சம்பவம் செய்தி

தமிழ்நாடு

ரவுடி வெட்டிக்கொலை: 9 பேர் கும்பலுக்கு வலை

Added : நவ 22, 2021
Share
Advertisement
ஓசூர்: தேன்கனிக்கோட்டை அருகே, ரவுடியை வெட்டிக்கொன்ற ஒன்பது பேர் கும்பலை போலீசார் தேடி வருகின்றனர்.கிருஷ்ணகிரி மாவட்டம், அஞ்செட்டி அடுத்த தக்கட்டியை சேர்ந்தவர் சுரேஷ், 33, கூலித்தொழிலாளி; தேன்கனிக்கோட்டை அரசு மேல்நிலைப்பள்ளி பின்புறம் குடும்பத்துடன் வசித்தார்; இவர் மீது, தேன்கனிக்கோட்டை போலீஸ் ஸ்டேஷனில் இரு கொலை, வழிப்பறி உட்பட பல்வேறு வழக்குகள் உள்ளன.

ஓசூர்: தேன்கனிக்கோட்டை அருகே, ரவுடியை வெட்டிக்கொன்ற ஒன்பது பேர் கும்பலை போலீசார் தேடி வருகின்றனர்.
கிருஷ்ணகிரி மாவட்டம், அஞ்செட்டி அடுத்த தக்கட்டியை சேர்ந்தவர் சுரேஷ், 33, கூலித்தொழிலாளி; தேன்கனிக்கோட்டை அரசு மேல்நிலைப்பள்ளி பின்புறம் குடும்பத்துடன் வசித்தார்; இவர் மீது, தேன்கனிக்கோட்டை போலீஸ் ஸ்டேஷனில் இரு கொலை, வழிப்பறி உட்பட பல்வேறு வழக்குகள் உள்ளன. தேன்கனிக்கோட்டை மாரச்சந்திரத்தில் உள்ள தன் பாட்டி வீட்டில் சுரேஷ் வளர்ந்ததால், அப்பகுதியை சேர்ந்த கொலை வழக்கில் தொடர்புடைய மகேஷ்குமார், 34, என்பவருடன் பழக்கம் ஏற்பட்டது. இருவரும் கட்டப்பஞ்சாயத்து செய்து பணம் சம்பாதித்தனர். ஒரு கட்டத்தில் சுரேஷிற்கு சரியாக மகேஷ்குமார் பணம் வழங்கவில்லை. இதனால் அவர்களுக்குள் தகராறு இருந்தது. நேற்று முன்தினம் இரவு, மாரச்சந்திரத்திலுள்ள சாவடியில் நடந்த, ஐயப்பன் கோவில் ஏலச்சீட்டு எடுப்பது தொடர்பாக தகராறு ஏற்பட்டது. இதில் ஆத்திரமடைந்த மகேஷ்குமார் மற்றும் அவரது தரப்பினர், கத்தி உள்ளிட்ட ஆயுதங்களால் சுரேஷை வெட்டி கொலை செய்தனர். தேன்கனிக்கோட்டை போலீசார் கொலை வழக்குப்பதிந்து, மகேஷ்குமார், ராஜ்குமார், லோகேஷ், பிரவீன், கெஞ்சா உட்பட ஒன்பது பேரை தனிப்படை அமைத்து தேடி வருகின்றனர். மாவட்ட எஸ்.பி., சாய்சரண் தேஜஸ்வி, டி.எஸ்.பி., கிருத்திகா ஆகியோர் சம்பவ இடத்தை ஆய்வு செய்தனர். கொலையான சுரேஷிற்கு, மீனா என்ற மனைவி, ஐந்து வயதில் பெண் குழந்தை உள்ளனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X