சிறையில் சசிகலாவுக்கு சிறப்பு சலுகை; கர்நாடக உயர் நீதிமன்றம் புது உத்தரவு

Updated : டிச 18, 2021 | Added : டிச 18, 2021 | கருத்துகள் (11)
Advertisement
பெங்களூரு : சசிகலாவுக்கு சிறையில் சலுகை அளிக்க லஞ்சம் வாங்கிய வழக்கில் தவறு செய்த அதிகாரிகள் மீதான இறுதி விசாரணை அறிக்கை இரண்டு வாரங்களுக்குள் தாக்கல் செய்ய, கர்நாடக உயர்நீதிமன்றம் அதிரடி உத்தரவிட்டுள்ளது.மறைந்த முன்னாள் முதல்வர் ஜெயலலிதா தோழி சசிகலா, இளவரசி பெங்களூரு பரப்பன அக்ரஹாரா சிறையில் இருந்த போது, சொகுசு வசதி செய்து கொடுப்பதற்கு, சிறைத்துறை அதிகாரிகள்,
Sasikala case, Sasikala, Court, Karnataka, Jail, VK Sasikala

பெங்களூரு : சசிகலாவுக்கு சிறையில் சலுகை அளிக்க லஞ்சம் வாங்கிய வழக்கில் தவறு செய்த அதிகாரிகள் மீதான இறுதி விசாரணை அறிக்கை இரண்டு வாரங்களுக்குள் தாக்கல் செய்ய, கர்நாடக உயர்நீதிமன்றம் அதிரடி உத்தரவிட்டுள்ளது.

மறைந்த முன்னாள் முதல்வர் ஜெயலலிதா தோழி சசிகலா, இளவரசி பெங்களூரு பரப்பன அக்ரஹாரா சிறையில் இருந்த போது, சொகுசு வசதி செய்து கொடுப்பதற்கு, சிறைத்துறை அதிகாரிகள், இரண்டு கோடி ரூபாய் லஞ்சம் பெற்றதாக குற்றச்சாட்டு எழுந்தது.இந்த வழக்கில் ஏ.சி.பி., என்ற ஊழல் ஒழிப்பு போலீசார் உரிய விசாரணை நடத்தவில்லை.

வழக்கு தாமதமாவதால் சி.பி.ஐ.,க்கு மாற்ற வேண்டும் என சென்னையை சேர்ந்த சமூக ஆர்வலர் கீதா என்பவர், கர்நாடக உயர்நீதிமன்றத்தில் மனு தாக்கல் செய்தார். இது தொடர்பான விசாரணையின் போது, 'ஏ.சி.பி.,யினர் உரிய விசாரணை நடத்தவில்லை' என, நீதிமன்றம் பலமுறை அதிருப்தி தெரிவித்தது.

கடந்த நவம்பரில், வழக்கு விசாரணைக்கு வந்த போது, 'கர்நாடக உள்துறை செயலர் நேரில் ஆஜராகி விளக்கமளிக்க வேண்டும்' என நீதிமன்றம் உத்தரவிட்டு, டிசம்பர் 16க்கு ஒத்தி வைத்தது. இந்நிலையில் கர்நாடக உயர்நீதிமன்றத்தில், தலைமை நீதிபதி ரிதுராஜ் அவஸ்தி தலைமையிலான முதன்மை அமர்வு முன், நேற்று முன் தினம் விசாரணைக்கு வந்தது.


latest tamil news


அரசு வக்கீல் வாதாடுகையில், 'லஞ்ச ஒழிப்பு போலீசார், விசாரணை முடித்து விட்டனர். தவறு செய்தவர்களிடம் விசாரணை நடத்த முன் அனுமதி கேட்டு, 2021 ஜூலையில், உள்துறை செயலருக்கு அனுமதி கடிதம் அனுப்பி வைக்கப்பட்டது.'இதை 20 நாட்களுக்கு முன்பே, உள்துறை செயலர் பரிசீலித்து, உள்துறை அமைச்சருக்கு அனுப்பி வைத்துள்ளார்' என்றார்.

மனுதாரர் தரப்பில் ஆஜரான வக்கீல் ராஜ்குமார் கூறியதாவது: இறுதி அறிக்கையை இரண்டு மாதத்தில் தாக்கல் செய்ய வேண்டும் என விசாரணை அதிகாரிக்கு உத்தரவிடப்பட்டது. அறிக்கை அளிக்க அரசு தரப்பில், செப்டம்பர் 7ல் மீண்டும் 30 நாள் அவகாசம் வழங்கப்பட்டது. அறிக்கை அளிக்க தாமதமானால், உள்துறை செயலர் நேரில் ஆஜராகி விளக்கம் அளிக்க வேண்டுமென உத்தரவிடப்பட்டது. ஆனாலும் இதுவரை தாக்கல் செய்யப்படவில்லை.இவ்வாறு அவர் கூறினார்.

இதைக் கேட்ட தலைமை நீதிபதி, 'மனுவின் மீது நடவடிக்கை எடுக்க இன்னும் எத்தனை நாள் கால அவகாசம் வேண்டும்?' எனக் கேட்டார். அரசு தரப்பு வக்கீல், 'தற்போது பெலகாவியில் குளிர்கால சட்டசபை கூட்டத்தொடர் நடக்கிறது. உள்துறை அமைச்சர் அங்குள்ளார். இரு வாரங்களுக்கு பின் வருவார். அதற்குள் அவர் அனுமதி பெற்று முழுமையான விசாரணை அறிக்கையை நீதிமன்றத்தில் தாக்கல் செய்வோம்' எனத் தெரிவித்தார்.இதை ஏற்றுக்கொண்ட நீதிபதி, வழக்கை இரண்டு வாரங்களுக்கு ஒத்தி வைத்தார்.

Advertisement




வாசகர் கருத்து (11)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
M Ramachandran - Chennai,இந்தியா
18-டிச-202121:34:07 IST Report Abuse
M  Ramachandran மன்னார்குடி மாபியா சசிகலா சட்டத்துக்கும் பேப்பே. நீதிபதிக்கும் பேப்ப்பை காட்டினார். பணம் மிருந்தால் சட்டத்தைய தன பக்கத்திற்கு வழிக்கலாம் என்பதற்கு இந்த அம்ம்மாள் ஒரு உதாரணம்.
Rate this:
Cancel
18-டிச-202116:27:54 IST Report Abuse
மைதிலி சிறையில் மொழி கற்கலாம் சிறகடித்து பறக்க வழி தேடலாமா சுதந்திர மான, தண்டனைக்கு சட்டத்தில் இடம் இல்லை
Rate this:
Cancel
Muthuraj Richard - Coimbatore,இந்தியா
18-டிச-202115:43:24 IST Report Abuse
Muthuraj Richard அப்போ புகார் நிரூபிக்கப்படும் பட்சத்தில் லஞ்சம் கொடுத்தவருக்கும் அதற்க்கு உடந்தையாக இருந்தவர்களுக்கும் சிறைவாசம் உண்டு, உப்பு தின்னா தண்ணி குடிக்கணுமில்ல......காசு பணம் நகைகளை அல்லி தின்ன வேண்டியது தானே....எதற்கு இத்தனை பணமும் சொத்தும் ? ஆசை தீர்ந்தமாதிரி தெரியலையே....எல்லாம் நம் மாநில மக்களின் விதி.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X