பொது செய்தி

தமிழ்நாடு

கடலூர், ராமநாதபுரம், புதுக்கோட்டை மாவட்டங்கள் உஷார்: கொட்டப்போகுது கனமழை

Updated : டிச 08, 2021 | Added : டிச 08, 2021
Share
Advertisement
சென்னை: ‛‛கடலுார், ராமநாதபுரம், புதுக்கோட்டை மாவட்டங்களில் ஓரிரு இடங்களில் இடி மின்னலுடன் கூடிய கனமழை பெய்யக்கூடும்,'' என்று வானிலை ஆய்வு மைய இயக்குனர் புவியரசன் தெரிவித்தார்.இதுகுறித்து அவர் வெளியிட்டுள்ள அறிக்கையில் தெரிவித்துள்ளதாவது:வடகிழக்கு பருவ காற்றின் காரணமாக இன்று (டிச., 8 ம் தேதி): கடலுார், ராமநாதபுரம், புதுக்கோட்டை, டெல்டா
Cuddalore, Ramanathapuram, Pudukai, heavy rains, கடலுார், ராமநாதபுரம், புதுக்கோட்டை, கனமழை, வானிலை ஆய்வு மையம், அறிவிப்பு

சென்னை: ‛‛கடலுார், ராமநாதபுரம், புதுக்கோட்டை மாவட்டங்களில் ஓரிரு இடங்களில் இடி மின்னலுடன் கூடிய கனமழை பெய்யக்கூடும்,'' என்று வானிலை ஆய்வு மைய இயக்குனர் புவியரசன் தெரிவித்தார்.


இதுகுறித்து அவர் வெளியிட்டுள்ள அறிக்கையில் தெரிவித்துள்ளதாவது:


latest tamil news


வடகிழக்கு பருவ காற்றின் காரணமாக


இன்று (டிச., 8 ம் தேதி):

கடலுார், ராமநாதபுரம், புதுக்கோட்டை, டெல்டா மாவட்டங்கள் மற்றும் காரைக்கால் பகுதிகளில் ஓரிரு இடங்களில் இடி மின்னலுடன் கூடிய கனமழையும், ஏனைய கடலோர மாவட்டங்கள் மற்றும் புதுவை பகுதிகளில் ஒருசில இடங்களில் லேசானது முதல் மிதமான மழையும், உள் மாவட்டங்களில் ஓரிரு இடங்களில் லேசான மழையும் பெய்யக்கூடும்.


latest tamil news



நாளை 9 ம் தேதி:

அரியலுார், பெரம்பலுார், மதுரை, விருதுநகர், சிவகங்கை, துாத்துக்குடி மாவட்டங்களில் ஓரிரு இடங்களில் இடி மின்னலுடன் கூடிய கனமழையும், ஏனைய மாவட்டங்கள் மற்றும் புதுவை, காரைக்கால் பகுதிகளில் அனேக இடங்களில் இடி மின்னலுடன் கூடிய லேசானது முதல் மிதமான மழையும் பெய்யக்கூடும்.


வரும் 12 ம் தேதி:

தென் மாவட்டங்களில் ஓரிரு இடங்களில் இடி மின்னலுடன் கூடிய கனமழையும், கடலோர மாவட்டங்கள் மற்றும் புதுவை, காரைக்கால் பகுதிகளில் ஒரு சில இடங்களில் லேசானது முதல் மிதமான மழையும், உள்மாவட்டங்களில் ஓரிரு இடங்களில் லேசான மழையும் பெய்யக்கூடும்.


சென்னையை பொறுத்தவரை:


latest tamil news



அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில இடங்களில் அதிகாலை நேரங்களில் லேசானது முதல் மிதமான மழை பெய்யக்கூடும். அதிகபட்ச வெப்பநிலை 31 மற்றும் குறைந்தபட்ச வெப்பநிலை 25 டிகிரி செல்சியஸை ஒட்டி இருக்கும்.

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில இடங்களில் லேசானது முதல் மிதமான மழை பெய்யக்கூடும். அதிகபட்ச வெப்பநிலை 30 மற்றும் குறைந்தபட்ச வெப்பநிலை 25 டிகிரி செல்சியஸை ஒட்டி இருக்கும்.


latest tamil news





கடந்த 24 மணி நேரத்தில் பதிவான மழை அளவு:

வால்பாறை (கோவை), பிலவாக்கல் அணை (விருதுநகர்) தலா 5 செ.மீ., சுரளகோடு (கன்னியாகுமரி), கன்னியாகுமரி, தலா 3 செ.மீ., தக்கலை (கன்னியாகுமரி) 2 செ.மீ., சேரன்மகாதேவி (திருநெல்வேலி), பர்லியார் (நீலகிரி), சோத்துப்பாறை (தேனி), சிற்றாறு, பேச்சிப்பாறை, கன்னிமார், சிவலோகம் (கன்னியாகுமரி) 1 செ.மீ.,


மீனவர்களுக்கான எச்சரிக்கை ஏதுமில்லை.

இவ்வாறு புவியரசன் தெரிவித்துள்ளார்.


Advertisement




வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X