'செமஸ்டர்' தள்ளிவைப்பால் வேலைக்கு சேர்வதில் சிக்கல்

Updated : ஜன 18, 2022 | Added : ஜன 18, 2022 | கருத்துகள் (3)
Advertisement
சென்னை : செமஸ்டர் தேர்வுகள் தள்ளிவைப்பால், 'கேம்பஸ்' வேலைவாய்ப்பு பெற்ற இன்ஜினியரிங் மாணவர்கள், வேலையில் சேர்வதில் சிக்கல் ஏற்பட்டு உள்ளது.தமிழகத்தில் கொரோனா பரவல் காரணமாக, பள்ளி, கல்லுாரிகளுக்கு விடுமுறை விடப்பட்டுள்ளது. ஜனவரி 20 முதல் நடக்கவிருந்த செமஸ்டர் தேர்வுகளும் தள்ளிவைக்கப்பட்டு உள்ளன. இந்நிலையில், அண்ணா பல்கலை மற்றும் அதன் இணைப்பு இன்ஜினியரிங்
Semester Exam, Campus Interview, College Students

வாசிக்க நேரம் இல்லையா? செய்தியைக் கேளுங்கள் headphone

சென்னை : செமஸ்டர் தேர்வுகள் தள்ளிவைப்பால், 'கேம்பஸ்' வேலைவாய்ப்பு பெற்ற இன்ஜினியரிங் மாணவர்கள், வேலையில் சேர்வதில் சிக்கல் ஏற்பட்டு உள்ளது.

தமிழகத்தில் கொரோனா பரவல் காரணமாக, பள்ளி, கல்லுாரிகளுக்கு விடுமுறை விடப்பட்டுள்ளது. ஜனவரி 20 முதல் நடக்கவிருந்த செமஸ்டர் தேர்வுகளும் தள்ளிவைக்கப்பட்டு உள்ளன. இந்நிலையில், அண்ணா பல்கலை மற்றும் அதன் இணைப்பு இன்ஜினியரிங் கல்லுாரிகளில் படிக்கும் மாணவர்கள், செமஸ்டர் தேர்வு தள்ளிவைப்பால் கவலை அடைந்துள்ளனர்.

அண்ணா பல்கலையின் சென்னை வளாகத்தில் மட்டும், பல்வேறு தனியார் பெரு நிறுவன பணிகளுக்கு, கேம்பஸ் இன்டர்வியூ எனப்படும், வளாக நேர்காணல் வாயிலாக, இறுதி ஆண்டு படிக்கும் 1,700 மாணவர்கள் தேர்வு செய்யப்பட்டுள்ளனர்.


latest tamil news





வேலைவாய்ப்பு உத்தரவு


கடந்த நான்கு ஆண்டுகளில் இல்லாத அளவுக்கு கணினி தொடர்பான நிறுவனங்கள், அதிக அளவில் மாணவர்களை வேலைக்கு தேர்வு செய்துள்ளன.ஆனால், 2021 டிசம்பர் மாத செமஸ்டர் தேர்வுகளே இன்னும் நடக்கவில்லை. இதன்பின், நான்காம் ஆண்டு அல்லது இன்ஜினியரிங்கில் இறுதி ஆண்டு படிக்கும் மாணவர்களுக்கு, இறுதி செமஸ்டர் தேர்வு ஏப்ரலில் நடத்தப்பட வேண்டும்.

அப்போது தான், விடைத்தாள்கள் திருத்தப்பட்டு ஜூன், ஜூலையில் மாணவர்கள் பட்டம் பெற முடியும். அதன்பின், அவர்கள் தேர்வு செய்யப்பட்ட நிறுவனத்துக்கு பணிக்கு செல்ல வேண்டும்.வேலைக்கு தேர்வு செய்யும் நிறுவனங்கள், தங்களின் வேலைவாய்ப்பு உத்தரவை வழங்கும் போதே, ஆகஸ்டுக்குள் பட்டம் பெற்று, வேலையில் சேர்ந்து விட வேண்டும் என்ற, உத்தரவாதம் கேட்கும்.



மாணவர்கள் அச்சம்


தற்போதைய சூழலில், இந்த காலக்கெடுவுக்குள் இறுதி செமஸ்டர் தேர்வை முடிக்க முடியாத நிலை ஏற்பட்டுள்ளது. எனவே, சரியான காலத்தில் பணிகளில் சேர முடியுமா அல்லது வாய்ப்பு பறிபோகுமா என மாணவர்கள் அச்சத்தில் உள்ளனர். எனவே, இறுதி ஆண்டு மாணவர்களுக்காவது, டிசம்பர் தேர்வை விரைந்து முடித்து, அவர்களுக்கு இறுதி செமஸ்டர் தேர்வுக்கான வகுப்புகளை துவங்க வேண்டும் என்ற கோரிக்கை எழுந்துள்ளது.

Advertisement




வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Vinoth Kumar - Chennai,இந்தியா
18-ஜன-202218:15:55 IST Report Abuse
Vinoth Kumar இந்த கொரானாவில் பாடம் பெற்றவர்கள் பலர். அப்படி இருக்கையில், இன்னுமா இந்த கார்ப்பரேட் நிறுவங்களின் மனித வள பிரிவி, இப்படிப்பட்ட ஒரு நிலை வருமென கணிக்காமல் வேலைக்கான உத்தரவாதம் வெறுமென பழைய முறையினைப் பின்பற்றி கொடுத்து இருப்பார்கள். எனக்குத் தெரிந்து, தாமாகவே முன்வந்து அப்படி முன்தேதியிட்ட கடிதத்திற்கு மாற்றாக புதியதொரு பணியானைக்கான கடிதம் கொடுத்துவிடுவார்கள். மாறாக, அப்படி நடக்கவில்லையெனில், அது அவர்களது நிர்வாகத் திறமையினை நோக்கி எழுப்பும் ஒரு கேள்வியாகத்தான் இருக்கும்.
Rate this:
Cancel
S Regurathi Pandian - Sivakasi,இந்தியா
18-ஜன-202211:56:27 IST Report Abuse
S Regurathi Pandian ஆன்லைனில் வகுப்புகள் முறையாக நடக்கவில்லை. பங்கேற்ற மாணவர்களுக்கும் ஆன்லைன் வகுப்புகளால் பாடங்கள் புரியவில்லை. கிட்டத்தட்ட மூன்று செமஸ்டர் இப்படியே சென்றுவிட்டது. இதனால்தான் தேர்வு அச்சம் காரணமாக ஆன்லைன் தேர்வு வேண்டும் என்று தவறான கோரிக்கையை மாணவர்கள் வைத்தனர். கொரோனா முடக்கத்தால் காலதாமதம் தவிர்க்க முடியாதது. உரிய பாடங்கள் முறையாக நடத்துவதை உத்திரவாதப்படுத்த வேண்டும். அதன் பிறகு தேர்வு வைப்பதே மாணவர்களின் நலனுக்கு உகந்ததாக இருக்கும்.
Rate this:
Cancel
S. Narayanan - Chennai,இந்தியா
18-ஜன-202207:56:26 IST Report Abuse
S. Narayanan மாணவர்களின் எதிர்காலம் பாதிக்க படக்கூடாது. அதனால் கல்வி துறை மிகுந்த கவனத்துடன் நிறைய ஆலோசனை செய்து உடனே செயல் பட வேண்டும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X