தூத்துக்குடியில் மழை பாதிப்பு: முதல்வர் ஸ்டாலின் ஆய்வு

Updated : டிச 04, 2021 | Added : டிச 02, 2021 | கருத்துகள் (10) | |
Advertisement
துாத்துக்குடி : துாத்துக்குடியில் மழைநீர் தேங்கியுள்ள பகுதிகளை முதல்வர் ஸ்டாலின் பார்வையிட்டு, நலத்திட்ட உதவிகளை வழங்கினார்.துாத்துக்குடியில் நவம்பர் 25ல் பெருமழை கொட்டித் தீர்த்தது. தொடர்ந்து கனமழை பெய்ததால் துாத்துக்குடி முழுதும் மழைநீரில் மிதக்கிறது. பல பகுதிகளில் இன்னும் தண்ணீர் வடியவில்லை.இந்நிலையில், முதல்வர் ஸ்டாலின் நேற்று துாத்துக்குடிக்கு
 மழை, சேதம், துாத்துக்குடி, முதல்வர் ஸ்டாலின் ஆய்வு

துாத்துக்குடி : துாத்துக்குடியில் மழைநீர் தேங்கியுள்ள பகுதிகளை முதல்வர் ஸ்டாலின் பார்வையிட்டு, நலத்திட்ட உதவிகளை வழங்கினார்.


துாத்துக்குடியில் நவம்பர் 25ல் பெருமழை கொட்டித் தீர்த்தது. தொடர்ந்து கனமழை பெய்ததால் துாத்துக்குடி முழுதும் மழைநீரில் மிதக்கிறது. பல பகுதிகளில் இன்னும் தண்ணீர் வடியவில்லை.இந்நிலையில், முதல்வர் ஸ்டாலின் நேற்று துாத்துக்குடிக்கு விமானத்தில் வந்தார். வெள்ளம் பாதித்த பகுதிகளை பார்வையிட்டவர், காரில் இருந்து இறங்கி தண்ணீரில் நடந்து சென்று, சாலையின் இருபுறங்களிலும் நின்ற மக்களிடம் கோரிக்கை மனுக்களை பெற்றார். நடவடிக்கை எடுப்பதாக உறுதியளித்தார்.

பின், மாநகராட்சி அலுவலகம் சென்ற அவரிடம் விவசாயிகள், 'பயிர் சேதம் குறித்து முறையாக ஆய்வு செய்து இழப்பீடு வழங்க வேண்டும்' என மனு அளித்தனர். தொடர்ந்து, மாநகராட்சி அலுவலகத்தில் அதிகாரிகளுடன், மழை சேதம் குறித்து ஆலோசனை மேற்கொண்டார்.
அடுத்து, எட்டயபுரம் சாலையில் உள்ள தனியார் திருமண மண்டபத்தில், 3,000 பேருக்கு வெள்ள நிவாரண பொருட்களை வழங்கினார். வெள்ள நீர் கடலில் கலப்பதற்காக எட்டயபுரம் சாலையில் நடக்கும் கால்வாய் பணிகளை பார்வையிட்டார்.

கனிமொழி எம்.பி., அமைச்சர்கள் கீதாஜீவன், அனிதா ராதாகிருஷ்ணன், நேரு, சாத்துார் ராமச்சந்திரன், கலெக்டர் செந்தில்ராஜ், மாநகராட்சி கமிஷனர் சாருஸ்ரீ உடனிருந்தனர்.
மதியம் 2:30 மணிக்கு ஆய்வை துவங்கியவர் மாலை 4:30 மணிக்கு நிறைவு செய்தார். பின், கார் மூலம் மதுரை புறப்பட்டு சென்றார். வழயில், எட்டயபுரத்தில், தனியார் துவக்கப் பள்ளி குழந்தைகள், பாரதியார் வேடமணிந்து வந்தே மாதரம் என முழக்கமிட்டனர்.
இதைப் பார்த்த முதல்வர், காரை நிறுத்தி குழந்தைகளுடன் சில நிமிடங்கள் உரையாடினார். குழந்தைகளுடன் புகைப்படம் எடுத்துக் கொண்டார்.

Advertisement




வாசகர் கருத்து (10)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
duruvasar - indraprastham,இந்தியா
03-டிச-202109:32:31 IST Report Abuse
duruvasar இருப்பதோடு ஒரு ஸ்டாலின். சுற்றியிருப்பதோ 37 மாநிலங்கள். என்ன செய்வேன். அழுது புரளுகிறேன் சாமி.
Rate this:
Cancel
Thiagarajan Kodandaraman - Madurai,இந்தியா
03-டிச-202108:04:28 IST Report Abuse
Thiagarajan Kodandaraman மக்களுக்கு அணைத்து நன்மைகளும் கிடைக்க திருச்செந்தூர் முருகன் அருளால் அனைத்தும் நடக்கட்டும் ..வந்தே மாதரம்
Rate this:
Cancel
elakkumanan - Naifaru,மாலத்தீவு
03-டிச-202107:56:01 IST Report Abuse
elakkumanan ஒரே ஆய்வுதான்... எங்கெங்கு காணினும் ஆய்வுதான்... ஜாடிக்கேற்ற மூடி... போட்டோ எடுக்கிறோம்... ஊடகத்தில் போடுறோம்... மீதியை ஓசி சோறு கோஷ்டி பார்த்துப்பாங்க. சார், இந்த ஒட்டு விற்ற பயலுவோ.. அவனுகதான் காசு வாங்கீடுதானே ஒட்ட விற்பனை செய்தாங்க.. யாவாரம் முடிஞ்சு போச்சு.. அடுத்து, இன்னும் கொஞ்ச நாளைக்கு, கையை ஏந்திக்கிட்டு இந்த பக்கமா வரவேண்டாம் னு சொல்லி தொரத்திவிடுப்பா.. போகலைனா, அடுத்த தெருவில் ஓசி யா சோறு போடுறாங்க ன்னு சொல்லு...கெளம்பிடுவாங்க....இதே வேலையா போச்சு.... விடிஞ்சா போதும்... கடவுள் கொடுத்த ரெண்டு கையையும் ஏந்துவதற்கு மட்டுமே பயன்படுத்துறாங்க.. என்ன ஒரு கேவலமான பழக்கம்.. போயி, வேலையே பாருங்க.. சம்பாரிங்க. சாப்பிடுங்க.. அடுத்த யாவாரத்தில், நீங்க உசுரோட இருந்தா, சந்தைக்கு வாங்க...இப்போ கிளம்புங்க..ஆய்வு தொடரட்டும்.. வுடு ஜோடி.. ஷாட் ரெடியா ப்பா.
Rate this:
Perumal - Chennai,இந்தியா
04-டிச-202115:15:23 IST Report Abuse
Perumalநீ போயி அண்ணாமலை கிட்ட கேளு ,போட்டோ எப்படி எடுக்கணும்னு ....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X