ராஜேந்திர பாலாஜி மீது தொடுக்கப்படும் நடவடிக்கைகள், அரசின் கொள்கையை பிரதிபலிக்கிறதோ?

Updated : டிச 28, 2021 | Added : டிச 28, 2021 | கருத்துகள் (15) | |
Advertisement
அ.தி.மு.க., முன்னாள் அமைச்சர் ஜெயகுமார் பேட்டி: முன்னாள் அமைச்சர் ராஜேந்திர பாலாஜி குற்றம் சாட்டப்பட்டவர் மட்டுமே; அவர் ஒரு குற்றவாளி இல்லை. குற்றம் சாட்டப்பட்டவர் ஒரு தேசத் துரோகி போல, தனிப்படைகள் அமைத்து எதற்கு தேடுகின்றனர் என்று தான் புரியவில்லை. அவர், அ.தி.மு.க.,வை சேர்ந்தவர் என்பதாலேயே, தி.மு.க., பழிவாங்குகிறது.அ.தி.மு.க., முன்னாள் அமைச்சர்களில் ராஜேந்திர பாலாஜி
ஜெயகுமார், கே.பாலகிருஷ்ணன்

அ.தி.மு.க., முன்னாள் அமைச்சர் ஜெயகுமார் பேட்டி: முன்னாள் அமைச்சர் ராஜேந்திர பாலாஜி குற்றம் சாட்டப்பட்டவர் மட்டுமே; அவர் ஒரு குற்றவாளி இல்லை. குற்றம் சாட்டப்பட்டவர் ஒரு தேசத் துரோகி போல, தனிப்படைகள் அமைத்து எதற்கு தேடுகின்றனர் என்று தான் புரியவில்லை. அவர், அ.தி.மு.க.,வை சேர்ந்தவர் என்பதாலேயே, தி.மு.க., பழிவாங்குகிறது.


அ.தி.மு.க., முன்னாள் அமைச்சர்களில் ராஜேந்திர பாலாஜி தான், சங் பரிவார் கொள்கையுடன், சாமி, கோவில், குளம் என பக்திப்பழமாக இருந்தார். அவர் மீது தொடுக்கப்படும் நடவடிக்கைகள், அரசின் கொள்கையை பிரதிபலிக்கிறதோ?



மார்க்சிஸ்ட் மாநில செயலர் கே.பாலகிருஷ்ணன் பேட்டி: நாட்டின் உயர்ந்த ஜனநாயக அமைப்பான பார்லிமென்டிலேயே ஜனநாயகத்தை சீரழிக்கும் விதமாக, எவ்வித விவாதமும் இன்றி, தேர்தல் சீர்திருத்த சட்ட மசோதாவை மோடி அரசு நிறைவேற்றியுள்ளது.


நீங்கள் சொல்வது படி பார்த்தால், பார்லிமென்ட் துவங்கி, நாட்டின் அனைத்து மட்டங்களிலும் ஜனநாயகம் இல்லை என்பது தெளிவாகிறது. அப்படியானால், பிரதமரை குறைசொல்லும் உங்கள் பேட்டி, ஜனநாயகத்தில் சேராதா?



தமிழக காங்., செய்தி தொடர்பாளர் பீட்டர் அல்போன்ஸ் பேட்டி:பேரிடர் காலங்களில், பிற மாநிலங்களுக்கு மத்திய அரசு உதவுவது போல, தமிழகத்திற்கு உதவுவதில்லை. எனினும், மத்திய அரசுடன் இணக்கமாகத் தான், தமிழக அரசு செயல்படுகிறது.


மாநில அரசின் ஊதுகுழல்களாக ஏராளமான அமைச்சர்கள், தி.மு.க., பிரமுகர்கள், அதிகாரிகள் உள்ளனர். அவர்களுடன் நீங்களும் சேர வேண்டுமா... சார்ந்திருக்கும் கட்சிக்கு கொஞ்சமாவது விசுவாசமாக செயல்பட்டால், உங்கள் கட்சியாவது சற்று வளருமே!



தமிழக பா.ஜ., மூத்த தலைவர் எச்.ராஜா பேட்டி: தமிழகத்தில் தி.க., - தி.மு.க., கம்யூனிஸ்ட் மற்றும் விடுதலை சிறுத்தைகள் கட்சிகளை எதிர்ப்பவர்கள் அனைவருமே தேசியவாதிகள் தான்.


latest tamil news




நல்ல விளக்கம். அப்போ, பா.ஜ.,வுடன் சேர்ந்துள்ள, அ.தி.மு.க.,வும் தேசியவாதிகள் தானா... இதை அவர்கள் ஒப்புக் கொள்வரா?



தமிழக மார்க்சிஸ்ட் பிரமுகர் அருணன் அறிக்கை: 'பாகிஸ்தானுக்கு போனவர்கள் உள்ளிட்ட வேறு மதங்களுக்கு சென்ற அனைவரையும் ஹிந்து மதத்திற்கு திரும்பச் செய்ய வேண்டும்' என, கர்நாடக பா.ஜ., - எம்.பி., தேஜஸ்வி சூர்யா கூறுகிறார். இதன் வாயிலாக, கட்டாய மதமாற்றத்திற்கு அடிபோடுகின்றனர்; நாட்டை நாசமாக்க போகின்றனர்.


