உ.பி.,யில் வளர்ச்சி காலம் துவக்கம்: மோடி பெருமிதம்

Updated : நவ 27, 2021 | Added : நவ 25, 2021 | கருத்துகள் (19+ 30)
Share
Advertisement
ஜேவார் :''உத்தர பிரதேசத்தில் இருண்ட காலங்கள் மறைந்து விட்டன. இப்போது மத்தியிலும், மாநிலத்திலும் பா.ஜ., ஆட்சி நடப்பதால் வளர்ச்சி காலம் துவங்கி விட்டது,'' என, பிரதமர் நரேந்திர மோடி கூறினார்.உ.பி.,யில் முதல்வர் யோகி ஆதித்யநாத் தலைமையிலான பா.ஜ., ஆட்சி நடக்கிறது. இங்குள்ள நொய்டா அருகே, ஜேவாரில் 1,300 ஏக்கரில் சர்வதேச விமான நிலையம் அமைக்க முடிவு செய்யப்பட்டுள்ளது. நான்கு
 உ.பி.,வளர்ச்சி காலம் , மோடி, பெருமிதம்

ஜேவார் :''உத்தர பிரதேசத்தில் இருண்ட காலங்கள் மறைந்து விட்டன. இப்போது மத்தியிலும், மாநிலத்திலும் பா.ஜ., ஆட்சி நடப்பதால் வளர்ச்சி காலம் துவங்கி விட்டது,'' என, பிரதமர் நரேந்திர மோடி கூறினார்.உ.பி.,யில் முதல்வர் யோகி ஆதித்யநாத் தலைமையிலான பா.ஜ., ஆட்சி நடக்கிறது.

இங்குள்ள நொய்டா அருகே, ஜேவாரில் 1,300 ஏக்கரில் சர்வதேச விமான நிலையம் அமைக்க முடிவு செய்யப்பட்டுள்ளது. நான்கு கட்டங்களாக பணிகள் மேற்கொள்ளப்பட உள்ளன. முதல் கட்ட பணிகள் ௮,௯௪௨ கோடி ரூபாய் செலவில் மேற்கொள்ளப்பட உள்ளன.
முதல் கட்ட பணிகள், 2024 செப்டம்பரில் முடியும் என எதிர்பார்க்கப்படுகிறது. அதன் பின், இந்த விமான நிலையம் ஆண்டுக்கு ௧.௨ கோடி பயணியரை கையாளும் திறன் உடையதாக இருக்கும்.
ஜேவார் சர்வதேச விமான நிலைய முதல் கட்ட பணிகளுக்கான அடிக்கல் நாட்டு விழா நேற்று நடந்தது.
இதில் பிரதமர் நரேந்திர மோடி பேசியதாவது:
உள்கட்டமைப்பு வசதி களில் அரசியல் என்ற பேச்சுக்கே நாங்கள் இடம் அளிப்பதில்லை. எங்களை பொறுத்தவரை உள்கட்டமைப்பு வசதி என்பது தேசிய கொள்கை.உத்தர பிரதேசத்தில் ஐந்து ஆண்டுகளுக்கு முன் வரை இருந்த அரசுகள், மாநிலத்தின் வளர்ச்சியில் ஆர்வம் காட்டவில்லை; தங்கள் குடும்பத்தினரின் நலனில் தான் அக்கறை காட்டின. வாரிசு அரசியலை வளர்ப்பதில் தான் அவர்களுக்கு ஆர்வம் இருந்தது.ஆனால், உத்தர பிரதேசத்தில் அந்த இருண்ட காலங்கள் மறைந்து விட்டன; வளர்ச்சி காலம் துவங்கி விட்டது.

கடந்த ஐந்து ஆண்டுகளாக மாநிலத்தில் பல்வேறு வளர்ச்சி பணிகள் மேற்கொள்ளப்பட்டுள்ளன.மத்தியிலும், மாநிலத்தில் பா.ஜ., ஆட்சி நடப்பதால், உத்தர பிரதேசத்தில் இரட்டை இன்ஜின் வேகத்தில் உள்கட்டமைப்பு வளர்ச்சி பணிகள் நடக்கின்றன.வளர்ச்சி திட்டங்கள் பாதியில் நிற்கின்றன என்ற பேச்சுக்கே இடம் அளிக்காமல், அவை குறித்த காலத்தில் நிறைவேற்றப்படுவதையும் உறுதி செய்கிறோம். உலக வரைபடத்தில் ஜேவார் இன்னும் இரண்டு ஆண்டுகளில் இடம் பெற்றுவிடும்.

