ஏற்றும் போது அறுந்து சோனியா கையில் விழுந்த காங்., கொடி

Updated : டிச 28, 2021 | Added : டிச 28, 2021 | கருத்துகள் (74)
Advertisement
புதுடில்லி: காங்கிரஸ் கட்சியின் 137 வது நிறுவன தினத்தை முன்னிட்டு டில்லியில் நடந்த விழாவில், கட்சி கொடியை அக்கட்சி தலைவர் சோனியா ஏற்றினார். அப்போது, கொடி அறுந்து, அவரது கைகளிலேயே விழுந்ததால் பரபரப்பு ஏற்பட்டது. மீண்டும் கொடியை ஏற்றும் முயற்சி வெற்றி பெறாததால், கொடியை மடித்து எடுத்து சென்றனர்.காங்கிரசின் 137 வது நிறுவன தினம் நாடு முழுவதும் கொண்டாடப்படுகிறது. மாநிலங்கள்
congress, cong, காங்கிரஸ், சோனியா, சோனியாகாந்தி

புதுடில்லி: காங்கிரஸ் கட்சியின் 137 வது நிறுவன தினத்தை முன்னிட்டு டில்லியில் நடந்த விழாவில், கட்சி கொடியை அக்கட்சி தலைவர் சோனியா ஏற்றினார். அப்போது, கொடி அறுந்து, அவரது கைகளிலேயே விழுந்ததால் பரபரப்பு ஏற்பட்டது. மீண்டும் கொடியை ஏற்றும் முயற்சி வெற்றி பெறாததால், கொடியை மடித்து எடுத்து சென்றனர்.

காங்கிரசின் 137 வது நிறுவன தினம் நாடு முழுவதும் கொண்டாடப்படுகிறது. மாநிலங்கள் மற்றும் மாவட்டங்களில் கட்சி அலுவலகங்களில் சிறப்பு நிகழ்ச்சிகளுக்கு ஏற்பாடு செய்யப்பட்டது. டில்லியில் உள்ள காங்கிரஸ் தலைமையகத்தில் நடந்த விழாவில், இடைக்கால தலைவர் சோனியா கட்சி கொடியை ஏற்றினார். அப்போது கட்சிக்கொடி அறுந்து அவரது கைகளிலேயே விழுந்தது. தொடர்ந்து அங்கிருந்த சிலர் மீண்டும் கொடியை ஏற்ற முயன்ற போதும் அது சாத்தியமாகவில்லை. இதனையடுத்து கட்சி கொடியை எடுத்து சென்றனர்.


latest tamil news




இந்த விழாவில், ராகுல், பிரியங்கா, மல்லிகார்ஜூனா கார்கே உள்ளிட்ட பல தலைவர்கள் கலந்து கொண்டனர்.


வரலாறு பொய்யாக்கப்படுகிறது


காங்கிரசின் 137வது நிறுவன தினத்தையொட்டி காங்., தலைவர் சோனியா வெளியிட்ட காணொலி வீடியோவில் கூறியதாவது: இன்று இந்தியாவின் வலுவான அடித்தளத்தை பலவீனப்படுத்த அனைத்து முயற்சிகளும் மேற்கொள்ளப்பட்டு வருகின்றன. வரலாறு பொய்யாக்கப்படுகிறது. நாட்டின் கங்கை யமுனை கலாசாரத்தை அழிக்க அருவருப்பான முயற்சிகள் மேற்கொள்ளப்பட்டு வருகின்றன.


latest tamil news


வரலாற்றை மாற்றி எழுதுகிறார்கள். அவை உணர்ச்சிகளைத் தூண்டி, பயத்தை உண்டாக்கி, பகைமையை பரப்புகின்றன. நமது பாராளுமன்ற ஜனநாயகத்தின் மிகச்சிறந்த மரபுகள் திட்டமிட்டு சேதப்படுத்தப்படுகின்றன. இது போன்ற நேரங்களில் காங்கிரஸ் அமைதியாக இருக்காது. நாட்டின் பாரம்பரியத்தை அழிக்க யாரையும் அனுமதிக்க மாட்டோம். ஜனநாயக பாதுகாப்பிற்காக சமூக விரோத சக்திகளுக்கு எதிராக அனைத்து போராட்டங்களையும் மேற்கொள்வேன். இவ்வாறு அவர் கூறினார்.

Advertisement




வாசகர் கருத்து (74)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ganapathy Subramanian - Muscat,ஓமன்
29-டிச-202110:04:12 IST Report Abuse
 Ganapathy Subramanian "காங்கிரசின் 137 வது நிறுவன தினம்" - அந்த காங்கிரஸ் தான் காமராஜுடன் போய்விட்டதே. இந்திரா ஆரம்பித்த காங்கிரசுக்கு இன்னமும் 50 வருடங்களே ஆகவில்லை. "வரலாற்றை மாற்றி எழுதுகிறார்கள் - சோனியா" - வரலாற்றை நீங்கள்தான் மாற்றுகிறீர்கள்.
Rate this:
Cancel
ஏகன் ஆதன் - கிண்ணிமங்கலம்,இந்தியா
28-டிச-202123:25:29 IST Report Abuse
ஏகன் ஆதன் நாட்டிற்கு நல்ல சகுனம்
Rate this:
Cancel
sankar - chennai,இந்தியா
28-டிச-202122:11:19 IST Report Abuse
sankar பாரத மாத எதோ ஒரு சிக்னல் காட்டியிருக்கிறார்கள் நாட்டுக்கு நல்லதே நடக்கும்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X