தலைமறைவாக உள்ள ஆண்கள்; சடலத்தை அடக்கம் செய்த பெண்கள்| Dinamalar

தலைமறைவாக உள்ள ஆண்கள்; சடலத்தை அடக்கம் செய்த பெண்கள்

Updated : ஜன 21, 2022 | Added : ஜன 21, 2022 | கருத்துகள் (6) | |
கலசப்பாக்கம் :கலசப்பாக்கம் அருகே, ஒரு தரப்பைச் சேர்ந்த ஆண்கள் தலைமறைவாக உள்ள நிலையில், உயிரிழந்த மூதாட்டியின் சடலத்தை பெண்களே சுமந்து சென்று அடக்கம் செய்தனர். திருவண்ணாமலை மாவட்டம், கலசப்பாக்கம் அடுத்த வீரளூரில் கடந்த 16ம் தேதி, அருந்ததியர்காலனியைச் சேர்ந்த பெண் ஒருவர், உடல்நிலை பாதிக்கப்பட்டு உயிரிழந்தார்.மோதல்மயானத்திற்கு செல்லும் பாதை முட்புதர் மண்டி
தலைமறைவு, ஆண்கள், சடலம், அடக்கம், பெண்கள்

கலசப்பாக்கம் :கலசப்பாக்கம் அருகே, ஒரு தரப்பைச் சேர்ந்த ஆண்கள் தலைமறைவாக உள்ள நிலையில், உயிரிழந்த மூதாட்டியின் சடலத்தை பெண்களே சுமந்து சென்று அடக்கம் செய்தனர்.


திருவண்ணாமலை மாவட்டம், கலசப்பாக்கம் அடுத்த வீரளூரில் கடந்த 16ம் தேதி, அருந்ததியர்
காலனியைச் சேர்ந்த பெண் ஒருவர், உடல்நிலை பாதிக்கப்பட்டு உயிரிழந்தார்.
மோதல்மயானத்திற்கு செல்லும் பாதை முட்புதர் மண்டி கிடப்பதால், மெயின் ரோடு வழியாக சடலத்தை எடுத்து செல்ல முடிவு செய்தனர். இதற்கு, மற்றொரு தரப்பினர் எதிர்ப்பு தெரிவித்தனர். இதில், மோதல் ஏற்பட்டது.


டி.ஐ.ஜி., ஆனி விஜயா தலைமையில் பேச்சு நடத்தி, வழக்கமாக சடலம் கொண்டு செல்லும் பாதையை சீரமைக்கும் வரை, மெயின்ரோடு வழியாக எடுத்து செல்ல தீர்வு காணப்பட்டது.
இந்நிலையில், முன்னதாக ஏற்பட்ட மோதலில், ஒரு தரப்பை சேர்ந்த, 200க்கும் மேற்பட்டோர் மீது கடலாடி போலீசார் வழக்குப் பதிவு செய்து, 21 பேரை கைது செய்தனர். இதனால், அந்த கிராமத்தில் ஒரு தரப்பு ஆண்கள் தலைமறைவாக உள்ளனர்.இந்நிலையில், 19ம் தேதி அப்பகுதியைச் சேர்ந்த கருப்பாயி, 75, என்பவர் உயிரிழந்தார்.


பதற்றம்

மூதாட்டியை அடக்கம் செய்ய, ஊரில் ஆண்கள் யாரும் இல்லாததால், நேற்று மாலை 4:30 மணியளவில் அவரது மகன் பொன்னுசாமி மட்டும் பங்கேற்க, பெண்களே இறுதி சடங்குகள் செய்தனர். பின், பெண்களே சடலத்தை தோளில் சுமந்து, வேனில் ஏற்றி மயானத்துக்கு எடுத்துச் சென்று அடக்கம் செய்தனர். அங்கு பதற்றம் நிலவுவதால், எஸ்.பி., பவன்குமார் ரெட்டி தலைமையில், போலீசார் பாதுகாப்பு பணியில் ஈடுபட்டு உள்ளனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X