சிறப்பு பகுதிகள்

டீ கடை பெஞ்ச்

'டாஸ்மாக்' மேலாளர்களுக்கு எச்சரிக்கை!

Updated : டிச 21, 2021 | Added : டிச 20, 2021 | கருத்துகள் (4)
Advertisement
நாயர் கொடுத்த இஞ்சி டீயை உறிஞ்சியபடியே, ''கொஞ்சம் 'ஓவரா' கிண்டல் பண்ணிட்டோமோன்னு வருத்தப்படறார் ஓய்...'' என முதல் தகவலுக்கு வந்தார் குப்பண்ணா. ''யாரு, எதுக்காக வருத்தப்படுறாங்க...'' எனக் கேட்டார், அந்தோணிசாமி.''கடந்த ஆட்சியில, அ.தி.மு.க., - ஐ.டி., அணியில இருந்த, 'முருக'நாதன், தி.மு.க.,வை கடுமையா விமர்சிச்சு சமூக வலைதளங்கள்ல பதிவு போட்டார் ஓய்...''தி.மு.க., இனி
டீ கடை பெஞ்ச்

நாயர் கொடுத்த இஞ்சி டீயை உறிஞ்சியபடியே, ''கொஞ்சம் 'ஓவரா' கிண்டல் பண்ணிட்டோமோன்னு வருத்தப்படறார் ஓய்...'' என முதல் தகவலுக்கு வந்தார் குப்பண்ணா.



''யாரு, எதுக்காக வருத்தப்படுறாங்க...'' எனக் கேட்டார், அந்தோணிசாமி.


''கடந்த ஆட்சியில, அ.தி.மு.க., - ஐ.டி., அணியில இருந்த, 'முருக'நாதன், தி.மு.க.,வை கடுமையா விமர்சிச்சு சமூக வலைதளங்கள்ல பதிவு போட்டார் ஓய்...

''தி.மு.க., இனி ஆட்சிக்கே வர முடியாது என்பது உட்பட அவரின் பதிவு எல்லாம், வேகமாக பரவிடுத்து... இப்போ ஆட்சி மாறவும், தி.மு.க.,வுக்கு தாவ, 'நுால்' விடறாராம்...

விஷயம் தெரிஞ்ச தி.மு.க.,வினர், 'அவர் நம்ம கட்சியை எப்படியெல்லாம் கிண்டல் பண்ணினார் தெரியுமோ'ன்னு, தலைமைக்கு புகார் அனுப்பியிருக்கா ஓய்...''இதனால, கொஞ்சம் ஓவரா தான் தி.மு.க.,வை திட்டிட்டோமோன்னு அவர் வருத்தப்படுறாராம் ஓய்...'' என முடித்தார், குப்பண்ணா.

''எரியுற வீட்டுல பிடுங்குற கதையா இருக்குதுங்க...'' என அடுத்த தகவலுக்கு மாறினார், அந்தோணிசாமி.

''என்ன, ஏதுன்னு விளக்கமா சொல்லுங்க பா...'' எனக் கேட்டார், அன்வர்பாய்.
''நாமக்கல் மாவட்டம், கோவிந்தம்பாளையத்துல இருக்குற, அ.தி.மு.க., முன்னாள் அமைச்சர் தங்கமணி வீட்டுல, சமீபத்துல லஞ்ச ஒழிப்பு துறை 'ரெய்டு' நடந்துச்சுங்க...

''இதனால தங்கமணி வீட்டுக்கு, ஈரோடு நிருபர்கள், போட்டோகிராபர்கள் 12 பேர் போனாங்க... வீட்டுக்குள்ள அமளி துமளி நடக்கறப்போ, நிருபர்கள் சிலர் தங்களை, 'கவனிக்கணும்'னு தங்கமணிக்கு துாது விட்டாங்க...

''ஏற்கனவே ரெய்டால நொந்து போயிருந்த தங்கமணி தரப்பு, இந்த வசூல் நிருபர்களுக்கு, 'கவர்' கொடுத்து அனுப்பியிருக்காங்க... சில நிருபர்கள் இப்படி இருப்பதால தான், அரசியல்வாதிகளோட, 'ஆட்டம்' அதிகமாகிடுச்சுங்க...'' என விளக்கினார், அந்தோணிசாமி.

''புலி வருது புலி வருதுன்னு சொல்லிட்டே இருக்காவ வே...'' என கடைசி தகவலுக்கு மாறினார், அண்ணாச்சி.

''ம்... விஷயத்தை சொல்லுங்க...'' என்றார், அந்தோணிசாமி.

''தமிழக அரசின் 'டாஸ்மாக்' நிறுவனம், நிர்வாக வசதிக்காக, 38 மாவட்டங்களா செயல்படுது... அவை தலா ஒரு மேலாளரின் கீழ் இயங்குது வே...''துணை ஆட்சியராக இருப்போரும், எம்.பி.ஏ., பட்டதாரிகளும் தொகுப்பூதிய அடிப்படையில மேலாளர்களா இருக்காவ வே..

.''இந்த மேலாளர்கள், கூடுதல் விலைக்கு மது பாட்டிலை விற்கும் ஊழியர்கள் மீது நடவடிக்கை எடுக்காம, 'கமிஷன்' வசூலிக்குறதுல கவனமா இருக்காவ... இத பற்றி, டாஸ்மாக் அதிகாரிகளுக்கு புகார்கள் போயிட்டே இருக்கு வே...

''பலமுறை எச்சரிச்சும், அவங்க திருந்தாம தொடர்ந்து முறைகேடுல ஈடுபடுதாவ... இதனால, எம்.பி.ஏ., பட்டதாரிகளா இருக்குற, மாவட்ட மேலாளர்கள் 11 பேரை, சமீபத்தில் இடமாற்றம் செஞ்சிட்டாவ வே...

''இனியும் புகார் வந்தா, துறை ரீதியான நடவடிக்கை எடுக்க, அரசு உத்தரவு போட்டுருக்காம்... ஆனா, அப்படி எல்லாம் எதுவும் செய்ய மாட்டாவ... சும்மா, படம் காட்டுதாவ வே...'' என விளக்கினார் அண்ணாச்சி.நண்பர்கள் கிளம்ப, பெஞ்ச் அமைதியானது.

Advertisement




வாசகர் கருத்து (4)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
D.Ambujavalli - Bengaluru,இந்தியா
20-டிச-202119:29:50 IST Report Abuse
D.Ambujavalli கவலையே வேண்டாம், இதற்கு மேலாகத் திட்டியவர்களை சேர்த்துக் கொண்டு, அமைச்சராகவே வைத்துக்கொண்ட வரலாறெல்லாம் இருக்கிறதே
Rate this:
Cancel
கல்யாணராமன் சு. - பெங்களூரு,இந்தியா
20-டிச-202116:43:59 IST Report Abuse
கல்யாணராமன் சு. இவங்களை (திமுககாரங்களை) இதை விட மோசமா திட்டிய, மற்றும் இவங்க தலைவர் தளபதியாலே மோசமா திட்டப்பட்ட செந்தில் பாலாஜியையே திமுக சேர்த்துக்கிட்டு பசையான பதவியையும் கட்சிப் பொறுப்பையும் குடுத்து "அழகு" பார்க்கலையா ?? எல்லாம் நடக்கும் இந்த கேடு கேட்ட அரசியலிலே
Rate this:
Cancel
ramesh - dubai,ஐக்கிய அரபு நாடுகள்
20-டிச-202111:34:28 IST Report Abuse
ramesh நீங்களும் தான் அடிக்கடி சொல்லிட்டு இருந்திங்க தி மு க வராதுன்னு
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X