அதிகாரிகளை மிரட்டிய வழக்கு நடிகர் திலீப் விசாரணைக்கு ஆஜர்

Updated : ஜன 24, 2022 | Added : ஜன 24, 2022
Advertisement
கொச்சி-கேரளாவில் அதிகாரிகளை மிரட்டிய வழக்கில் குற்றப் பிரிவு போலீசார் முன், மலையாள நடிகர் திலீப் நேற்று விசாரணைக்கு ஆஜரானார். கேரளாவில் மார்க்சிஸ்ட் கட்சியைச் சேர்ந்த, முதல்வர் பினராயி விஜயன் தலைமையிலான இடது ஜனநாயக முன்னணி ஆட்சி நடக்கிறது. இங்கு, 2017ம் ஆண்டு ஒரு நடிகையை காரில் கடத்திச் சென்று பாலியல் துன்புறுத்தல் செய்த வழக்கில், மலையாள நடிகர் திலீப் கைது

வாசிக்க நேரம் இல்லையா? செய்தியைக் கேளுங்கள் headphone

கொச்சி-கேரளாவில் அதிகாரிகளை மிரட்டிய வழக்கில் குற்றப் பிரிவு போலீசார் முன், மலையாள நடிகர் திலீப் நேற்று விசாரணைக்கு ஆஜரானார்.




latest tamil news


கேரளாவில் மார்க்சிஸ்ட் கட்சியைச் சேர்ந்த, முதல்வர் பினராயி விஜயன் தலைமையிலான இடது ஜனநாயக முன்னணி ஆட்சி நடக்கிறது. இங்கு, 2017ம் ஆண்டு ஒரு நடிகையை காரில் கடத்திச் சென்று பாலியல் துன்புறுத்தல் செய்த வழக்கில், மலையாள நடிகர் திலீப் கைது செய்யப்பட்டார். இதையடுத்து திலீப் ஜாமினில் வெளிவந்தார்.சமீபத்தில் குற்ற புலனாய்வுப் பிரிவு அதிகாரி ஒருவர் அளித்த புகார் அடிப்படையில், திலீப் உள்ளிட்ட ஆறு பேர் மீது போலீசார் வழக்குப்பதிவு செய்தனர்.

விசாரணை அதிகாரிகளை, திலீப் மிரட்டியதாக புகார் அளிக்கப்பட்டது.இந்த வழக்கில் தனக்கு முன்ஜாமின் வழங்கக்கோரி, கேரள உயர் நீதிமன்றத்தில் திலீப் மனு தாக்கல் செய்தார். இந்த மனுவை, நேற்று முன்தினம் விசாரித்த உயர் நீதிமன்றம், திலீபை கைது செய்ய இடைக்கால தடை விதித்தது. மேலும், திலீப் உட்பட குற்றஞ்சாட்டப்பட்டோர் அனைவரும் விசாரணை அதிகாரிகள் முன் ஆஜராகவும் உத்தரவு பிறப்பிக்கப்பட்டது.


latest tamil news


இந்நிலையில் வழக்கு விசாரணைக்காக குற்றப் பிரிவு போலீசார் முன், திலீப் நேற்று ஆஜரானார். காலை 8:50 மணிக்கு கொச்சியில் உள்ள குற்றப்பிரிவு அலுவலகத்திற்கு வந்த திலீப், வெளியே இருந்த பத்திரிகையாளர்களுக்கு பேட்டியளிக்க மறுத்துவிட்டு உள்ளே சென்றார். அவர் மட்டுமல்லாமல், குற்றஞ்சாட்டப்பட்ட இதர ஐந்து நபர்களும் கூட அதிகாரிகள் முன் ஆஜராகினர். குற்றவாளிகளின் வாக்குமூலங்களை, அதிகாரிகள் பதிவு செய்ததாக தகவல்கள் கிடைத்துள்ளன.

Advertisement




வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X