இது உங்கள் இடம்: கழுமரம் ஏற்றுங்கள்!

Updated : நவ 15, 2021 | Added : நவ 15, 2021 | கருத்துகள் (30)
Advertisement
உலக, நாடு, தமிழக நடப்புகள் பற்றி, வாசகர்கள் தினமலர் நாளிதழில் எழுதிய கடிதம்:கா.மகேஷ், பணகுடி, நெல்லை மாவட்டத்திலிருந்து அனுப்பிய, 'இ - மெயில்' கடிதம்: 'அடங்க மாட்றாங்கய்யா' என்ற தலைப்பில், அன்றாடம் குறைந்தது நான்கு அரசு அதிகாரிகளாவது லஞ்ச ஒழிப்பு துறையால் கைது செய்யப்பட்ட செய்தி, நம் நாளிதழில் வெளியாகிறது.கூட்டி கழித்து கணக்கு பார்த்தால், லஞ்சம் வாங்கியதாக
இது, உங்கள், இடம், லஞ்சம், சட்டம்,மாற்றம்


உலக, நாடு, தமிழக நடப்புகள் பற்றி, வாசகர்கள் தினமலர் நாளிதழில் எழுதிய கடிதம்:



கா.மகேஷ், பணகுடி, நெல்லை மாவட்டத்திலிருந்து அனுப்பிய, 'இ - மெயில்' கடிதம்: '

அடங்க மாட்றாங்கய்யா' என்ற தலைப்பில், அன்றாடம் குறைந்தது நான்கு அரசு அதிகாரிகளாவது லஞ்ச ஒழிப்பு துறையால் கைது செய்யப்பட்ட செய்தி, நம் நாளிதழில் வெளியாகிறது

.கூட்டி கழித்து கணக்கு பார்த்தால், லஞ்சம் வாங்கியதாக ஆண்டொன்றுக்கு 1,000 அதிகாரிகளாவது கைது செய்யப்படுகின்றனர். ஆனால், தமிழகத்தில் 1 சதவீதம் கூட லஞ்சம் குறைவதே இல்லை. நாளுக்கு நாள் லஞ்சம் அதிகரிக்கிறது என்பது, இன்னும் கொடுமை.அதற்கு முக்கிய காரணம், நம் நாட்டில் தற்போது நடைமுறையில் கடைப்பிடிக்கப்படும் சட்டங்கள் தான்.

நாம், 5வது வயதில் அணிந்த ஆடையை 50வது வயதில் அணிய இயலாது. நம் உடலமைப்புக்கேற்ப, உடையை மாற்றிக் கொள்வோம் தானே?அது போல, நாட்டில் அமலில் இருக்கும் சட்டங்கள் அனைத்தையும், 50 ஆண்டுகளுக்கு ஒரு முறை திருத்தி அமைக்க வேண்டும் அல்லவா?ஆனால் நாமோ, பிரிட்டிஷ் ஆட்சிக் காலத்தில் அமலில் இருந்த அரதப் பழசான சட்டங்களையே இன்னமும் தொடர்ந்து பின்பற்றி வருகிறோம்.நடைமுறையில் இருக்கும் சட்டங்களின் மூலம் லஞ்ச, -ஊழல் வழக்குகளில் சிக்குவோரை தண்டிப்பது அவ்வளவு சுலபமாக இல்லை. தவிர நம் நீதிமன்றங்கள் கடைப்பிடிக்கும் நடைமுறைகள் பெரும்பாலும், குற்றம் சாட்டப்பட்டவருக்கு சாதகமாகவே உள்ளன.


latest tamil news


லஞ்ச, -ஊழலில் கையும் களவுமாக பிடிபடுபவர், நீதிமன்றத்தால் குற்றவாளி என்று நிரூபிக்கப்பட்டு, தண்டனை அளிப்பதற்குள் அவரின் ஆயுளே முடிந்து விடுகிறது.லஞ்ச, -ஊழல் வழக்கில் கைது செய்யப்படுபவர் யாராவது தலை குனிந்தபடி செல்கிறாரா?வெற்றிக் களிப்போடு, வெற்றிச் சின்னமாக இரண்டு விரல்களை காட்டியபடி, 'சட்டத்தால் என்னை ஒன்றும் செய்ய முடியாது' என்ற மமதையோடு செல்கிறார்.இன்றைக்கு இருக்கும் சட்டத்தால், நாட்டில் நீக்கமற நிறைந்து இருக்கும் லஞ்சம், ஊழலை ஒழிக்கவே முடியாது.

சரி... அப்படியென்றால் அதை எப்படி ஒழிப்பது?மன்னர் ஆட்சி காலத்தில், 'கழுமரம்' என்ற பெயரில் ஒரு தண்டனை கருவி இருந்தது தெரியுமா?தற்போது கையும் களவுமான லஞ்சம், ஊழலில் சிக்கும் 10 நபர்களை உடனடியாக கழுமரத்தில் ஏற்றினால் போதும்... இந்நாட்டில் லஞ்சம் மற்றும் ஊழல் என்ற வார்த்தைகள், அகராதியில் கூட இருக்காது.