இந்த விமான நிலையம் செயல்பாட்டுக்கு வந்தால், டில்லி, மேற்கு உ.பி.,யைச் சேர்ந்த கோடிக்கணக்கான மக்கள் பயன்பெறுவர். வட மாநிலங்களின் நுழைவு வாயிலாக இந்த விமான நிலையம் இருக்கும். இதனால் ஏராளமானோருக்கு வேலைவாய்ப்பு கிடைக்கும். உ.பி.,க்கு தேவையானது அனைத்தும் ௭௦ ஆண்டுக்கு பின் கிடைத்துள்ளது. தற்போது நாட்டில் அதிகம் இணைக்கப்பட்ட பகுதியாக உ.பி., திகழ்கிறது.இவ்வாறு அவர்பேசினார்.




'ஜின்னா சீடர்களின் வன்முறை தொடரலாமா'



நேற்று நடந்த நிகழ்ச்சியில், உ.பி., முதல்வர் யோகி ஆதித்யநாத் பேசியதாவது:உத்தர பிரதேசத்தின் முகம் கடந்த ஐந்து ஆண்டுகளில் மாறியுள்ளது. மிகவும் பின்தங்கிய பகுதியாக இருந்த மேற்கு உ.பி., இப்போது வளர்ச்சி பாதையில் செல்கிறது. இந்த விமான நிலையம் அமைய, தங்கள் நிலத்தை வழங்கிய ௭,௦௦௦க்கும் அதிகமான விவசாயிகளுக்கு நன்றி. மேற்கு உ.பி., கரும்புக்கு பெயர் பெற்றது. ஆனால், இந்த கரும்புகளில் வன்முறை என்ற பெயரில் சில கட்சிகள் விஷத்தை தடவுகின்றன.வளர்ச்சி வேண்டுமா அல்லது ஜின்னாவின் சீடர்கள் என சொல்லிக் கொள்வதில் பெருமையடைவோரின் வன்முறை வேண்டுமா என்பதை மக்கள் தான் முடிவு செய்ய வேண்டும். இவ்வாறு அவர் பேசினார்.


ஆசியாவில் பெரியவிமான நிலையம்



இந்த விழாவில், விமான போக்குவரத்து அமைச்சர் ஜோதிராதித்ய சிந்தியா பேசியதாவது:ஆசியாவிலேயே மிகப் பெரிய விமான நிலையம் உ.பி.,யில் அமைய வேண்டும் என பிரதமர் விரும்பினார். அவரது விருப்பம் ஜேவார் சர்வதேச விமான நிலையம் வாயிலாக நிறைவேற உள்ளது.
இந்த விமான நிலையம் முழுமையாக கட்டி முடிக்கப்பட்ட பின், ஆசியாவிலேயே மிகப் பெரிய விமான நிலையமாக இருக்கும். உ.பி.,யில் கடந்த ஐந்து ஆண்டுகளுக்கு முன் வரை நான்கு விமான நிலையங்கள் மட்டுமே இருந்தன. இப்போது, ஒன்பது விமான நிலையங்கள் உள்ளன.
ஜேவாரையும் சேர்த்தால் ௧௦ ஆக உயரும். இவ்வாறு அவர் பேசினார்.

Advertisement




வாசகர் கருத்து (19+ 30)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Sandru - Chennai,இந்தியா
27-நவ-202111:27:19 IST Report Abuse
Sandru கோவிந்தா கோவிந்தா
Rate this:
Cancel
Nagercoil Suresh - India,இந்தியா
26-நவ-202122:36:38 IST Report Abuse
Nagercoil Suresh இனிமேல் தான் எல் கே ஜி க்கு போக தயாராகுறாங்க...
Rate this:
Cancel
26-நவ-202122:08:39 IST Report Abuse
அப்புசாமி இவர் பேசுனதுக்கு நிடி ஆயோக்கின் அறிவிப்பு நெத்தியடி... இனிமேலாவது உள்ளதை உள்ளபடி பேசுங்க.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X