தொல்லியல் துறை பிதாமகன் நாகசாமி மறைவு: பிரதமர் மோடி இரங்கல்

Added : ஜன 24, 2022 | கருத்துகள் (3)
Advertisement
சென்னை--தமிழக தொல்லியல் துறையின் பிதாமகன் என புகழப்படும் அறிஞர் நாகசாமி, 91, வயோதிகம் காரணமாக நேற்று காலமானார். அவரது மறைவுக்கு பிரதமர் மோடி இரங்கல் தெரிவித்துள்ளார்.ஈரோடு மாவட்டம், கொடுமுடியை அடுத்த ஊஞ்சலுார் கிராமத்தை சேர்ந்தவர் நாகசாமி. தமிழக தொல்லியல் துறையின் முதல் இயக்குனராக பதவியேற்று பல்வேறு ஆய்வுகளை மேற்Lகொண்டவர்.சென்னை பெசன்ட் நகரில் உள்ள இல்லத்தில்

சென்னை--தமிழக தொல்லியல் துறையின் பிதாமகன் என புகழப்படும் அறிஞர் நாகசாமி, 91, வயோதிகம் காரணமாக நேற்று காலமானார். அவரது மறைவுக்கு பிரதமர் மோடி இரங்கல் தெரிவித்துள்ளார்.

ஈரோடு மாவட்டம், கொடுமுடியை அடுத்த ஊஞ்சலுார் கிராமத்தை சேர்ந்தவர் நாகசாமி. தமிழக தொல்லியல் துறையின் முதல் இயக்குனராக பதவியேற்று பல்வேறு ஆய்வுகளை மேற்Lகொண்டவர்.சென்னை பெசன்ட் நகரில் உள்ள இல்லத்தில் வசித்த அவர், வயோதிகம் காரணமாக நேற்று மதியம் காலமானர்.

மறைந்த நாகசாமி, தமிழின் சங்க இலக்கியம், ஆங்கில இலக்கியம், சமஸ்கிருதம், வேதங்கள், இதிகாசங்கள் மற்றும் சாஸ்திரங்களில் ஆழ்ந்த புலமை வாய்ந்தவர்.தொல்லியல் துறையில் பணிபுரிந்த பல அறிஞர்களுக்கு களப்பயிற்சி அளித்த பெருமைக்குரியவர். தமிழ், ஆங்கிலத்தில் 120க்கும் மேற்பட்ட ஆய்வு நுால்களை எழுதி விருதுகள் பெற்றுள்ளார்.இவரின் வாழ்நாள் சாதனைக்காக தமிழக அரசு, 1995ல் கலைமாமணி விருதையும்; மத்திய அரசு 2018ல், பத்மபூஷன் விருதை யும் வழங்கி கவுரவித்தன.இரா.நாகசாமியின் மனைவி பார்வதி ஏற்கனவே காலமான நிலையில், அவருக்கு ராமச்சந்திரன், மோகன் என்ற மகன்களும், கலா, உமா என்ற மகள்களும் உள்ளனர். நாகசாமியின் இறுதிச் சடங்கை, 26ம் தேதி நடத்த, அவரது குடும்பத்தினர் திட்டமிட்டுள்ளனர்.பிரதமர் இரங்கல்பிரதமர் மோடி தமிழில் வெளியிட்டுள்ள இரங்கல் செய்தி:தமிழகத்தின் எழுச்சி மிக்க, கலாசாரத்தை பிரபலப்படுத்துவதில், நாகசாமியின் முன்மாதிரியான பங்களிப்பை வரும் தலைமுறையினர் மறக்க மாட்டார்கள். வரலாறு மற்றும் தொல்லியல் மீதான அவரது ஆர்வம் குறிப்பிடத்தக்கது. அவரது மறைவால் வேதனை அடைகிறேன். அவரது குடும்பத்தினருக்கும், நண்பர்களுக்கும் அனுதாபங்கள்.இவ்வாறு மோடி கூறியுள்ளார்.

வாழ்க்கை வரலாறுசமஸ்கிருதத்தில் முதுகலை பட்டமும், இந்திய கலையியலில் டாக்டர் பட்டமும் பெற்ற நாகசாமி, இந்திய கலை, தொல்லியல், கட்டடக்கலை, இலக்கியம், கல்வெட்டு, பழங்காலவியல், நாணயவியல், இசை, நடனம் மற்றும் தெற்காசிய கலைகளில் ஆழ்ந்த ஞானம் உள்ளவர்.கடந்த 1959 முதல் 1965 வரை, சென்னை அருங்காட்சியக கண்காணிப்பாளராக இருந்தார். 1965ல், மாநில தொல்லியல் துறையை உருவாக்கி அதன் இயக்குனரானார்; 1988ல் அத்துறையிலிருந்து ஓய்வு பெற்றார்.பின், மத்திய அரசின் கலை, கல்வெட்டு ஆய்வுகளுக்கான ஆலோசகராக சேர்ந்து, இந்திரா காந்தி தேசிய கலை மையத்தின் கீழ், புதுச்சேரி கல்வெட்டு, தஞ்சை பிரகதீஸ்வரர் கலாசார சொத்தை ஆவணமாக்கும் பணிக்கு தலைமை ஏற்றார்.சாதனை ஏராளம்முதன்முதலில், பூம்புகாரில் கடலாய்வு செய்து, சங்க கால சோழர்களின் சான்றுகளை கண்டறிந்தார்.

