சம்பவம் செய்தி

தமிழ்நாடு

மாணவி தற்கொலை வழக்கில் பள்ளி முதல்வர் கைது: பெற்றோருக்கு அமைச்சர்கள் ஆறுதல்

Added : நவ 14, 2021 | கருத்துகள் (1)
Share
Advertisement
கோவை-கோவையில், ஆசிரியரின் பாலியல் தொல்லையால் மாணவி தற்கொலை செய்த சம்பவத்தில், தலைமறைவான பள்ளி முதல்வரை போலீசார் கைது செய்தனர். இதையடுத்து, மாணவியின் சடலத்தை பெற்றோர் பெற்று சென்று, தகனம் செய்தனர். மாணவி குடும்பத்துக்கு, தமிழக அமைச்சர்கள் நேரில் சென்று ஆறுதல் தெரிவித்தனர்.கோவை, கோட்டைமேடு பகுதியைச் சேர்ந்த 17 வயது மாணவி, ஆர்.எஸ்.புரம் தனியார் பள்ளியில் பிளஸ் 1
 மாணவி தற்கொலை வழக்கில் பள்ளி முதல்வர் கைது: பெற்றோருக்கு அமைச்சர்கள் ஆறுதல்

கோவை-கோவையில், ஆசிரியரின் பாலியல் தொல்லையால் மாணவி தற்கொலை செய்த சம்பவத்தில், தலைமறைவான பள்ளி முதல்வரை போலீசார் கைது செய்தனர்.

இதையடுத்து, மாணவியின் சடலத்தை பெற்றோர் பெற்று சென்று, தகனம் செய்தனர். மாணவி குடும்பத்துக்கு, தமிழக அமைச்சர்கள் நேரில் சென்று ஆறுதல் தெரிவித்தனர்.கோவை, கோட்டைமேடு பகுதியைச் சேர்ந்த 17 வயது மாணவி, ஆர்.எஸ்.புரம் தனியார் பள்ளியில் பிளஸ் 1 படித்தார்.

பின், மாநகராட்சி பள்ளியில் பிளஸ் 2 படித்து வந்தார். முன்பு படித்த பள்ளியில் இயற்பியல் ஆசிரியர் மிதுன் சக்ரவர்த்தி, 35, மாணவிக்கு பாலியல் தொல்லை கொடுத்ததால், அவர் பள்ளியை விட்டு விலகியுள்ளார்.இந்நிலையில், மாணவி இரண்டு நாட்களுக்கு முன், அவரது வீட்டில் துாக்கிட்டு தற்கொலை செய்து கொண்டார். இச்சம்பவம், மாநிலம் முழுதும் பெரும் அதிர்ச்சியை ஏற்படுத்தியது. ஆசிரியர் மிதுன் சக்ரவர்த்தி, 'போக்சோ' சட்டத்தில் கைது செய்யப்பட்டார்.

சிக்கினார்

மாணவி தனக்கு ஏற்பட்ட பாலியல் தொந்தரவு குறித்து, பள்ளி முதல்வர் மீரா ஜாக்சன், 46, என்பவரிடம் புகார் அளித்தும், உரிய நடவடிக்கை எடுக்காமல் அலட்சியமாக இருந்ததாக குற்றச்சாட்டு எழுந்தது. 'பள்ளி முதல்வரை கைது செய்யும் வரை, சடலத்தை வாங்க மாட்டோம்' என பெற்றோர் தெரிவித்தனர். மாணவியின் தற்கொலைக்கு பள்ளி முதல்வரும் காரணம் என்ற கோணத்தில், அவர் மீதும் போக்சோ சட்டத்தில் வழக்கு பதிந்த போலீசார், தனிப்படை அமைத்து தேடினர்.

பெங்களூரில் பதுங்கி இருந்த மீரா ஜாக்சனை கைது செய்து, நேற்று காலை கோவை அழைத்து வந்தனர். அவரிடம், சம்பவம் குறித்தும், மாணவி அளித்த புகார் குறித்தும் விசாரணை நடத்தப்படுகிறது.சடலம் ஒப்படைப்புபள்ளி முதல்வர் கைதை தொடர்ந்து, நேற்று காலை மாணவியின் சடலத்தை பெற்றோர் வாங்கி சென்றனர். மாணவியின் வீட்டிற்கு அமைச்சர்கள், மாணவர்கள், அரசியல் கட்சியினர் சென்று அஞ்சலி செலுத்தினர்.பின், போலீஸ் பாதுகாப்புடன் ஊர்வலமாக ஆத்துப்பாலம் எடுத்து செல்லப்பட்டு, மின் மயானத்தில் உடல் தகனம் செய்யப்பட்டது.