கம்யூ.,க்கள் சொல்வதில்லையா, 'இந்த நாட்டையே கம்யூனிஸ்ட் நாடாக ஆக்க வேண்டும்' என்று... அதுபோலத் தான், தேஜஸ்வியும் சொல்லி இருப்பார்!



தி.மு.க., இளைஞரணி தலைவர் உதயநிதி ஸ்டாலின் பேட்டி: கோவை மக்கள், சட்டசபை தேர்தலில் ஏமாற்றி விட்டனர். கோவையில், 10 தொகுதிகளில் ஐந்து தொகுதியிலாவது வெல்வோம் என நினைத்தோம். ஆனால், 10ல் ஒன்றில் கூட வெல்லவில்லை. அதுபோல, நகர்ப்புற உள்ளாட்சி தேர்தலில் ஏமாற்றி விடாதீர்கள்.


ஏற்கனவே, தி.மு.க., அரசால், கோவை புறக்கணிக்கப்படுகிறது என பேசப்படுகிறது. இதில், நகர்ப்புற உள்ளாட்சி தேர்தலிலும், தி.மு.க., தோல்வி அடைந்தால், கோவைக்கு பாதிப்பு படுபயங்கரமாக இருக்குமோ?



Advertisement




வாசகர் கருத்து (15)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
rasa -  ( Posted via: Dinamalar Android App )
28-டிச-202119:18:44 IST Report Abuse
rasa இவரை கைது செயதால், அது ஓரு நாள் செய்தி மட்டுமே. இப்படி அசிங்கப்படுத்தி 10 நாள் டிவி பேப்பர் மீடியா மொத்தம் ஓரு மாத செய்தி ஆக்கினல் அந்த கட்சியின் அவலமும் அணைத்து அதிமுக அமைச்சர்களையும் அசிங்கப்படுத்த முடியும் என்பது அரசின் நிலையாக இருக்கும்
Rate this:
Cancel
KMP - SIVAKASI,இந்தியா
28-டிச-202114:29:36 IST Report Abuse
KMP பக்திப்பழம் என்று சொல்லி அவருக்கு ஆதரவு தருகிறதோ ?
Rate this:
Cancel
pattikkaattaan - Muscat,ஓமன்
28-டிச-202113:40:38 IST Report Abuse
pattikkaattaan /// அ.தி.மு.க., முன்னாள் அமைச்சர்களில் ராஜேந்திர பாலாஜி தான், சங் பரிவார் கொள்கையுடன், சாமி, கோவில், குளம் என பக்திப்பழமாக இருந்தார்/// அப்போ பக்தி வேஷம் போட்டுக் கொண்டு இந்த நாட்டில் என்ன தவறு செய்தாலும் கண்டுக்கவே கூடாது என்று சொல்ல வருகிறீர்களா? அவர் நேர்மையானவர் என்றால் எதற்கு ஓடி ஒளியவேண்டும்? எனக்கு என்னமோ தமிழ்நாடு போலீஸ் அவரோடு கூட்டணி அமைத்து கண்ணாமூச்சி விளையாடுதுன்னு நினைக்கிறேன் ..
Rate this:
Narayanan - chennai,இந்தியா
28-டிச-202119:14:20 IST Report Abuse
Narayananஒரு விஷயத்தை அவரவர் பார்வையில் பார்க்கும் பொது வேறு வேறு விஷயங்கள் உருவாகிறது .பக்தி வேஷம் திராவிடர்களுக்கு பிடிப்பதில்லை .இதை சொல்லி சேகர் பாபு வை நீக்கமுடியுமா ?இல்லை ஸ்டாலின் அவர் மனைவியைத்தான் கேள்வி கேட்க முடியுமா ? ராஜேந்திர பாலாஜி அப்படியிருந்ததால் ஸ்டாலினுக்கு பிடிக்கவில்லையோ என்று கேட்கிறார் .நாளையே செந்தில் பாலாஜி மாதிரி திமுகவில் இணைந்தால் ராஜேந்திர பாலாஜியும் உத்தமர்தான் . அவரும் அவர்வாங்கியதாக சொல்லப்படும் பணத்தை திருப்பிக்கொடுத்துவிட்டால் நீதிமன்றமும் அவரை விடுதலை செய்துவிடும் . செந்தில் பாலாஜியை அப்படித்தானே நீதிமன்றம் சொல்லியது .மொத்தத்தில் பதவி இருந்தால், தான் படிக்காவிட்டாலும் கஷ்டப்பட்டு படித்து மேல் அதிகாரியாக வலம் வரும் மெத்த படித்தவர்களை தனக்கு ஸலாம் போட வைக்கும் இந்த பதவி ஆட்டிவைக்கிறது . இன்று அனைவரையும் உருட்டி மிரட்டித்தானே வைத்திருக்கிறார் ஸ்டாலின் . என்ன செய்ய ??...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X