தமிழகத்தில், பூண்டியில் வரலாற்றுக்கு முற்பட்ட கால அருங்காட்சியகம், ஆற்காட்டில் இஸ்லாமிய அருங்காட்சியகம் உள்ளிட்ட, 12 அருங்காட்சியகங்களை உருவாக்கினார். தமிழக தொல்லியல் துறையில், கல்வெட்டு மற்றும் கலை சார்ந்த முதுகலை படிப்பை துவக்கினார். பல்வேறு அரண்மனை தளங்களை கண்டறிந்து சீரமைத்தார். கங்கைகொண்ட சோழபுரம், மதுரை, தாராசுரம் போன்ற மரபுச்சின்னங்களை பிரபலப்படுத்தும் வகையில், அவை சார்ந்து தொடர் கட்டுரைகள் மற்றும் கருத்தரங்கங்களை நடத்தினார்.

அவ்விடங்களில் நடனம் மற்றும் இசை உள்ளிட்ட கலை நிகழ்ச்சிகளை நடத்தி மக்களை ஈர்த்தார்.ராஜராஜ சோழன், ராஜேந்திர சோழன், மணிமேகலை, அருணகிரிநாதர், அப்பர் உள்ளிட்டோரின் வாழ்க்கை வரலாற்று, நடன நாடகங்களை இயற்றினார். அவற்றை, இந்திய மாநிலங்கள், ஜெர்மனி, ஸ்வீடன், இங்கிலாந்து, கனடா, அமெரிக்கா உள்ளிட்ட வெளிநாடுகளில் அரங்கேற்றினார்.நாட்டியாஞ்சலிதற்போது உலகப் புகழ்பெற்றுள்ள சிதம்பரம் நாட்டியாஞ்சலிகு, 24 ஆண்டுகளுக்கு முன் பிள்ளையார் சுழி போட்டவர் நாகசாமி தான். கரூர், அழகன்குளம், கொற்கை, கங்கைகொண்ட சோழபுரம் போன்ற இடங்களில், பல முக்கிய அகழாய்வுகள் இவரால் நடத்தப்பட்டன.

Advertisement


வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Indhuindian - Chennai,இந்தியா
24-ஜன-202217:10:54 IST Report Abuse
Indhuindian எந்த விதமான படாடோபமும் இல்லாமல் தன்னுடைய பணியை செய்த பெரிய மனிதர். காஞ்சி மஹாபெரியவாளின் ஆணைக்கிணங்கி கல்வெட்டு மற்றும் தாமிர செப்பேடுகளை பற்றி ஆராய்ச்சி மேற்கொண்டு தமிஷிக வரலாற்றை முன் கொண்டு வந்தவர். சிவபுறம் சிவன் சிலை திருட்டு வாஷக்கில் தமிஷகத்திக்காக ஆஜராகி லண்டன் கோர்ட்டில் ஆதாரங்களை சமர்ப்பித்து அந்த சிலை மீண்டும் இந்தியா வர முக்கிய காரணமானவர் லண்டன் ஜட்ஜ் இவருடைய கல்வெட்டு மற்றும் அது சம்பந்தமான ஆராய்ச்சியையும் அதில் உள்ள தேர்ச்சியையும் கண்டு வியந்தனர். இங்குள்ள திராவிட விஷமிகள் இவரை கண்டு கொள்ளவே இல்லை அவரை கறிவேப்பிலையாக பயன் படுத்திக்கொண்டனர். மூன்று ஆண்டுகளுக்கு முன் மோடி அரசு இவருக்கு பத்ம பூஷன் விருது கொடுத்தபோது அதை கொச்சைப்படுத்தினார்கள். காரணம் இவர் அந்தணராக இருந்ததால் அந்த ஆண்டு தமிஷகத்தில் இருந்து சில அந்தணர்களுக்கு பத்ம விருது கொடுக்கப்பட்டது அதற்க்கு ஜாதி ரீதியாக சாயம் பூசியவர்கள்தான் இன்று ஆட்சியில் இருக்கிறார்கள். கருமமே கண்ணாக காஞ்சி மகானின் ஆசைகளை பூர்த்தி செய்தவர். ஓம் சாந்தி சாந்தி சாந்தி
Rate this:
Cancel
தமிழ்வேள் - திருவள்ளூர்-தொண்டைமண்டலம்-தமிழகம்,இந்தியா
24-ஜன-202211:14:07 IST Report Abuse
தமிழ்வேள் தமிழக தொல்லியல் துறையை தோற்றுவித்தவர் ..தொல்லியல் ஆய்வில் அதிகம் பேருக்கு குருவாக இருந்து பயிற்றுவித்தவர் ..புதிய கோணங்களில் ஆய்வு செய்து , தமிழக தொல்லியல் ஆய்வை புதிய தலங்களுக்கு கொண்டுசென்றவர் ...அன்னாரின் மறைவுக்கு ஆழ்ந்த இரங்கல்..
Rate this:
Cancel
Kalyanaraman - Chennai,இந்தியா
24-ஜன-202208:04:36 IST Report Abuse
Kalyanaraman இவ்வளவு வியத்தகு சாதனை புரிந்தவரின் படத்தையும் போட்டிருக்கலாம்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X