தடுப்பூசி போட்டு கொள்ளாமல் சான்றிதழ்; மோசடியை கண்காணிக்க உத்தரவு| Dinamalar

தடுப்பூசி போட்டு கொள்ளாமல் சான்றிதழ்; மோசடியை கண்காணிக்க உத்தரவு

Updated : டிச 07, 2021 | Added : டிச 07, 2021 | கருத்துகள் (8)
சென்னை : கொரோனா தடுப்பூசி போட்டு கொள்ளாமல் சான்றிதழ் பெற்றால், அதுகுறித்து புகாரளிக்க மாவட்டந்தோறும் கண்காணிப்பு அதிகாரிகள் நியமிக்கப்பட்டுள்ளனர்.மாவட்ட சுகாதாரத் துறை அதிகாரிகளுக்கு, பொது சுகாதாரத் துறை இயக்குனர் செல்வவிநாயகம் அனுப்பிய சுற்றறிக்கை: தமிழகத்தில் கொரோனா தடுப்பூசி செலுத்தும் பணி முழு வீச்சில் நடந்து வருகிறது. சிலர், இதை தவறாக பயன்படுத்தி
Vaccine, Corona Vaccine, Fake Certificate

சென்னை : கொரோனா தடுப்பூசி போட்டு கொள்ளாமல் சான்றிதழ் பெற்றால், அதுகுறித்து புகாரளிக்க மாவட்டந்தோறும் கண்காணிப்பு அதிகாரிகள் நியமிக்கப்பட்டுள்ளனர்.

மாவட்ட சுகாதாரத் துறை அதிகாரிகளுக்கு, பொது சுகாதாரத் துறை இயக்குனர் செல்வவிநாயகம் அனுப்பிய சுற்றறிக்கை: தமிழகத்தில் கொரோனா தடுப்பூசி செலுத்தும் பணி முழு வீச்சில் நடந்து வருகிறது. சிலர், இதை தவறாக பயன்படுத்தி இருப்பதாக செய்திகள் வெளியாகி உள்ளன. அதாவது, தங்களுடைய ஆதார் எண்ணை மட்டும் பகிர்ந்துவிட்டு தடுப்பூசி போட்டு கொள்ளாததும், போட்டது போல் சான்றிதழ் பெறுவதாகவும் தெரிகிறது. இதில், சில கள பணியாளர்களுக்கும் தொடர்பு இருப்பதாக கூறப்படுகிறது.


latest tamil news



இத்தகைய நடவடிக்கைகளை மாவட்ட துணை சுகாதார இயக்குனர்கள் தடுத்து நிறுத்த வேண்டும். இதுபோன்ற செயல்களில் கள பணியாளர்கள் ஈடுபடாமல் இருப்பதையும், தடுப்பூசி செலுத்தி கொண்டவர்களுக்கு மட்டுமே சான்றிதழ் வழங்குவதை உறுதி செய்ய வேண்டும். இதுதொடர்பான புகார்களை கண்காணிக்க, மாவட்டந்தோறும் சம்பந்தப்பட்ட மாவட்ட சுகாதார துறை உதவி இயக்குனர்கள் அல்லது புள்ளியியல் அலுவலர்கள் நியமிக்கப் பட்டுள்ளனர். இவ்வாறு அதில் கூறப்பட்டுள்ளது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X