக்கு சிறிது பேச வரும் என்றாலும், காது கேட்காது என்பதை, அவன் பிறந்து ஏழு மாதங்கள் கழித்து தான் எங்களுக்கு தெரிந்தது. சிறப்பு மருத்துவரிடம் காண்பித்த போது, 'காது கேளாதவர்களுக்கு பேச பயிற்சி
சொல்கிறார்கள்

காது கேட்காத மாற்றுத்திறனாளி மகனுக்கு, பிறர் பேசுவதை உணர வைத்து, நன்றாக பேச வைத்து, ஐ.ஏ.எஸ்., தேர்வில் வெற்றி பெற வைத்துள்ள, ஈரோட்டைச் சேர்ந்த தாய் அமிர்தவள்ளி: என் மகன் ரஞ்சித்துக்கு சிறிது பேச வரும் என்றாலும், காது கேட்காது என்பதை, அவன் பிறந்து ஏழு மாதங்கள் கழித்து தான் எங்களுக்கு தெரிந்தது.

சிறப்பு மருத்துவரிடம் காண்பித்த போது, 'காது கேளாதவர்களுக்கு பேச பயிற்சி தரும் சிறப்பு பள்ளியில் சேருங்கள்' என்றார்.அதற்கான பள்ளியை, நாகர்கோவிலில் கிறிஸ்டோபர் என்பவர் நடத்தி வருகிறார் என்பதை கேள்விப்பட்டு அங்கு சென்றோம். கிறிஸ்டோபர், லண்டனில் பயிற்சி பெற்றவர். 'பிறர் பேசும்போது உதடுகளின் அசைவை வைத்து, அவர்கள் என்ன பேசுகின்றனர் என்பதை புரிந்து, காது கேட்கும் சக்தி இல்லாதவர்களால் பேசவும் முடியும்' என்றார். அதன் பிறகு தான் காது கேளாதவர்களும் பேசலாம் என்பதை உணர்ந்தேன். என் மகனை பேச வைக்கும் முறைகளை, கிறிஸ்டோபர் எனக்கு பயிற்சி அளித்தார்.

அதற்காக, காது கேளாதோரை பேச வைக்கும் படிப்பில், பி.எட்., முடித்தேன். அதே சமயம், கோவையில் தனியார் சர்க்கரை ஆலை நிறுவனத்தினர், 'கஸ்துார்பா காந்தி காது கேளாதோர் வாய்மொழி பயிற்சி பள்ளி'யை துவங்கினர். எனக்கு அந்த பள்ளியில் ஆசிரியை வேலை கிடைத்தது. மகனையும் அதே பள்ளியில் சேர்த்தேன். 'அ' என்று நான் உரக்க சொல்லுகையில், தொண்டையில் ஏற்படும் அதிர்வுகளை ரஞ்சித்தை தொட்டு உணரச் செய்து, எப்படி ஒலி உருவாகிறது என்பதை புரிந்து கொள்ள வைத்தேன்.

ஒற்றை எழுத்துக்களுக்கு பின் வார்த்தைகளை கற்றுக் கொடுத்தேன். பலமுறை உச்சரித்து பயிற்றுவித்தேன். அவன் பேசும் போதும், எழுதும் போதும், ஆரம்பத்தில் தப்பும் தவறுமாக தான் இருந்தது. அதை பொறுமையாக சரி செய்து, அவனை செதுக்கினேன்.எந்தப் பொருள் எங்கு கிடைக்கும் என்று கடைகளுக்கு அழைத்து சென்று பொறுமையாக அவனுக்கு சொல்லித் தருவேன். ஊர்களுக்கு செல்லும் போது வழியில் வரும் ஊர்கள், குளம், மரங்கள், வயல், பயிர் என்று விளக்கிக் கொண்டே போவேன்.
தனியார் தொழில்நுட்ப கல்லுாரியில் மெக்கானிக்கல் இன்ஜினியரிங் படிப்பை முடித்தான். ஐ.ஏ.எஸ்., தேர்வையும் தமிழில் தான் எழுதினான். டில்லியில் நடந்த நேர்முக தேர்வுக்கு தனியாக சென்று வந்தான்; தற்போது நன்றாக பேசுகிறான். வரும் டிசம்பரில் ஐ.ஏ.எஸ்., பயிற்சி துவங்குகிறது. ஹிந்தி தெரியாது; ஆனால், அதை அவன் சமாளித்துக் கொள்வான் என்ற நம்பிக்கை அவனுக்கும், எனக்கும் நிறையவே இருக்கிறது!

Advertisement




வாசகர் கருத்து (8)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ramesh Babu - Paramakudi,ஐக்கிய அரபு நாடுகள்
11-நவ-202120:39:34 IST Report Abuse
Ramesh Babu வாழ்த்துக்கள் சகோதரி. உங்கள் மகன் மேலும் பல வெற்றி பெற எந்தை ஈசன் உமது துணை இருக்கட்டும்.
Rate this:
Cancel
Dawamani - Kajang,மலேஷியா
11-நவ-202119:20:51 IST Report Abuse
Dawamani வாழ்த்துக்கள் அம்மணி
Rate this:
Cancel
Vijay D Ratnam - Chennai,இந்தியா
11-நவ-202116:09:16 IST Report Abuse
Vijay D Ratnam அகந்தையை அழைப்பாள் ஆற்றலை கொடுப்பாள் அவள்தான் அன்னை மஹாசக்தி என்று எம்ஜிஆர் பாடல் ஒன்று உண்டு. அந்த மஹாசக்திதான் இந்த தாய் அமிர்தவள்ளி. வாழ்த்துக்கள் சகோதரி. தகுதியை மட்டும் அடிப்படையாக கொண்டு நல்லாசிரியர் விருது கொடுப்பதாக இருந்தால் அதை இந்த தாய் மற்றும் ஆசிரியை அமிர்தவள்ளிக்கு வழங்க வேண்டும்.
Rate this:
selva - Chennai,இந்தியா
11-நவ-202121:46:11 IST Report Abuse
selvaஉண்மை.. இது ரொம்ப இனிக்கிறது...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X