பெங்களூரு: கர்நாடகாவில் முதல்வர் பசவராஜ் பொம்மை முன்னிலையில், நடந்த அரசு விழாவில் பா.ஜ. அமைச்சரும், காங்., எம்.பி.யும் நேருக்கு நேராக வாக்குவாதம் செய்து கொண்ட வீடியோ வைரலாகி வருகிறது.
கர்நாடகா மாநிலம் ராமநகரா மாவட்ட தலைநகரில் அரசு பொது நிகழ்ச்சி நடந்தது. இதில் பா.ஜ. முதல்வர் பசவராஜ் பொம்மை, மற்றும் மாநில உயர்கல்வித்துறை அமைச்சர் அஸ்வத்நாராயண் , காங். எம்.பி., டி.கே. சுரேஷ் ஆகியோர் கலந்து கொண்டனர். 
அப்போது மாநில வளர்ச்சி பணிகள் குறித்து அமைச்சர் அஸ்வத் நாராயணன் பேசியதற்கு காங். எம்.பி. டி.கே. சுரேஷ் எதிர்ப்பு தெரிவித்து நாற்காலிவிட்டு எழுந்து அஸ்வத் நாராயணன் பேசுவதை நிறுத்து என எச்சரித்தார். இதையடுத்து இருவருக்கும் இடையே வாக்குவாதம் ஏற்பட்டது.
இதனால் அங்கு பரபரப்பு ஏற்படவே உடனிருந்த பா.ஜ.,வினர் மற்றும் பாதுகாப்பு வந்திருந்த போலீசார் இருவரையும் சமரசம் செய்து வைத்தனர். முதல்வர் முன்னிலையில் இருவரும் வாக்குவாதம் செய்யும் வீடியோ காட்சி சமூக வலைதளங்களில் வைரலாகி வருகிறது.
தினமலர் டெலிகிராம் சேனலில் பார்க்கலாம் Click here to join
Telegram Channel for FREE
