சிறப்பு பகுதிகள்

சொல்கிறார்கள்

சம்பளத்தில் 40 சதவீதம் தான் வீட்டுக்கடன்!

Updated : டிச 01, 2021 | Added : நவ 29, 2021 | கருத்துகள் (2)
Advertisement
வீட்டுக்கடன் வாங்கு வதற்கு முன், நினைவில் கொள்ள வேண்டியவற்றை விளக்குகிறார், நிதி ஆலோசகர் சவு. சிவகுமார்: வீடு வாங்க திட்டமிட்டிருப்பவர் முதலில் செய்ய வேண்டியது, வீடு வாங்க தனக்கு தகுதி இருக்கிறதா என்பதை கண்டறிவதாகும். தற்போது வங்கிகள், வீட்டு வசதி நிறுவனங்கள், நிதி நிறுவனங்கள் முதலில் பார்ப்பது 'கிரெடிட் ஸ்கோர்' எனப்படும், வாங்கிய கடனை எப்படி திருப்பி
சொல்கிறார்கள்

வீட்டுக்கடன் வாங்கு வதற்கு முன், நினைவில் கொள்ள வேண்டியவற்றை விளக்குகிறார், நிதி ஆலோசகர் சவு. சிவகுமார்: வீடு வாங்க திட்டமிட்டிருப்பவர் முதலில் செய்ய வேண்டியது, வீடு வாங்க தனக்கு தகுதி இருக்கிறதா என்பதை கண்டறிவதாகும்.

தற்போது வங்கிகள், வீட்டு வசதி நிறுவனங்கள், நிதி நிறுவனங்கள் முதலில் பார்ப்பது 'கிரெடிட் ஸ்கோர்' எனப்படும், வாங்கிய கடனை எப்படி திருப்பி அளித்துள்ளார் என்ற அளவைத் தான்.அது எந்த அளவுக்கு அதிகமாக இருக்கிறதோ, அந்த அளவுக்கு வீட்டுக் கடன் உறுதியாக கிடைக்கும். அடுத்து, வீட்டுக்கடன் வாங்குபவரின் சம்பளம், வீட்டுக் கடனை திரும்ப செலுத்தும் தகுதி ஆகியவற்றை பார்ப்பர்.

குறிப்பாக, ஒருவருக்கு லட்சக்கணக்கில் சம்பளம் இருக்கிறது என்பதற்காக வீட்டுக் கடன் சுலபமாக கிடைத்து விடாது. அவர் வீட்டுக்கு எடுத்து வரும் சம்பளத்தில், 40 சதவீத அளவுக்கு தான் வீட்டுக் கடன் கிடைக்கும். வேறு பல கடன்களுக்கு தவணை கட்டி வந்தால், கடனை திரும்ப செலுத்தும் தகுதி குறைந்து விடும். எனவே, வீட்டுக்கடன் வாங்க திட்டமிடும் போது, இதர கடன்களை முடிந்தவரை முடித்து விடுவது நல்லது.

அடுத்து பார்க்கும் வேலை, வயது, கல்வி தகுதி, நிதிநிலை, சார்ந்திருக்கும் குடும்பத்தினர், துணைவரின் வருமானம், வேலையின் நிரந்தரத் தன்மை போன்றவற்றின் அடிப்படையில் தான் கடன் வழங்குவர். பணி நிரந்தரம் செய்யப்பட்டு குறைந்தபட்சம் மூன்று ஆண்டுகள் கடந்திருக்கும் பட்சத்தில், கடன் சுலப மாக கிடைக்கும்.கடன் வழங்கும் வங்கி அல்லது வீட்டு வசதி நிறுவனமே, வீட்டுக் கடன் தொகைக்கு இணையாக வீட்டுக்கடன் தொகை காப்பீடு எடுத்துக் கொள்ள சொல்லும் அல்லது எடுத்து தருவர்.
இப்படி காப்பீடு எடுப்பது கட்டாயம். வீட்டுக் கடன் எடுத்திருப்பவருக்கு ஏதாவது அசம்பாவிதம் நடக்கும் போது, இந்த காப்பீடு தொகை மூலம் வீட்டுக் கடன் அடைக்கப்பட்டு வாரிசுகளுக்கு வீடு போய் சேரும்.இந்த வீட்டுக்கடன் காப்பீடு இரு விதமாக எடுக்கப்படுகிறது. வீட்டுக் கடன் தொகைக்கு இணையாக ஆயுள் காப்பீடு எடுப்பது முதல் முறை.இதில் கடன் காலம் முழுக்க ஆரம்பத்தில் வாங்கிய வீட்டுக் கடன் தொகை அளவுக்கு 'கவரேஜ்' இருக்கும்.
இரண்டாவது முறையில் கடன் தொகை குறைய குறைய காப்பீட்டின் அளவும் குறைந்து வரும். முன்னதில் 'பிரீமியம்' அதிகம் இருக்கும். பின்னதில் பிரீமியம் குறைவாக இருக்கும். உங்களுக்கு எது வசதியோ, அதை எடுத்துக் கொள்ளுங்கள்.வீட்டுக் கடன் தவணையை தொடர்ந்து ஒழுங்காக கட்டி வருவது அவசியம். தொடர்ந்து மூன்று தவணைகள் கட்டவில்லை எனில், வாராக் கடனாக மாறி விடும் கவனம் தேவை!

