திருப்பூர்:வரும் 26ம் தேதி நடைபெறும் முழு அடைப்பு போராட்டத்துக்கு பையர்ஸ் ஏஜன்ட் சங்கம் ஆதரவு தெரிவித்துள்ளது.திருப்பூரில், ஆல் இண்டியா டெக்ஸ்டைல் பையர்ஸ் ஏஜன்ட்ஸ் அசோசியேசன் ஆலோசனை கூட்டம் நேற்று நடந்தது.சங்க தலைவர் இளங்கோவன் தலைமை வகித்தார். செயலாளர் ஆனந்தன் வரவேற்றார். நிர்வாக குழு உறுப்பினர்கள் லோகநாதன், நீலி செல்வம், ஸ்ரீதர்பாபு, சேத்தன் முன்னிலை வகித்தனர்.கூட்டத்தில், சங்கத்தில் புதிய உறுப்பினர்கள் சேர்ப்பது குறித்தும், ஜவுளி துறையில் தற்போது நிலவும் நுால் விலை உயர்வு பிரச்னை குறித்தும் விவாதிக்கப்பட்டது.அபரிமிதமாக உயர்ந்துள்ள நுால் விலை குறித்து பையர்களுக்கு உரிய வகையில் தகவல் தெரியப்படுத்துவது, விலை உயர்வுக்கு ஏற்ப விற்பனை விலை பெற்று தருவது, நுால் விலை உயர்வு கட்டுப்படுத்த வலியுறுத்தி, 26ம் தேதி அறிவித்துள்ள வேலை நிறுத்த போராட்டத்துக்கு முழு ஆதரவளிப்பது என்பது உட்பட தீர்மானங்கள் நிறைவேற்றப்பட்டன.
தினமலர் டெலிகிராம் சேனலில் பார்க்கலாம் Click here to join
Telegram Channel for FREE
