சிறப்பு பகுதிகள்

சொல்கிறார்கள்

அம்மாக்கள் தான் முழு பொறுப்பு!

Added : டிச 30, 2021 | கருத்துகள் (7)
Advertisement
பா.ம.க., நிறுவனர் ராமதாசின் மருமகள் சவுமியா அன்புமணி: பாலியல் வன்கொடுமை யிலிருந்து குழந்தைகளைக் காக்க, சட்டம் மட்டுமே கருவி அல்ல; உண்மையான பாதுகாப்புக் கருவி தாய் தான்.ஒரு முறை நடக்கும் குற்றம், பலமுறை தொடர்ந்து நடத்தப்படுகிறது என்றால், அதற்கு முழு பொறுப்பை, தாய் தான் ஏற்க வேண்டும். உடல் ரீதியாக, உளவியல் ரீதியாக ஒரு குழந்தை பாதிக்கப்படும் வரை அலட்சியமாக இருக்கக்
சொல்கிறார்கள்

பா.ம.க., நிறுவனர் ராமதாசின் மருமகள் சவுமியா அன்புமணி: பாலியல் வன்கொடுமை யிலிருந்து குழந்தைகளைக் காக்க, சட்டம் மட்டுமே கருவி அல்ல; உண்மையான பாதுகாப்புக் கருவி தாய் தான்.ஒரு முறை நடக்கும் குற்றம், பலமுறை தொடர்ந்து நடத்தப்படுகிறது என்றால், அதற்கு முழு பொறுப்பை, தாய் தான் ஏற்க வேண்டும்.


உடல் ரீதியாக, உளவியல் ரீதியாக ஒரு குழந்தை பாதிக்கப்படும் வரை அலட்சியமாக இருக்கக் கூடாது. நமக்கு எத்தனையோ பிரச்னைகள் இருக்கலாம். பொருளாதார பிரச்னை, குடிகார கணவன் பிரச்னை, பணிச்சுமை என்று எந்தப் பிரச்னையாக இருந்தாலும் மகள்களை கண்காணியுங்கள்; அவர்களிடம் அக்கறை காட்டுங்கள்; முடிந்தவரை குற்றம் நடைபெறாமல் தடுத்து விடுங்கள்.பெண் குழந்தைகளை வளர்க்கும்போது பாலியல் தொந்தரவுகளைப் பற்றி சிறு வயதிலிருந்து சொல்லிக் கொடுத்து வளர்க்க வேண்டும். 'ஆபாசமாக யார் பேசினாலும் அது ஆசிரியராக இருந்தாலும் சரி, உறவினராக இருந்தாலும் சரி... கண்டிப்பாக தாயிடம் சொல்லி விட வேண்டும்' என்று திரும்பத் திரும்ப கற்றுக் கொடுங்கள்.

மொபைல் போன் வாங்கிக் கொடுங்கள்; அது சுயபாதுகாப்பு சாதனம் மட்டுமே. அதை முறையாகப் பயன்படுத்த பள்ளிக்கூடத்தில் பாடம் எடுக்க வேண்டும். பள்ளிக்கூடங்களில் கணக்கு, அறிவியல் வகுப்புகளோடு, தற்காப்புக்கலை, மனவளக்கலை வகுப்புகளும் கண்டிப்பாக இருக்க வேண்டும்.ஒரு வீட்டில் களவு போகிறது என்றால், மறுநாள் காவல் நிலையத்தில் புகார் தந்து விட்டு, அடுத்த நாள் நம் பழைய வாழ்க்கைக்குத் திரும்பி விடுவோம். பணம், நகை கொள்ளை அடிப்பது போன்ற அத்துமீறல் தான், பெண் குழந்தைகளின் உடலில் நடக்கிறது என்று குழந்தைகளுக்குப் புரிய வைக்க வேண்டும்; இதற்கு எந்த வகையிலும் அவர்கள் பொறுப்பு அல்ல. அந்த பிஞ்சுகள், சிறுமியர், மாணவியருக்கு எந்தக் குற்ற உணர்ச்சியும் ஏற்பட்டு விடாமல் அவர்கள் மனங்களை ஆறுதல்படுத்த வேண்டும்.

'பெரிய தவறு நடந்து விட்டது; வாழ்வே பறிபோய்விட்டது' என்று ஒரு நாளும் நினைக்க வைக்காதீர். தாய் அதை எளிதாகக் கடந்து விட்டால், நம் கைகளை பிடித்தபடியே, குழந்தைகளும் அதை எளிதாக கடந்து விடுவர். மனதளவில் அவளை தைரியப்படுத்துங்கள். மிக மிக தைரியமும், துணிச்சலும் வேண்டும் அம்மாவுக்கும், மகளுக்கும்! 'அம்மா' என்பது ஒரு சொல் மட்டும் அல்ல; போலியில்லாத வேலியே அது தான்!

Advertisement




வாசகர் கருத்து (7)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
தமிழ்வேள் - திருவள்ளூர்-தொண்டைமண்டலம்-தமிழகம்,இந்தியா
31-டிச-202113:15:45 IST Report Abuse
தமிழ்வேள் வடமாவட்டங்களில் டாஸ்மாக் வருமானம் பெரும்பாலும் உங்கள் ஆட்கள் அதிகமுள்ள பகுதியில்தான் ..மது திரைப்படம் இவற்றை ஒழித்தால் பெரும்பாலான குற்றங்கள் குறையும் ..அடிதடி ரகளையில் ஈடுபடாமல் உங்கள் ஆட்களை கல்வி கற்பதில் ஈடுபட செய்யுங்கள் ...நடிகனின் கட்டவுட்டுக்கு பால் அபிஷேகம் செய்வதில் முன்னணியில் இருப்பது உங்கள் சாதி ஆட்கள் அதிகம் பேர் உண்டு ..அதை திருத்துங்கள் ....
Rate this:
Cancel
selva - Chennai,இந்தியா
31-டிச-202111:48:07 IST Report Abuse
selva உண்மை...
Rate this:
Cancel
Prabakar D - Chennai,இந்தியா
31-டிச-202111:23:14 IST Report Abuse
Prabakar D 'பெரிய தவறு நடந்து விட்டது வாழ்வே பறிபோய்விட்டது'.. 'அம்மா' என்பது ஒரு சொல் மட்டும் அல்ல போலியில்லாத வேலியே அது தான் உண்மை அம்மாகள் தான் முதல் பாதுகாப்பு காவலன் பிறகு தான் சட்டம் சமுதாயம் சூப்பர் மேம். அரசியலுக்கு அப்பாற்பட்ட சிறந்த தெளிவான சிந்தனை ... வாழ்த்துக்கள்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X