மும்பை மாஜி கமிஷனர் பரம்வீர் சிங் சஸ்பெண்ட் | Dinamalar

மும்பை 'மாஜி' கமிஷனர் பரம்வீர் சிங் 'சஸ்பெண்ட்'

Updated : டிச 02, 2021 | Added : டிச 02, 2021 | கருத்துகள் (6) | |
மும்பை: மும்பை முன்னாள் போலீஸ் கமிஷனர் பரம்வீர் சிங்கை, 'சஸ்பெண்ட்' செய்ததோடு, அவர் மீது ஒழுங்கு நடவடிக்கை எடுக்க மஹாராஷ்டிரா அரசு உத்தரவிட்டுள்ளது.மஹாராஷ்டிராவில் முதல்வர் உத்தவ் தாக்கரே தலைமையில் சிவசேனா, காங்கிரஸ், தேசியவாத காங்., கூட்டணி ஆட்சி நடக்கிறது. மும்பையை சேர்ந்த தொழிலதிபர் முகேஷ் அம்பானியின் வீட்டருகே வெடி பொருட்கள் நிரப்பப்பட்ட கார்
 மும்பை 'மாஜிகமிஷனர் பரம்வீர் சிங் 'சஸ்பெண்ட்'


மும்பை: மும்பை முன்னாள் போலீஸ் கமிஷனர் பரம்வீர் சிங்கை, 'சஸ்பெண்ட்' செய்ததோடு, அவர் மீது ஒழுங்கு நடவடிக்கை எடுக்க மஹாராஷ்டிரா அரசு உத்தரவிட்டுள்ளது.

மஹாராஷ்டிராவில் முதல்வர் உத்தவ் தாக்கரே தலைமையில் சிவசேனா, காங்கிரஸ், தேசியவாத காங்., கூட்டணி ஆட்சி நடக்கிறது.


latest tamil news




மும்பையை சேர்ந்த தொழிலதிபர் முகேஷ் அம்பானியின் வீட்டருகே வெடி பொருட்கள் நிரப்பப்பட்ட கார் பறிமுதல் செய்யப்பட்ட வழக்கு தொடர்பாக, மும்பை முன்னாள் போலீஸ் கமிஷனர் பரம்வீர் சிங் பதவி இழந்தார். இதையடுத்து மஹாராஷ்டிரா ஊர்காவல் படை தலைவாக அவர் நியமிக்கப்பட்டார்.

இந்நிலையில் தேசியவாத காங்.,கை சேர்ந்த முன்னாள் அமைச்சர் அனில் தேஷ்முக் மீது பரம்வீர் சிங் ஊழல் குற்றச்சாட்டு கூறினார். அதன் பின் ஆக., 29 வரை மருத்துவ விடுப்பில் சென்றார்.

விடுப்பு முடிந்தும் பணிக்கு திரும்பாத பரம்வீர் சிங் தலைமறைவானார். அமைச்சர் மீதான ஊழல் குற்றச்சாட்டு தொடர்பாக நேரில் ஆஜராகி வாக்குமூலம் அளிக்க வேண்டிய நிலையில், அவர் எங்கு இருக்கிறார் என்பதே தெரியாமல் இருந்தது.

இந்நிலையில், அவரை கைது செய்ய நீதிமன்றம் தடை விதித்ததை அடுத்து பரம்வீர் சிங் சமீபத்தில் மும்பை திரும்பினார்.

விசாரணை அதிகாரிகள் முன் ஆஜராகி வாக்குமூலம் அளித்தார். இந்நிலையில் தகவல் தெரிவிக்காமல் ஆறு மாதங்களாக பணிக்கு திரும்பாத பரம்வீர் சிங்கை சஸ்பெண்ட் செய்து மஹாராஷ்டிரா அரசு நேற்று உத்தரவிட்டது. மேலும், அவர் மீது ஒழுங்கு நடவடிக்கை எடுக்கவும் உத்தரவிடப்பட்டுள்ளது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X