இது உங்கள் இடம்: இதற்கு மேலும் பேசுவார்!

Updated : டிச 15, 2021 | Added : டிச 15, 2021 | கருத்துகள் (64) | |
Advertisement
உலக, நாடு, தமிழக நடப்புகள் பற்றி, வாசகர்கள் தினமலர் நாளிதழில் எழுதிய கடிதம்:கே.மணிகண்டன், ஒட்டப்பிடாரம், துாத்துக்குடி மாவட்டத்திலிருந்து அனுப்பிய, 'இ - மெயில்' கடிதம்:'தேச துரோக சட்டத்தை ரத்து செய்யும் திட்டம் இல்லை' என, மத்திய சட்ட அமைச்சர் தெரிவித்து உள்ளார். 'இந்த சட்டத்தின் கீழ் மேலும் பல அப்பாவி மக்கள் மீது நடவடிக்கை எடுக்க மத்திய அரசிடம் திட்டம்
Chidambaram, Minister for Treason Law, Union Law Minister, INX, Media, Aircel Maxis, CBI, சிதம்பரம்,  தேச துரோக சட்டம், மத்திய சட்ட அமைச்சர்,  ஐ.என்.எக்ஸ்.,  மீடியா, ஏர்செல் மேக்சிஸ், சி.பி.ஐ.,



உலக, நாடு, தமிழக நடப்புகள் பற்றி, வாசகர்கள் தினமலர் நாளிதழில் எழுதிய கடிதம்:



கே.மணிகண்டன், ஒட்டப்பிடாரம், துாத்துக்குடி மாவட்டத்திலிருந்து அனுப்பிய, 'இ - மெயில்' கடிதம்:
'தேச துரோக சட்டத்தை ரத்து செய்யும் திட்டம் இல்லை' என, மத்திய சட்ட அமைச்சர் தெரிவித்து உள்ளார். 'இந்த சட்டத்தின் கீழ் மேலும் பல அப்பாவி மக்கள் மீது நடவடிக்கை எடுக்க மத்திய அரசிடம் திட்டம் உள்ளதா?' என ரொம்ப சாமர்த்தியமாக பேசுவதாக நினைத்து, காங்கிரசைச் சேர்ந்த முன்னாள் மத்திய நிதி அமைச்சர் ப.சிதம்பரம் கூறி இருக்கிறார்.


latest tamil news


மத்திய அரசு அப்படி செய்யும் என்றால், 'ஐ.என்.எக்ஸ்., மீடியா, ஏர்செல் மேக்சிஸ்' போன்ற குற்ற வழக்குகளில், ஜாமின் வாங்கி வெளியே உலா வரும் ப.சிதம்பரம் மீது, அந்த தேச துரோக சட்டத்தின் வாயிலாகவே நடவடிக்கை எடுத்து இருப்பரே!

நம் நாட்டுக்காக நோட்டுக்களை அச்சடிக்கும் இயந்திரத்தை, நம் பகை நாடான பாகிஸ்தானுக்கு சகாய விலையில் விற்ற ப.சிதம்பரத்தை வெளியே நடமாட விட்டிருப்பரா? நாட்டின் நலனுக்கு எதிராக அன்றாடம் ஏதாவது ஒரு கருத்தை கூறத் தான் அனுமதித்து இருப்பரா?

தற்போது ஆட்சியில், காங்., இருந்தால் கூட, ஆ.ராசா, கனிமொழி ஆகியோரை திகாரில் ரொட்டியும், சப்ஜியும் உண்ண வைத்தது போல, ப.சிதம்பரத்தையும் உள்ளே வைத்து உபசரித்து இருப்பர்.

சி.பி.ஐ.,யால், அமலாக்கத் துறையால் கைது செய்யப்பட்டு, 106 நாள் சிறைவாசம் அனுபவித்த சிதம்பரத்தை பிரதமர் மோடியின் தலைமையின் கீழ் இயங்கும் மத்திய பா.ஜ., அரசு, பெரிய மனதுடன், வெளியே நடமாட விட்டிருக்கிறது. அதனால் தான் ப.சிதம்பரம் இதுவும் பேசுவார்; இதற்கு மேலும் பேசுவார்!


Advertisement




வாசகர் கருத்து (64)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ramesh Sargam - Back in Bengaluru, India.,இந்தியா
17-டிச-202102:58:07 IST Report Abuse
Ramesh Sargam உலகில் உள்ள அனைவருக்கும் கொரானா போன்ற வைரஸ் பாதித்தால், இந்த புளுகு காங்கிரஸ் காரர்களுக்கு மட்டும் பொய், புளுகு போன்ற 'வைரஸ்' பாதித்து பல வருடமாக அவஸ்தை படுகிறார்கள். பாவம் பொய், புளுகு, பித்தலாட்டம் போன்ற வைரஸ்களுக்கு என்றுதான் வாக்சின் கண்டுபிடிப்பார்களோ... என்றைக்கு இந்த புளுகு மூட்டைகளுக்கு விமோசனமோ...?
Rate this:
Cancel
Ramesh Sargam - Back in Bengaluru, India.,இந்தியா
17-டிச-202102:37:44 IST Report Abuse
Ramesh Sargam Chidambaram போன்ற ஊழல் வாதிகளை பேசவே விட கூடாது.
Rate this:
Cancel
DARMHAR - Los Angeles,யூ.எஸ்.ஏ
17-டிச-202100:56:02 IST Report Abuse
DARMHAR பொது மக்கள் என்னதான் ஊத்தி ஊத்தி கழுவினாலும் ப.சி சட்டை செய்யமாட்டார் .
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X