வாசிக்க நேரம் இல்லையா? செய்தியைக் கேளுங்கள் 
வாஷிங்டன்: இந்திய-சீன எல்லை பிரச்னையை அமெரிக்கா கூர்ந்து கவனிக்கிறது என வெள்ளை மாளிகை செய்தித் தொடர்பாளர் ஜென் சகி தெரிவித்துள்ளார்.
சீனா-இந்தியாவுடன் லடாக் பகுதியில் தொடர் எல்லை மோதலில் ஈடுபட்டு வருகிறது. இந்தியாவின் நட்பு நாடான அமெரிக்கா எல்லை விவகாரத்தில் சீனாவின் அச்சுறுத்தலுக்கு எதிராக தொடர்ந்து குரல் கொடுப்போம் என்றும் இந்தியாவுக்கு ஆதரவு தெரிவிக்கும் என்றார்.
இதுகுறித்து வெள்ளை மாளிகை செய்தித் தொடர்பாளர் ஜென் சாகி கூறுகையில் விரைவில் இந்திய-சீன ராணுவ படைகள் இடையே 14வது சுற்று சமாதான பேச்சுவார்த்தை நடைபெற உள்ளது என்றும் கிழக்கு லடாக் பகுதியில் கடந்த 20 மாதங்களாக நிலவிவரும் சீன ராணுவத்தின் அடக்குமுறைக்கு எதிராக தொடர்ந்து இந்திய அரசுக்கு ஆதரவாக குரல் கொடுக்கும் என்றும் அதிகாரப்பூர்வமாக அறிவித்துள்ளார்.
மேலும் இந்திய-சீன எல்லையில் நடைபெறும் தினசரி தகவல்களை அன்றாடம் வெள்ளை மாளிகை அதிகாரிகள் தொடர்ந்து கவனித்து வருவதாகக் கூறியுள்ளார். இந்தியா மட்டுமல்லாமல் ஹாங்காங், தைவான் உள்ளிட்ட பல நாடுகளை எல்லை விவகாரத்தில் சீனா அச்சுறுத்தி வருகிறது. இதனை எதிர்த்து அமெரிக்கா எப்போதும் குரல் கொடுக்கும் என்று அவர் உறுதிபட தெரிவித்துள்ளது குறிப்பிடத்தக்கது.
தினமலர் டெலிகிராம் சேனலில் பார்க்கலாம் Click here to join
Telegram Channel for FREE
