கண்டுகொள்ளாத மத்திய அரசு; தலைமை நீதிபதி அதிருப்தி

Updated : டிச 20, 2021 | Added : டிச 20, 2021 | கருத்துகள் (20)
Advertisement
வாராங்கல்-''நீதிமன்றங்களின் உள்கட்டமைப்பு வசதிகளை மேம்படுத்த நீதித்துறைக்கான உள்கட்டமைப்பு கழகத்தை அமைக்கவும், கொரோனாவால் வாழ்வாதாரத்தை இழந்த வழக்கறிஞர்களுக்கு நிதி உதவி அளிக்கவும் விடுத்த கோரிக்கை மீது மத்திய அரசு பதில் அளிக்கவில்லை,'' என, உச்ச நீதிமன்ற தலைமை நீதிபதி என்.வி.ரமணா அதிருப்தி தெரிவித்தார்.தெலுங்கானாவின் வாராங்கல்லில் புதிய நீதிமன்ற

வாராங்கல்-''நீதிமன்றங்களின் உள்கட்டமைப்பு வசதிகளை மேம்படுத்த நீதித்துறைக்கான உள்கட்டமைப்பு கழகத்தை அமைக்கவும், கொரோனாவால் வாழ்வாதாரத்தை இழந்த வழக்கறிஞர்களுக்கு நிதி உதவி அளிக்கவும் விடுத்த கோரிக்கை மீது மத்திய அரசு பதில் அளிக்கவில்லை,'' என, உச்ச நீதிமன்ற தலைமை நீதிபதி என்.வி.ரமணா அதிருப்தி தெரிவித்தார்.



latest tamil news


தெலுங்கானாவின் வாராங்கல்லில் புதிய நீதிமன்ற வளாகத்தை திறந்து வைத்த நீதிபதி என்.வி.ரமணா பேசியதாவது:நீதிமன்றங்களில் நிலுவையில் உள்ள வழக்குகள் அதிகரிப்பதற்கு நீதிபதிகள் பற்றாக்குறை மட்டும் காரணம் அல்ல. நீதிமன்றங்களில் போதிய உள்கட்டமைப்பு வசதிகளை செய்து தராமல், பாழடைந்த கட்டடங்களில் அமர்ந்து வழக்குகளை விரைவாக விசாரித்து தீர்ப்பு வழங்க வேண்டும் என எதிர்பார்ப்பதில் நியாயம் இல்லை.நீதிமன்றங்களின் கட்டமைப்பை மேம்படுத்த தேசிய அளவிலான நீதித்துறை உள்கட்டமைப்பு கழகத்தை உருவாக்கும்படி மத்திய அரசிடம் பலமுறை கோரிக்கை வைத்துள்ளேன். இதற்கு சரியான பதில் கிடைக்கவில்லை.

கொரோனாவால் வாழ்வாதாரம் இழந்த வழக்கறிஞர்களுக்கு நிதி உதவி அளிக்கும்படி மத்திய அரசிடம் விடுத்த கோரிக்கைக்கும் பதில் இல்லை.கிராமப்புறங்களில் போதிய தகவல் தொழில்நுட்ப வசதி இல்லாததால் 'வீடியோ கான்பரன்ஸ்' வாயிலாக வழக்கில் ஆஜராவது வழக்கறிஞர்களுக்கு சிரமமாக உள்ளது. எனவே கிராமப்புற வழக்கறிஞர்களுக்கு இணையதள வசதியுடன் கூடிய நடமாடும் 'வேன்'களை அமைத்து தர கோரிக்கை விடுக்கப்பட்டது. இதற்கும் மத்திய அரசு நடவடிக்கை எடுக்கவில்லை.


latest tamil news


நீதிமன்ற கட்டடங்களை சொந்த செலவில் கட்டுவதற்கு பல்வேறு மாநில அரசுகளும் தயங்குகின்றன. அப்படியிருக்கையில் மத்திய அரசு நிதிக்கு காத்திருக்காமல், சொந்த நிதியில் நீதிமன்ற வளாகம் கட்டிய தெலுங்கானா அரசை பாராட்டுகிறேன்.இவ்வாறு அவர் பேசினார்.

Advertisement




வாசகர் கருத்து (20)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
R. Vidya Sagar - Chennai,இந்தியா
20-டிச-202120:52:26 IST Report Abuse
R. Vidya Sagar தங்களுக்கு தேவையான விஷயங்கள்ல் உடனே "தாமாக முன்வந்து" என்ற முறையில் சட்டத்தை கையில் எடுத்துக்கொள்வார்கள். இந்த விஷயத்தில் அப்படி பண்ணாததால் சும்மா மேடை பேச்சு என்று எடுத்துக்கொள்ளலாம்.
Rate this:
Cancel
20-டிச-202117:22:09 IST Report Abuse
அப்புசாமி வக்கீலகள் எல்லாம் படிச்சவங்க. அவிங்க ஓட்டெல்லாம் தேறாது. எங்களுக்கு படிப்பறிவில்லாத, கேப்பார் பேச்சைக் கேக்கிற பாமர ஜனங்கள் தான் வேணும். காசு வாங்கிக்கிட்டு துரோகம் பண்ண மாட்டாங்க. அவிங்க கணக்குலேதான் பணம் போடுவோம். தமிழ்நாடுன்னா, ரெண்டு பார்ட்டியும் கேஷாவே குடுக்குது. அங்கே வேணும்னா வக்கீல்கள் முயற்சி செய்யலாம்.
Rate this:
Cancel
raja - Cotonou,பெனின்
20-டிச-202112:35:48 IST Report Abuse
raja மொதல்ல நீங்க கட்டடம் திறக்கிறத்துக்கு போகாம விசாரணை நடத்தி தீர்ப்பு சொல்ல பாருங்க எஜமான்....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X