Advertisement




வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
raja - Cotonou,பெனின்
29-நவ-202113:51:54 IST Report Abuse
raja வீட்டுகடன்மட்டும் வாங்கிடாதீங்க.... வாங்கின கடனுக்கு மேல அதாவது 1.5 மடங்கு கட்டி இருப்பீங்க அந்த கடனை முடிக்கும் பொது.... வீடு மட்டும் தான் மிஞ்சும்.. அதுக்கு ஒரு ஐந்து வருடம் வருமானத்தை சேமித்து அதில வரும் பணத்தைக்கொண்டு வீடு வாங்கலாம் அல்லது கட்டலாம்....
Rate this:
Cancel
மலரின் மகள் - EDINBURGH,யுனைடெட் கிங்டம்
29-நவ-202105:20:31 IST Report Abuse
மலரின் மகள் நிதி ஆலோசகர்கள் மன்னிப்பார்களாக. தவறான ஆலோசனையை தான் வழங்குகிறார்கள். கடன் வாங்குங்கள், தவணையில் பெறுங்கள் என்றெல்லாம். மார்க்கெட்டிங் குயுக்திகள் அவை. எங்கள் தந்தை எங்களுக்கு சொல்லிய தாரக மந்திரம். கடன் வாங்கவே கூடாது என்பது தான். கடன் பட்டார் நெஞ்சம் போல் கலங்கினான் ஈழ வேந்தன் என்று அனைவருக்கும் கடனினால் வரும் கவலை தெரியுமல்லவா? கடன் அன்பை முறிக்கும் என்று அவர் காலத்தில் ஒவ்வொரு கடையிலும் எழுதி வைத்திருப்பார்களாம். இன்றோ கடன் தருவதற்கென்றே பல்வேறு நிறுவனங்கள் வந்து விட்டன. அவைகள் சந்தையில் சக்கை போடு போடுகின்றன, பங்கு சந்தையில் பட்டியிலிடப்பட்டால் லட்சம் கோடிக்கு மேல் மதிப்பை பெறுகின்றன. கடன் என்ற ஒரு ஆயுதத்தை வைத்து உலகை வெல்கிறது சீனா என்று நாமே கூறுகிறோம் அப்படியிருக்க கடன் வாங்கலாமா என்று யாராவது கேட்கிறார்களா? கல்வி கடன், லேப்டாப் கடன், மொபைல் போன் கடன் என்று படிக்கும் போதே கூட கடனை தான் பெருமளவில் போதிக்கிறோம். கடனே தான் வாழும் வழி என்று தவறான புரிதலை தோற்றுவிக்கிறோம். சேமிப்பை அதன் சிறப்பை அழித்து விட்டு இன்று கடன் வாங்குவதையே ஒரு பெரிய திறமையாக காட்டுகிறோம். கடன் வாங்கி தருவதற்கு இடைத்தரகர்கள் கூட. அதிக கடனை வாங்குவதர்க்கு லஞ்சமும் தருகிறார்கள். வங்கி மேலாளர்கள் கூட லஞ்சம் வாங்கும் நிலை வந்து விட்டது. காரை வாங்கி வைத்திருப்பீர்கள், வெறும் டயர் மட்டுமே சொந்தமாக இருக்கும். தேவையா இது. கடன் பெற்றால் முதலில் உங்களின் சந்தோசம் மறையும். அடுத்து கடனை அடைக்க வேண்டும் என்ற எண்ணமே மேலோங்கும், கடன் அடைபடும் வரையில் மனம் அதிலேயே சிந்த்தித்து கொண்டிருக்கும், அப்படியே கடனை அடைத்து விட்டாலும் அதற்குள் வேறு ஒரு கடனை பெற்றிருப்பார்கள், தொடர்கதையாக. கையில் காசு வாயில் தோசை என்று தான் இருக்கவேண்டும் என்று சொல்வார் எங்கள் தந்தை. கடன் வாங்கியது இல்லை. லஞ்சமும் கொடுத்ததில்லை. விரலுக்கேற்ற வீக்கம் தான் வேண்டும் என்பதாலா? அதுவல்ல. சேமித்து அதன் பிறகு காசு கொடுத்து வாங்குவோம் என்றும், வாங்கும் சக்தியை பெருக்குவதற்கு மேலும் மேலும் உழைக்கவேண்டும், ஊதியம் அதிகம் பெறுவதற்கு வழிகள் அல்லது சுயதொழில் அல்லது கூடுதல் தொழில் பகுதி நேரமாகவோ அல்லது வேறு நல்ல வகையிலோ என்று தேடும் மனம். முதலில் மனதில் நமக்கு வேண்டிய பொருளை வாங்குவதற்கு சேமிப்பின் நோக்கமும் அதன் பிறகு கூடுதலாக சம்பாதிக்கும் உழைக்கும் எண்ணமும் மேலோங்கும். அதனால் ஆசை படலாம் வாங்குவதற்கு அதை நிறைவேற்ற சேமிப்பு மற்றும் உழைப்பை தான் நாடவேண்டுமே தவிர கடனை அல்ல. எதிர்காலத்து உழைப்பை இன்றே கொடுத்து வாங்கும் எந்த பொருளும் தேவையில்லையே. கையிலிருக்கின்ற சேமிப்பிற்கே கூட கொஞ்சமாக வாங்கலாம். சிறிதாக நிலம் வாங்கினாலும் அதில் கொஞ்சம் கொஞ்சமாக சிறிய வீட்டிலிருந்து ஆரம்பித்து விஸ்தரித்து கொள்ளலாம். கடன் வாங்காதீர்கள் எந்த தருணத்திலும். உழைப்பையும் சேமிப்பையும் நம்புவோம். வட்டி தொழில் செய்வது அவமானம். இஸ்லாமியர்கள் வங்கியில் கூட வட்டி தரும் கணக்குகளை வைத்து கொள்வதில்லை என்பதால் அவர்களிடமிருந்து நாம் கற்று கொள்ளவேண்டிய முக்கிய பாடமிது.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X