Advertisement




வாசகர் கருத்து (30)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Anantharaman Srinivasan - chennai,இந்தியா
15-நவ-202119:42:49 IST Report Abuse
Anantharaman Srinivasan மத்தியஅரசு முதலில் நீதி துறையில் தலையிடாமல் இருக்கவேண்டும். Then நீதி நிர்வாகத்தில் உள்ள லஞ்சப்பேர்வழிகளை right from Tpo to peon அப்புறப்படுத்த வேண்டும். நீதிமன்றங்களுக்கு அரசுத்துறையிலிருந்து எந்த அழுத்தமும் இருக்க கூடாது. நீதிபதி தவறு இழைத்தால் பதவி விலக வேண்டும். நீதிபதிகளின் தேர்வுக்கு ஒன்லி மெரிட். நோ கட்சி ரெகமெண்டஷன். நீதி மன்றங்களுக்கு full freedom கொடுக்கவேண்டும். கையும் களவுமாக மாட்டும் லஞ்ச பேர்வழிகளை உடனே சிறையில் அடைத்து மூன்று நாட்களில் தண்டனை தரவேண்டும்.. இப்படி சில வருடங்கள் செய்தால் ஓரளவு கட்டுப்படுத்த முடியும்..
Rate this:
Cancel
மலரின் மகள் - EDINBURGH,யுனைடெட் கிங்டம்
15-நவ-202117:56:41 IST Report Abuse
மலரின் மகள் லஞ்ச ஒழிப்பு துறை அதிகாரிகளும் அரசு அதிகாரிகளாகவே இருக்கிறார்கள். அவர்கள் அமைச்சகத்தின் கீழ் அமைச்சரின் நேரடி மேற்பார்வையில் வருகிறார்கள். லஞ்சம் பெற்ற பணம் சரியாக மேலிடத்திற்கு பங்கு பிரித்து அனுப்படவேண்டும் என்று இருக்கிறது தலைவிதி. மஹாராஷ்டிராவில் பாருங்கள் அந்த போலீஸ் அதிகாரி எந்த அளவிற்கு சென்றிருக்கிறார், மாதம் நூறுகோடி ருபாய்கலக்சன் கொடுக்கவேண்டும் என்று டார்கெட் கொடுத்தாராம் அந்த பெரிய மந்திரி, அதற்கு அவர் கண்டுபிடித்த எளியவழி, அம்பானி வீட்டருகே வெடிபொருள் நிரப்பிய குண்டு வாகனம். ஒரே இடத்தில் மொத்தமாக பெற்று கொடுத்துவிடலாம் என்று திட்டமிட்டிருக்கிறார். அந்த செய்திதானே பெரியளவில் வந்தது. லஞ்ச ஒழிப்புத்துறை தனியாக சுய அதிகாரம் பெற்ற அமைப்பாக மாறவேண்டும். மேலதிகாரிகள் கீழதிகாரிகள் மேல் நடவடிக்கை லஞ்சவழக்கில் எடுக்கவேண்டும் துறை ரீதியான நடவடிக்கை என்பதை தவிர்த்து தனி அமைப்பு அதை பார்க்கவேண்டும். அந்த அமைப்பில் மத்திய மாநில துறை இருவரும் இருக்கவேண்டும். லஞ்சத்தின் தன்மைக்கு ஏற்ப இரண்டு அமைப்புக்களும் தனித்தனியாக விசாரிக்கவேண்டும். இந்த தேசத்தில் ஓய்வு பெற்ற நீதிபதிகள் பலர் ஒரு வழக்கில் குற்றவாளிக்காக சட்டத்தின் பாதுக்கப்ப்டுகள் சட்டத்தின் ஓட்டைகளில் வெளிவருவதற்கு என்னவெல்லாம் செய்யவேண்டும் எப்படியெல்லாம் செய்யவேண்டும் என்று சொல்வதற்காகவே பல மாதங்கள் உழைத்திருக்கிறார்கள். ஒரு நீதிபதியே குமாரசாமி கணக்கு என்று ஒன்றை புதிதாகவே உருவாக்கி விட்டார். இறந்து விட்டபிறகு தீர்ப்புக்கள் சொல்லப்படாது என்று நடைமுறைவேறு வைத்திருக்கிறார்கள். எங்கே உள்ளது பிரச்சினை, எதற்காக இப்படி ஒரு பாதுகாப்பு அரசு ஊழியர்களுக்கு, சட்டத்தை உருவாக்கியவர்கள் அரசு அதிகாரிகள் நல்லவர்களாகவே நியமிக்கப்படுவார்கள் என்றுமவர்கள் உயர்ந்தவர்கள் எனும் தவறாக புரிந்து கொண்டுவிட்டதால் வந்த விளைவா?
Rate this:
Cancel
DVRR - Kolkata,இந்தியா
15-நவ-202116:19:53 IST Report Abuse
DVRR இதைத்தான் நான் சிறு வார்த்தையில் "தவறு கண்டேன் சுட்டேன் " சட்டம் கொண்டு வாருங்கள் என்று கூறுகின்றேன். தவறு செய்தவன் இருக்கமாட்டான். தவறு செய்ய நினைக்கின்றவன் லட்சம் தடவை யோசிப்பான் நமக்கும் அந்த கதி தான் வருமென்று.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X