வாஷிங்டன்:இந்தியாவுக்கான அமெரிக்க துாதராக லாஸ் ஏஞ்சலஸ் மேயர் எரிக்கர் செட்டியை நியமிக்க, அமெரிக்க பார்லி., குழு ஒப்புதல் அளித்துள்ளது.
அமெரிக்க அதிபராக ஜோ பைடன் கடந்த ஆண்டு ஜனவரியில் பதவியேற்றார். இதையடுத்து, இந்தியாவுக்கான துாதராக லாஸ் ஏஞ்சலஸ் மாநகர மேயராக இருக்கும் எரிக் கர்செட்டியை கடந்த ஜூலையில் பைடன் நியமித்தார்.

அமெரிக்க பார்லி.,யின் வெளியுறவுக்கான கவுன்சில் இந்தியாவுக்கான துாதர் உட்பட 12 நாடுகளுக்கான துாதர்கள் நியமனத்துக்கு ஒப்புதல் அளித்துள்ளது. இந்த நியமனங்களுக்கு செனட் சபை இறுதி ஒப்புதல் அளிக்க வேண்டும். அதன்பின் இந்திய துாதராக எரிக்கர் செட்டி பொறுப்பேற்பார்.