கச்சா எண்ணெய் விலை 7 ஆண்டு இல்லாத உயர்வு, பெட்ரோல் விலை உயருமா?

Updated : ஜன 21, 2022 | Added : ஜன 21, 2022 | கருத்துகள் (19)
Advertisement
புதுடில்லி : சர்வதேச அளவில் கச்சா எண்ணெய் விலை ஏழு ஆண்டுகளில் இல்லாத அளவிற்கு உயர்ந்துள்ளதால், உள்நாட்டில் பெட்ரோல், டீசல் விலை அதிகரிக்கும் என தெரிகிறது.சர்வதேச சந்தையில் நேற்று 1 பீப்பாய் கச்சா எண்ணெய் விலை 6,600 ரூபாயாக உயர்ந்தது. கடந்த 2021 டிச., 1ல் 1 பீப்பாய் கச்சா எண்ணெய் விலை 5,175 ரூபாயாக இருந்தது. நான்கு வாரங்களில் கச்சா எண்ணெய் விலை 20 சதவீதத்திற்கும் அதிகமாக
Crude Oil, Petroleum,Crude Oil Price Rise

புதுடில்லி : சர்வதேச அளவில் கச்சா எண்ணெய் விலை ஏழு ஆண்டுகளில் இல்லாத அளவிற்கு உயர்ந்துள்ளதால், உள்நாட்டில் பெட்ரோல், டீசல் விலை அதிகரிக்கும் என தெரிகிறது.

சர்வதேச சந்தையில் நேற்று 1 பீப்பாய் கச்சா எண்ணெய் விலை 6,600 ரூபாயாக உயர்ந்தது. கடந்த 2021 டிச., 1ல் 1 பீப்பாய் கச்சா எண்ணெய் விலை 5,175 ரூபாயாக இருந்தது. நான்கு வாரங்களில் கச்சா எண்ணெய் விலை 20 சதவீதத்திற்கும் அதிகமாக உயர்ந்துள்ளது. ஏழு ஆண்டுகளில் இல்லாத அளவிற்கு கச்சா எண்ணெய் விலை அதிகரித்துள்ளது.



latest tamil news



ஈரான் - துருக்கி இடையிலான எண்ணெய் குழாயில் ஏற்பட்டுள்ள சேதம், உக்ரைன் மீது ரஷ்யா தாக்குதல் நடத்தக் கூடும் என்பதால் ஏற்பட்டுள்ள பதற்றம் போன்ற காரணங்களால் கச்சா எண்ணெய் விலை உயர்ந்துள்ளது. ஐக்கிய அரபு எமிரேட்ஸ் தலைநகர் அபுதாபியில் மூன்று எண்ணெய் 'டேங்கர்'கள் மீது, ஏமன் நாட்டின் ஹவுதி பயங்கரவாதிகள் நடத்திய தாக்குதலும் கச்சா எண்ணெய் விலை தொடர்ந்து உயர வழி வகுத்துள்ளது.

சர்வதேச கச்சா எண்ணெய் விலை அடிப்படையில், உள்நாட்டில் பெட்ரோல், டீசல் விலையை எண்ணெய் நிறுவனங்கள் நிர்ணயிக்கின்றன. கச்சா எண்ணெய் விலை தொடர்ந்து உயர்ந்து வருவதால், பெட்ரோல், டீசல் விலை உயரும் என எதிர்பார்க்கப்படுகிறது. கடந்த ஆண்டு நவம்பரில் 1 லிட்டர் பெட்ரோல் விலை, 100 ரூபாயை தாண்டியது. இதையடுத்து மத்திய அரசு, பெட்ரோல், டீசல் மீதான கலால் வரியை குறைத்தது.

அதுபோல, பா.ஜ., ஆளும் மாநில அரசுகளும் பெட்ரோல், டீசல் மீதான வரியை குறைத்தன.ஆனால் தமிழகம் உட்பட எதிர்க்கட்சிகள் ஆளும் மாநிலங்களில் வரி குறைக்கப்படவில்லை. இதனால் இம்மாநில மக்கள், பெட்ரோல், டீசல் விலை மேலும் உயரும்பட்சத்தில் அதிகம் பாதிக்கப்படுவர்.


Advertisement




வாசகர் கருத்து (19)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
21-ஜன-202212:49:54 IST Report Abuse
ஆரூர் ரங் பெரும் மழை வெள்ளத்தால் விளைச்சல் பாதிக்கப்பட்டு வேளாண் உணவுப் பொருட்கள் விலை ஏறியுள்ளது .😛 இந்நிலையில் எரிபொருள் விளையும் ஏறினால் பணவீக்கம் ஏற்படும் என்பதால் அரசு எண்ணெய் நிறுவனங்களிடம் விலையேற்றத்தை நிறுத்தக் வேண்டுகோள் விடுத்துள்ளது. ஆனாலும் உள்நோக்கம் கற்பிக்கிறார்கள்
Rate this:
Cancel
asaithambi - மும்பை,இந்தியா
21-ஜன-202211:47:10 IST Report Abuse
asaithambi கச்சா எண்ணெய் விலை இப்பொழுது 83 டாலர் . போன மாதம் 64 டாலர் வரை குறைந்த பொழுது பெட்ரோல் விலை 80 ரூபாய் / லிட்டர் வரை குறைத்து இருக்க வேண்டும் அல்லவா. அக்டோபர் மாதம் கண்துடைப்புக்கு குறைத்த சமயத்தில் பல மடங்கு விலை குறைந்ததே, அந்த பயனை மக்களுக்கு அல்லவா கொடுத்து இருக்க வேண்டும். இப்பொழுது நீலி கண்ணீர் வடிக்க வேண்டாம்.
Rate this:
Cancel
srihari s - vadodara,இந்தியா
21-ஜன-202211:38:20 IST Report Abuse
srihari s பெட்ரோல் விலை உயரவே உயராது ஐந்து மாநில தேர்தல் மனசில ஓடும் இல்லையா?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X