முன்னாள் சபாநாயகர் தனபால் வீட்டில் கொள்ளை; ஆவணம் கைப்பற்ற முயற்சியா? போலீசார் விசாரணை

Updated : ஜன 28, 2022 | Added : ஜன 28, 2022 | கருத்துகள் (9)
Advertisement
திருப்பூர்: திருப்பூர் அருகே, முன்னாள் சபாநாயகர் தனபால் தங்கியிருந்த வீட்டில், ஒரு லட்சம் ரூபாய் ரொக்கம் மற்றும் பொருட்களை, முகமூடி ஆசாமிகள் திருடிச் சென்றனர்.முன்னாள் சபாநாயகரும், அவிநாசி எம்.எல்.ஏ.,வும் ஆன தனபால், திருப்பூர் அடுத்த திருமுருகன்பூண்டி, ராக்கியாபாளையம் சொர்ணபுரி ரிச் லேண்ட் 12வது வீதியில் குடும்பத்தினருடன், வாடகை வீட்டில் வசித்து வருகிறார்.

திருப்பூர்: திருப்பூர் அருகே, முன்னாள் சபாநாயகர் தனபால் தங்கியிருந்த வீட்டில், ஒரு லட்சம் ரூபாய் ரொக்கம் மற்றும் பொருட்களை, முகமூடி ஆசாமிகள் திருடிச் சென்றனர்.
முன்னாள் சபாநாயகரும், அவிநாசி எம்.எல்.ஏ.,வும் ஆன தனபால், திருப்பூர் அடுத்த திருமுருகன்பூண்டி, ராக்கியாபாளையம் சொர்ணபுரி ரிச் லேண்ட் 12வது வீதியில் குடும்பத்தினருடன், வாடகை வீட்டில் வசித்து வருகிறார்.



latest tamil news



பொங்கல் பண்டிகைக்கு மறுநாள், வீட்டை பூட்டிவிட்டு, குடும்பத்தினருடன், சேலம் சென்றார். வீட்டில் யாரும் இல்லாததை அறிந்த மர்ம நபர்கள், நேற்றுமுன்தினம் நள்ளிரவு, கதவு தாழ்ப்பாளை நெம்பி உடைத்து, வீட்டின் உள்ளே புகுந்தனர். அறைக்குள் பீரோ, சாவியுடன் இருந்தது. பீரோவில் இருந்த ஒரு லட்சம் ரூபாய் ரொக்கம், இரண்டு வெள்ளி குத்துவிளக்குகள் உட்பட பொருட்களை திருடியுள்ளனர்.

இவரது வீடு அருகே, உதவியாளர்கள், மற்றொரு வீட்டில் வசித்து வருகின்றனர். அங்கும் ஆள் இல்லாததால், அந்த வீட்டின் கதவையும் உடைக்க முயன்றுள்ளனர். அருகில் வசித்தவர்கள், சத்தம் கேட்டு வெளியே வந்து பார்த்துள்ளனர். இதையடுத்து, திருடர்கள் தப்பிவிட்டனர்.
இது குறித்து தனபால் மகன் லோகேஷ் தமிழ்ச்செல்வன், திருமுருகன்பூண்டி போலீசில் புகார் செய்தார். இன்ஸ்பெக்டர் சென்னகேசவன் மற்றும் போலீசார் விசாரித்தனர். கைரேகை நிபுணர்கள் அங்கு வந்து கைரேகைகளை பதிவு செய்தனர்.போலீசார் அப்பகுதி 'சிசிடிவி' கேமராவை ஆய்வு செய்தபோது, முகமூடி அணிந்த நான்கு பேர், ஆயுதங்களுடன் அப்பகுதியில் சென்றது தெரியவந்தது.


latest tamil news




அரசியல் காரணம்?

போலீசார் கூறுகையில், 'அவிநாசி தொகுதிக்கு வரும்போது, குடும்பத்தினருடன் தனபால் இங்கு தான் தங்கி வந்தார். வீட்டில் கடந்த ஒரு வாரத்துக்கும் மேலாக விளக்கு எரியாததால், வீட்டில் யாரும் இல்லை என்பதையறிந்து, இங்கு திருட திட்டமிட்டிருக்கலாம். பீரோவில் உள்ள பொருட்களை கலைத்து போட்டுள்ளனர்.

தனபால், அ.தி.மு.க., முக்கிய பிரமுகர் என்பதால், வேறு ஏதேனும் ஆவணங்களைக் கைப்பற்றும் நோக்கில் திருடர்கள் வந்தனரா, வந்தவர்கள் திருடர்கள் தானா, அரசியல் காரணங்கள் உள்ளதா என்று பல்வேறு கோணங்களில் விசாரணை நடத்தப்படும்' என்றனர்.

Advertisement




வாசகர் கருத்து (9)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
D.Ambujavalli - Bengaluru,இந்தியா
28-ஜன-202219:23:00 IST Report Abuse
D.Ambujavalli என்னது, பீரோவை சாவியுடன் விட்டுப் போனாரா? 'வெறும்' ஒரு லட்சத்தை தான் வெளியில் சொல்வார்கள்
Rate this:
Cancel
Visu Iyer - chennai,இந்தியா
28-ஜன-202217:46:13 IST Report Abuse
Visu Iyer கோடா நாடு வழக்கு தொடர்பு உடையவர்கள் இருக்கலாம் இதெல்லாம் எங்கே விசாரணைக்கு வர போகிறது.. சரி விடுங்க..
Rate this:
Cancel
sankar - சென்னை,இந்தியா
28-ஜன-202212:22:54 IST Report Abuse
sankar தனபால் அய்யா, குடும்பத்துடன் ஒருவாரம் வெளியூர் போனாராம். வீடு இருட்டாக இருந்ததாம். பீரோவுடன் சாவியை அப்படியே வைத்து விட்டுப் போனார்களாம். உள்ளெ லட்ச ரூபாயும், வெள்ளி சாமன்களும் இருந்ததாம். எவ்வளவு உஷார் பாருங்கள். வசதியானவர் ஒரு செகுரிட்டியை போட்டு விட்டு போவது தானே. இதில் ஏதோ மர்மம் இருக்கலாம். எப்படி வந்ததோ அவை அப்படியே போயிருக்கலாம்.
Rate this:
Visu Iyer - chennai,இந்தியா
28-ஜன-202217:47:16 IST Report Abuse
Visu Iyerகோடா நாடு வழக்கை திசை திருப்ப செய்யும் முயற்சி என்று சொல்ல வருகிறீர்கள் புரிகிறது...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X