ஊர்வலத்தில் பங்கேற்ற மாணவர்கள், பொதுமக்கள், பாலியல் துன்புறுத்தல்களுக்கு எதிரான வாசகங்கள் அடங்கிய பதாகைகளை ஏந்தி, கோஷமிட்டு சென்றனர்.உதவி எண் 14417மாணவி வீட்டுக்கு பள்ளிக்கல்வி அமைச்சர் மகேஷ் மற்றும் அமைச்சர் செந்தில் பாலாஜி சென்றனர். பெற்றோரை சந்தித்து ஆறுதல் கூறிய அமைச்சர் மகேஷ், நிருபர்களிடம் கூறுகையில், ''இது, தனிப்பட்ட பெண்ணுக்கு நடந்தது என்று பாராமல், என் சொந்த மகளுக்கு ஏற்பட்டது போல் வலியை தருகிறது. இச்சம்பவத்தில் பாரபட்சமின்றி நடவடிக்கை எடுக்கப்படும்.''மாணவி வீட்டில் கிடைத்த கடிதம் குறித்து, விசாரணை நடக்கிறது. பள்ளி மாணவ - மாணவியருக்கு 14417 என்ற உதவி எண் உள்ளது. எந்த பிரச்னையாக இருந்தாலும், இந்த எண்ணை தொடர்பு கொள்ளலாம்,'' என்றார்.கல்வி அதிகாரி விசாரணைசம்பவம் குறித்து, பள்ளியில் மாவட்ட கல்வி அதிகாரி விசாரணை மேற்கொண்டார். ஆசிரியர் மிதுன் சக்ரவர்த்தி, கம்ப்யூட்டர் பாடப்பிரிவில் பட்டம் பெற்றவர் என்பது தெரிந்தது.

ஆனால், பள்ளியில் இவர் இயற்பியல் பாடம் எடுத்து வந்துள்ளார்.இவரை ஏன் இயற்பியல் பாடம் எடுக்க அனுமதித்தனர்? பள்ளி மாணவி புகார் அளித்தும், ஆசிரியரை தொடர்ந்து பணியாற்ற அனுமதித்தது ஏன் என, கல்வித் துறை அதிகாரிகள் விசாரிக்கின்றனர். ரூ.1 கோடி வழங்க அ.தி.மு.க., வலியுறுத்தல்அ.தி.மு.க., கோவை புறநகர் தெற்கு மாவட்டச் செயலரும், முன்னாள் அமைச்சருமான வேலுமணி மற்றும் கட்சி நிர்வாகிகள், மாணவி வீட்டுக்கு நேற்று சென்று பெற்றோருக்கு ஆறுதல் கூறினர்.

பின், வேலுமணி கூறுகையில், ''மாணவியின் மரணத்துக்கு காரணமானவர்களை கைது செய்து நடவடிக்கை எடுக்க வேண்டும். பாதிக்கப்பட்ட மாணவி குடும்பத்துக்கு 1 கோடி ரூபாய் நிதியுதவி அளிக்க வேண்டும்,'' என்றார்.'கஸ்டடி' எடுக்க திட்டம்பள்ளியில் படிக்கும் மேலும் சில மாணவியரிடமும் இதேபோன்று ஆசிரியர் அத்துமீறி நடந்து கொண்டதாக புகார் கூறப்பட்டுள்ளது. இது குறித்து சில மாணவியரும், பெற்றோரும், போலீசார் மற்றும் கல்வி அதிகாரிகளிடம் தெரிவித்துள்ளனர். இதனால், சிறையில் அடைக்கப்பட்ட மிதுன் சக்கரவர்த்தியை, 'கஸ்டடி' எடுத்து விசாரிக்க போலீசார் திட்டமிட்டுள்ளனர்.

Advertisement


வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Vasanth Saminathan - Trivandrum,இந்தியா
15-நவ-202101:19:14 IST Report Abuse
Vasanth Saminathan Total unnecessary. Arrest
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X