கிஷண் ரெட்டிக்கு எதிராக உரிமை மீறல்: ராஜ்யசபா தலைவருக்கு காங்., கடிதம்

Updated : நவ 12, 2021 | Added : நவ 12, 2021 | கருத்துகள் (1)
Share
Advertisement
மத்திய அமைச்சர் கிஷண் ரெட்டிக்கு எதிராக உரிமை மீறல் தீர்மானம் கொண்டுவரப்போவதாக ராஜ்யசபா தலைவர் வெங்கையா நாயுடுவிடம் காங்கிரஸ் கடிதம் வழங்கியுள்ளதால் பரபரப்பு ஏற்பட்டுள்ளது.பா.ஜ.வின் முன்னாள் ராஜ்யசபா எம்.பி. தருண் விஜய் ஆர்.எஸ்.எஸ். பத்திரிகையான பஞ்சஜன்யாவின் ஆசிரியராக இருந்தவர். இவர் மத்திய சுற்றுலா மற்றும் கலாசார அமைச்சகத்தின் கீழ் வரும் தேசிய நினைவிடங்கள்
கிஷண் ரெட்டி,உரிமை மீறல், ராஜ்யசபா தலைவர், காங்கிரஸ்

மத்திய அமைச்சர் கிஷண் ரெட்டிக்கு எதிராக உரிமை மீறல் தீர்மானம் கொண்டுவரப்போவதாக ராஜ்யசபா தலைவர் வெங்கையா நாயுடுவிடம் காங்கிரஸ் கடிதம் வழங்கியுள்ளதால் பரபரப்பு ஏற்பட்டுள்ளது.

பா.ஜ.வின் முன்னாள் ராஜ்யசபா எம்.பி. தருண் விஜய் ஆர்.எஸ்.எஸ். பத்திரிகையான பஞ்சஜன்யாவின் ஆசிரியராக இருந்தவர். இவர் மத்திய சுற்றுலா மற்றும் கலாசார அமைச்சகத்தின் கீழ் வரும் தேசிய நினைவிடங்கள் மற்றும் நினைவுச் சின்னங்கள் ஆணைய தலைவராக நியமனம் செய்யப்பட்டார்.


latest tamil news




இதை எதிர்த்து ராஜ்யசபா தலைவர் வெங்கையா நாயுடுவுக்கு காங். ராஜ்யசபா கொறடா ஜெய்ராம் ரமேஷ் கடிதம் எழுதியுள்ளார். அதில் கூறப்பட்டு உள்ளதாவது: நினைவிடங்கள் மற்றும் நினைவுச் சின்னங்கள் பராமரிப்பு ஆணையம் அமைக்க 2010ல் பார்லி.யில் சட்டம் நிறைவேற்றப்பட்டது.

அதன்படி கட்டடக்கலை அகழ்வாராய்ச்சி நகர வடிவமைப்பு உள்ளிட்டவற்றில் அதிக அனுபவம் வாய்ந்தவர்களையே தலைவராக்க வேண்டும்.ஆனால் இப்பதவியில் பொருத்தமில்லாதவரான தருண் விஜய் நியமிக்கப்பட்டிருப்பது சம்பந்தப்பட்ட சட்டத்தை கேலிக்குரியதாக ஆக்கியுள்ளது. எனவே மத்திய சுற்றுலா மற்றும் கலாசார அமைச்சர் கிஷண் ரெட்டி மீது உரிமை மீறல் தீர்மானம் கொண்டு வர அனுமதிக்க வேண்டும். இவ்வாறு அதில் கூறப்பட்டு உள்ளது.

இதுகுறித்து தகவலறிந்த வட்டாரங்கள் கூறியதாவது: சுற்றுலா மற்றும் கலாசார அமைச்சராக கிஷண் ரெட்டி ஜூலையில்தான் பதவியேற்றார். ஆனால் தருண் விஜய் நியமனம் 2019ல் நடந்தது. அப்போது அமைச்சராக இருந்தவர் பிரஹலாத் ஜோஷி. உரிமை மீறல் தீர்மானத்தை இப்போது கொண்டு வந்தால் கிஷண்ரெட்டிதான் பதில் அளிக்க வேண்டும்.

ஜெய்ராம் ரமேசின் நோட்டீசை முதலில் ராஜ்யசபா தலைவர் ஏற்க வேண்டும். பின் உரிமை மீறல் குழுவிற்கு அனுப்ப வேண்டும். இதில் விதிகள் மீறப்பட்டு உள்ளதா என ஆய்வு செய்து அக்குழு ராஜ்யசபா தலைவரிடம் அறிக்கை அளிக்கும். அதில் ராஜ்யசபா தலைவர் திருப்தி அடைந்தால் அடுத்தகட்ட நடவடிக்கை எடுக்கப்படும். இவ்வாறு அவர்கள் கூறினர்.

Advertisement




வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
GANESUN - Delhi,இந்தியா
12-நவ-202105:07:39 IST Report Abuse
GANESUN விடியல் ஆட்சில லிட்மஸ் லியோனியெல்லாம் கல்வி அமைப்பில் உடக்கார‌ வைச்சத எத்துக்கறபோது இதையும் ஏத்துக்கனும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X