பருவமழை சேத நிவாரணமாக ரூ.6,230 கோடி வழங்கிட கோரி முதல்வர் கடிதம்

Updated : டிச 29, 2021 | Added : டிச 29, 2021 | கருத்துகள் (13)
Advertisement
சென்னை: வடகிழக்கு பருவ மழையினால் ஏற்பட்ட பாதிப்பில் இருந்து மீளவும், சேதமடைந்த உள்கட்டமைப்புகளை புனரமைக்கவும் ரூ.6,230 கோடி வழங்கிட கோரி, பிரதமர் மோடிக்கு தமிழக முதல்வர் ஸ்டாலின் கடிதம் எழுதியுள்ளார்.கடந்த நவம்பர் மாதத்தில் வடகிழக்கு பருவமழையால் தமிழகத்தின் பல்வேறு மாவட்டங்கள் கடுமையாக பாதிக்கப்பட்டன. அதனை முழுமையாக ஆய்வு செய்து நிதியை ஒதுக்கவேண்டும் என முதல்வர்
TamilnaduCM, Stalin, Write Letter, PMModi, Fund, முதல்வர், ஸ்டாலின், கடிதம், பிரதமர், மோடி, நிவாரணம், வடகிழக்கு பருவமழை

சென்னை: வடகிழக்கு பருவ மழையினால் ஏற்பட்ட பாதிப்பில் இருந்து மீளவும், சேதமடைந்த உள்கட்டமைப்புகளை புனரமைக்கவும் ரூ.6,230 கோடி வழங்கிட கோரி, பிரதமர் மோடிக்கு தமிழக முதல்வர் ஸ்டாலின் கடிதம் எழுதியுள்ளார்.

கடந்த நவம்பர் மாதத்தில் வடகிழக்கு பருவமழையால் தமிழகத்தின் பல்வேறு மாவட்டங்கள் கடுமையாக பாதிக்கப்பட்டன. அதனை முழுமையாக ஆய்வு செய்து நிதியை ஒதுக்கவேண்டும் என முதல்வர் ஸ்டாலின் பிரதமர் மோடிக்கு கடந்த மாதமே கடிதம் ஒன்றை எழுதியிருந்தார். கடந்த மாதம் 21ம் தேதி மத்திய குழு தமிழகத்தில் ஆய்வு மேற்கொண்டது. இந்நிலையில் இன்று (டிச.,29) பிரதமர் மோடிக்கு முதல்வர் ஸ்டாலின் எழுதியுள்ள கடிதத்தில் குறிப்பிட்டுள்ளதாவது:


latest tamil news


தமிழகத்தில் தற்காலிக சீரமைப்பு பணிகளுக்காக ரூ.1,510.83 கோடியும், சாலைகள், பாலங்கள் மற்றும் பொதுக் கட்டடங்கள் போன்ற சேதமடைந்த உள்கட்டமைப்புகளை நிரந்தரமாக சரிசெய்வதற்காக ரூ.4,719.62 கோடியும் நிவாரணமாக வழங்கிடக் கோரி, மத்திய அரசுக்கு சேத விவரங்களுடன் கூடிய விரிவான அறிக்கைகள் சமர்ப்பிக்கப்பட்டுள்ளன. கொரோனா பெருந்தொற்று காரணமாக மாநில அரசின் நிதி நிலைமை பாதிக்கப்பட்டுள்ள இந்தச் சூழ்நிலையில், மழை, வெள்ள பாதிப்புகள் மேலும் அதை கடுமையாக்கியுள்ளது.

மாநிலப் பேரிடர் நிவாரண நிதியும் தற்போது முழுமையாக பயன்படுத்தப்பட்டுள்ளது. எனவே, தமிழகத்தில் வெள்ளத்தால் ஏற்பட்டுள்ள பாதிப்புகளை சரிசெய்யவும் சேதமடைந்த உட்கட்டமைப்புகளை புனரமைக்கவும் தேவையான நிதியினை ஒதுக்கீடு செய்து வழங்கிட உள்துறை அமைச்சகத்திற்கு அறிவுறுத்த வேண்டும். இவ்வாறு அந்த கடிதத்தில் வலியுறுத்தியுள்ளார்.

Advertisement




வாசகர் கருத்து (13)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
30-டிச-202112:48:10 IST Report Abuse
ஆரூர் ரங் நிவாரணம் கொடுக்கலாம் . ஆனா😎 பின்னால் சிரிக்கும் விஞ்ஞான திருட்டு அயோக்கியர் வாரிசு ன்னு நினைக்கும் போது கூடாதுன்னு தோன்றுகிறது
Rate this:
Cancel
RK -  ( Posted via: Dinamalar Android App )
29-டிச-202118:42:35 IST Report Abuse
RK மத்திய அரசுதான் உள்ளது. ஒன்றிய அரசு சீனாவில் உள்ளது. நீங்கள் கடிதம் அனுப்பியது ஒன்றிய அரசுக்குத்தானே..? அவர்களிடம் கிடைக்கும் வாங்கவும்.
Rate this:
Cancel
Bush - Allen, Texas,யூ.எஸ்.ஏ
29-டிச-202118:28:32 IST Report Abuse
Bush ரூ.6,230 கோடி வழங்கிட கோரி, பிரதமர் மோடிக்கு தமிழக முதல்வர் ஸ்டாலின் கடிதம் எழுதியுள்ளார்.623 கோடி கிடைத்தால் பெரிய விஷயம் ..
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X