எம்.பி.பி.எஸ்., படிப்புக்கான தரவரிசை இன்று வெளியீடு

Added : ஜன 24, 2022
Advertisement
சென்னை-தமிழகத்தில் எம்.பி. பி.எஸ்., - பி.டி.எஸ்., படிப்புகளில், மாணவர்கள் சேர்க்கைக்கான தரவரிசை பட்டியல் இன்று வெளியிடப்படுகிறது. தமிழகத்தில் புதிதாகதுவங்கப்பட்டுள்ள 11 அரசு மருத்துவ கல்லுாரிகள் உட்பட மொத்தம் 37 அரசு மருத்துவக் கல்லுாரிகள் மற்றும் இரண்டு அரசு பல் மருத்துவக் கல்லுாரிகள் உள்ளன. அரசு மருத்துவக் கல்லுாரிகளில் 4,349; சுயநிதி கல்லுாரிகளில் 2,650 என, 6,999 எம்.பி.பி.எஸ்.,

சென்னை-தமிழகத்தில் எம்.பி. பி.எஸ்., - பி.டி.எஸ்., படிப்புகளில், மாணவர்கள் சேர்க்கைக்கான தரவரிசை பட்டியல் இன்று வெளியிடப்படுகிறது.

தமிழகத்தில் புதிதாகதுவங்கப்பட்டுள்ள 11 அரசு மருத்துவ கல்லுாரிகள் உட்பட மொத்தம் 37 அரசு மருத்துவக் கல்லுாரிகள் மற்றும் இரண்டு அரசு பல் மருத்துவக் கல்லுாரிகள் உள்ளன. அரசு மருத்துவக் கல்லுாரிகளில் 4,349; சுயநிதி கல்லுாரிகளில் 2,650 என, 6,999 எம்.பி.பி.எஸ்., இடங்கள் உள்ளன. பி.டி.எஸ்., மருத்துவ படிப்பில் 1,930 இடங்கள் உள்ளன. இந்தாண்டு மாணவர் சேர்க்கைக்கு, அரசு ஒதுக்கீட்டு இடங்களுக்கு 25 ஆயிரத்து 511 பேர்; நிர்வாக ஒதுக்கீட்டு இடங்களுக்கு 14 ஆயிரத்து 777 பேர் என மொத்தம் 40 ஆயிரத்து 288 பேர் விண்ணப்பித்துள்ளனர்.

இவர்களுக்கான தரவரிசை பட்டியலை, அமைச்சர் சுப்பிரமணியன் இன்று மாலை வெளியிடுகிறார். இந்த விபரங்களை, https://www.tnhealth.tn.gov.in/, https://tnmedicalselection.net/ என்ற இணையதளங்களில் பார்க்கலாம். வரும் 27ம் தேதி மாற்றுத் திறனாளிகள், முன்னாள் ராணுவ வீரர்களின் வாரிசு, விளையாட்டு பிரிவு என சிறப்பு பிரிவு மாணவர்களுக்கும்; 28, 29ம் தேதிகளில் அரசு பள்ளி மாணவர்களுக்கும் கவுன்சிலிங் நேரடியாக நடைபெறும். பொதுப் பிரிவினருக்கான கவுன்சிலிங், 30ம் தேதி முதல் இணையவழியில் நடக்க உள்ளது.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X