லஞ்சம் நிலவும் நாடுகள்: 82வது இடத்தில் இந்தியா| Dinamalar

பொது செய்தி

இந்தியா

லஞ்சம் நிலவும் நாடுகள்: 82வது இடத்தில் இந்தியா

Added : நவ 17, 2021
Share
புதுடில்லி:உலக அளவில் லஞ்சம் நிலவும் நாடுகளின் பட்டியலில் இந்தியா, ௮௨-வது இடத்தில் உள்ளதாக அமெரிக்காவை சேர்ந்த 'டிரேஸ்' அமைப்பு வெளியிட்டுள்ள ஆய்வறிக்கையில் தெரிவிக்கப்பட்டுள்ளது.அமெரிக்காவின் மேரிலாந்து மாகாணத்தில் உள்ளது லஞ்ச ஒழிப்பு அமைப்பான டிரேஸ். இது, அரசுடன் தொழில் தொடர்புகள், லஞ்ச ஒழிப்பு மற்றும் அமலாக்கல், அரசு மற்றும் சிவில் சேவை வெளிப்படைத்தன்மை,

புதுடில்லி:உலக அளவில் லஞ்சம் நிலவும் நாடுகளின் பட்டியலில் இந்தியா, ௮௨-வது இடத்தில் உள்ளதாக அமெரிக்காவை சேர்ந்த 'டிரேஸ்' அமைப்பு வெளியிட்டுள்ள ஆய்வறிக்கையில் தெரிவிக்கப்பட்டுள்ளது.

அமெரிக்காவின் மேரிலாந்து மாகாணத்தில் உள்ளது லஞ்ச ஒழிப்பு அமைப்பான டிரேஸ். இது, அரசுடன் தொழில் தொடர்புகள், லஞ்ச ஒழிப்பு மற்றும் அமலாக்கல், அரசு மற்றும் சிவில் சேவை வெளிப்படைத்தன்மை, ஊடகங்கள் உள்ளிட்டவற்றின் சிவில் சமூக மேற்பார்வை திறன் ஆகிய நான்கு காரணிகளின் அடிப்படையில், இந்தியா உள்ளிட்ட 194 நாடுகளில் நிலவும் லஞ்சத்தை ஆய்வு செய்து பட்டியலிட்டு வருகிறது.

இந்த ஆண்டுக்கான பட்டியல் தற்போது வெளியிடப்பட்டுள்ளது. அதில் இந்தியா, 4௪ புள்ளிகளுடன் ௮௨-வது இடத்தில் உள்ளது.கடந்த ஆண்டு பட்டியலில் இந்தியா 4௫ புள்ளிகளுடன் 7௭-வது இடத்தில் இருந்தது குறிப்பிடத்தக்கது.இந்த ஆண்டு தரவுகள்படி, வடகொரியா, துர்க்மேனிஸ்தான், தென்சூடான், வெனிசூலா, ஆகியவை அதிகளவிலான லஞ்சம் நிலவும் நாடுகளாக உள்ளன.

லஞ்சம் குறைவாக உள்ள நாடுகள் என்ற பெருமை, டென்மார்க், நார்வே, சுவீடன், நியூசிலாந்து ஆகியவற்றுக்கு கிடைத்துள்ளது.பாகிஸ்தான், சீனா, நேபாளம், வங்காளதேசம் ஆகிய அண்டை நாடுகளுடன் ஒப்பிடுகையில் இந்தியா நல்ல நிலையில் உள்ளது. நம் அண்டை நாடான பூடான் 12வது இடத்தில் உள்ளது.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X