ரூ.6,230 கோடி நிதியை உடனே கொடுங்க! :பிரதமருக்கு முதல்வர் ஸ்டாலின் கடிதம்

Updated : டிச 30, 2021 | Added : டிச 30, 2021 | கருத்துகள் (38) | |
Advertisement
சென்னை : 'வடகிழக்கு பருவமழையால் ஏற்பட்ட பாதிப்பில் இருந்து மீளவும், சேதமடைந்த உள்கட்டமைப்புகளை புனரமைக்கவும், 6,230 கோடி ரூபாய் நிதியை உடனே வழங்க வேண்டும்' என, பிரதமர் மோடிக்கு முதல்வர் ஸ்டாலின் கடிதம் எழுதி உள்ளார்.கடிதத்தில் அவர் கூறியிருப்பதாவது:தமிழகத்தில் இந்த ஆண்டு வடகிழக்கு பருவமழை காலத்தில், எதிர்பார்க்காத அளவு கனமழை பெய்ததால், பெரு வெள்ளம் ஏற்பட்டது.
ரூ.6,230 கோடி நிதி,பிரதமர்,  ஸ்டாலின், கடிதம்

சென்னை : 'வடகிழக்கு பருவமழையால் ஏற்பட்ட பாதிப்பில் இருந்து மீளவும், சேதமடைந்த உள்கட்டமைப்புகளை புனரமைக்கவும், 6,230 கோடி ரூபாய் நிதியை உடனே வழங்க வேண்டும்' என, பிரதமர் மோடிக்கு முதல்வர் ஸ்டாலின் கடிதம் எழுதி உள்ளார்.

கடிதத்தில் அவர் கூறியிருப்பதாவது:தமிழகத்தில் இந்த ஆண்டு வடகிழக்கு பருவமழை காலத்தில், எதிர்பார்க்காத அளவு கனமழை பெய்ததால், பெரு வெள்ளம் ஏற்பட்டது. இதனால், குடியிருப்புகள், விளைநிலங்கள் பாதிக்கப்பட்டன. விலங்குகள் மற்றும் மனித உயிரிழப்பும் ஏற்பட்டது. வேளாண் பயிர்கள் மற்றும் உள்கட்டமைப்புகள் சேதமடைந்துள்ளன.


latest tamil news






இயல்புநிலை



தமிழக அரசு விரைவாக நிவாரண பணிகளை மேற் கொண்டு, குறுகிய காலத்தில் இயல்புநிலையை மீட்டெடுத்துள்ளது. பெருமழையால் ஏற்பட்ட சேதங்களை மதிப்பிடுவதற்காக, மத்திய
குழுவினர், நவ., 27ல் தமிழகம் வந்து ஆய்வு நடத்தினர். அப்போது, தமிழகத்தில் தற்காலிக சீரமைப்பு பணிகளுக்காக 1,510.83 கோடி ரூபாய். சாலைகள், பாலங்கள் மற்றும் பொதுக் கட்டடங்கள் போன்ற சேதமடைந்த, உள்கட்டமைப்புகளை நிரந்தரமாக சரி செய்வதற்காக 4,719.62 கோடி ரூபாய் என மொத்தம், 6,230.45 கோடி ரூபாய் நிவாரணம் வழங்க கோரிக்கை வைக்கப்பட்டது.
இது தொடர்பாக, தமிழக அரசு சார்பில், நவ., 16, 25, டிச., 15 ஆகிய நாட்களில், சேத விபரங்களுடன் கூடிய, விரிவான அறிக்கைகள் சமர்ப்பிக்கப்பட்டுள்ளன.


பாதிப்பு



கொரோனா பெருந்தொற்று காரணமாக, மாநில அரசின் நிதி நிலைமை பாதிக்கப்பட்டுள்ள சூழ்நிலையில், மழை, வெள்ள பாதிப்புகள், அதை மேலும் கடுமையாக்கி உள்ளன. மாநில பேரிடர் நிவாரண நிதியும், முழுமையாக பயன்படுத்தப்பட்டுள்ளது.
எனவே, தமிழகத்தில் வெள்ளத்தால் ஏற்பட்டு உள்ள பாதிப்புகளை சரி செய்யவும், சேதமடைந்த உள்கட்டமைப்புகளை புனரமைக்கவும், தேவையான நிதியை உடனே ஒதுக்க, மத்திய உள்துறை அமைச்சகத்துக்கு அறிவுறுத்த வேண்டுகிறேன்.
இவ்வாறு ஸ்டாலின் கூறியுள்ளார்.

Advertisement




வாசகர் கருத்து (38)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Nagercoil Suresh - India,இந்தியா
30-டிச-202113:12:18 IST Report Abuse
Nagercoil Suresh டூ லேட்... தமிழக அரசுடைய பக்குவமில்லாத அணுகுமுறையை பிரதிபலிக்கிறது...இயற்கை பேரழிவுக்கு மரங்களையும், செங்கற்களையும் எண்ணிக்கொண்டு, நேரம்பார்த்து ரிப்போர்ட் தயாரித்துக்கொண்டு இருந்தால் இது தான் நிலை என சாதாரணமானவர்களுக்கு கூட தெரிந்த விசியம் தான்..பிரதமர் தமிழகம் வருவதற்குள் முதல்வர் பிரதமரிடமே நேராக பேசி வாங்குவதற்கு முயற்சிக்கலாம் அதை விட்டு விட்டு ஏட்டில் எழுதி எந்த பயனும் இல்லை...
Rate this:
Cancel
Barakat Ali - Medan,இந்தோனேசியா
30-டிச-202111:46:42 IST Report Abuse
Barakat Ali குடும்ப சிமெண்ட்டு கம்பெனி வாடிக்கிடக்குது ஆர்டர் இல்லாமே அதன் குன்றிய பொருளாதாரத்துக்கு ஒன்றிய அரசின் துட்டுதான் சத்து டானிக்
Rate this:
Cancel
G.Kirubakaran - Doha,கத்தார்
30-டிச-202111:37:22 IST Report Abuse
G.Kirubakaran கடிதம் எழுதியது மத்திய அரசுக்கா? இல்லை ஒன்றிய அரசுக்கா?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X