விமானப்படை வீரர் பிரதீப் பலி; சோகத்தில் ஆழ்ந்த திருச்சூர்

Added : டிச 10, 2021 | கருத்துகள் (5) | |
Advertisement
பாலக்காடு : முப்படை தளபதி பிபின் ராவத்துடன் ஹெலிகாப்டரில் பயணம் செய்த, கேரளா திருச்சூரை சேர்ந்த விமானப்படை வீரர் பிரதீப் பலியாகியுள்ளார்.கேரள மாநிலம், திருச்சூர் புத்துாரை சேர்ந்தவர் பிரதீப், 37. கோவை சூலுார் விமானப்படை தளத்தில் ஜூனியர் வாரன்ட் ஆபிசராக பணியாற்றி வந்தார். இவரது தந்தை ராதாகிருஷ்ணன் நோயினால் உடல்நிலை பாதிக்கப்பட்டதை அறிந்து விடுமுறையில் வந்த
Thrissur, Chopper Crash, Helicopter Crash

பாலக்காடு : முப்படை தளபதி பிபின் ராவத்துடன் ஹெலிகாப்டரில் பயணம் செய்த, கேரளா திருச்சூரை சேர்ந்த விமானப்படை வீரர் பிரதீப் பலியாகியுள்ளார்.

கேரள மாநிலம், திருச்சூர் புத்துாரை சேர்ந்தவர் பிரதீப், 37. கோவை சூலுார் விமானப்படை தளத்தில் ஜூனியர் வாரன்ட் ஆபிசராக பணியாற்றி வந்தார். இவரது தந்தை ராதாகிருஷ்ணன் நோயினால் உடல்நிலை பாதிக்கப்பட்டதை அறிந்து விடுமுறையில் வந்த பிரதீப், கடந்த வாரம் தான் பணிக்குத் திரும்பிச் சென்றுள்ளார். குன்னுார் அருகே ராணுவ ஹெலிகாப்டர் விபத்தில் பலியான, 13 பேரில் அவரும் ஒருவர்.

அவரது தந்தை, நுரையீரல் பாதிப்பு காரணமாக வீட்டில் வென்டிலேட்டர் உதவியுடன் உயிருக்கு போராடிக் கொண்டிருக்கும் நிலையில், பிரதீப் இழப்பு குடும்பத்தினருக்கு பெரும் சோகத்தை ஏற்படுத்தியுள்ளது. மகனின் இறப்பு செய்தியை தாய் குமாரியிடம் உறவினர்கள் தெரிவித்துள்ளனர். பலியான பிரதீப்புக்கு மனைவி மற்றும் இரு மகன்கள் உள்ளனர்.


latest tamil news



உறவினர்கள் கூறுகையில், 'கடந்த 2004ல் பிரதீப் விமானப்படையில் சேர்ந்தார். காஷ்மீர் உட்பட நாட்டின் பல்வேறு பகுதிகளில் பணி புரிந்துள்ளார். சத்தீஸ்கரில் மாவோயிஸ்டுகள் மீதான தாக்குதலில் பங்கேற்றுள்ளார். ஆறு மாதத்துக்கு முன், கோவை சூலுாரில் பணியமர்த்தப்பட்டார். முப்படை தளபதியுடன், குன்னுார் பயணத்துக்கு அவர் தேர்வாகி இருந்தார்.

இது குறித்த தகவலை அவர் தாயிடம் போனில் தெரிவித்திருந்தார். கேரளாவில் மழை வெள்ள பாதிப்பின்போது மீட்புப் பணியில் ஈடுபட்ட பிரதீபை ஜனாதிபதி பாராட்டியுள்ளார்' என்றனர். அவரது மறைவு, திருச்சூர் புத்துார் மக்களை சோகத்தில் ஆழ்த்தியுள்ளது.

Advertisement




வாசகர் கருத்து (5)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
RaajaRaja Cholan - Montpellier,பிரான்ஸ்
10-டிச-202119:13:35 IST Report Abuse
RaajaRaja Cholan ஆழ்ந்த இரங்கல்கள் சகோதரரே , உங்கள் குடும்ப உறுப்பினர்கள் இந்த துன்பியல் சம்பவத்தில் இருந்து மீண்டு வர , எல்லாம் வல்ல இணைவன் துணை புரியவேண்டும் . அவர்கள் அனைவரும் உங்கள் நினைவுகளுடன் நீண்ட ஆரோகியத்துடனும் , உங்கள் மக்கள் செல்வங்கள் கல்வியில் சிறந்து விளங்கவும் வேண்டுகிறான்
Rate this:
Cancel
Nachiar - toronto,கனடா
10-டிச-202118:44:08 IST Report Abuse
Nachiar தாயகம் காத்த தேவர்க்கு என் ஆத்மார்த்த நன்றி. ஓம் ஷாந்தி.
Rate this:
Cancel
RAMAKRISHNAN NATESAN - LAKE VIEW DR, TROY 48084,யூ.எஸ்.ஏ
10-டிச-202112:15:33 IST Report Abuse
RAMAKRISHNAN NATESAN மலையாளியாக இருந்தாலும் தேச விரோதிகளை வேட்டையாட உதவியுள்ளாரே ? வியப்பு மேலிடுகிறது
Rate this:
Sowmya Sundararajan - Clementi,சிங்கப்பூர்
10-டிச-202119:06:16 IST Report Abuse
Sowmya Sundararajanஅடுத்த மாநிலத்தவர் நாட்டு பற்று இல்லாமல் இருப்பார்கள் என்று நீங்களே எப்படி யூகித்து கொண்டீர்கள் சகோதரரே ? இவரை போன்றவர் பலர் பல மாநிலத்தில் உள்ளனர் . நாம் தான் ஒன்றிரண்டு மோசமான உதாரணங்களை வைத்து மற்றவர்கள் எல்லோரும் ஒரே மாதிரி என்று தவறாக எடை போடுகிறோம்....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X