புதுடில்லி : 'ஏர் - இந்தியா' விமானங்களில் புறப்பாடுக்கு முன்னதாக, அந்நிறுவனம், 'டாடா' குழுமத்தின் கட்டுப்பாட்டுக்குள் வந்த தகவல், விமானி வாயிலாக பயணியருக்கு அறிவிக்கப்பட்டது.

மத்திய அரசின் கட்டுப்பாட்டில் இருந்த, 'ஏர் - இந்தியா' நிறுவனத்தை, 'டாடா' குழுமத்தின் துணை நிறுவனமான, 'டாலெஸ் பிரைவேட் லிமிடெட்' 18 ஆயிரம் கோடி ரூபாய்க்கு கடந்த ஆண்டு ஏலத்தில் எடுத்தது.

இதையடுத்து, நிறுவனத்தை முறைப்படி ஒப்படைக்கும் பணி நேற்று முடிவடைந்தது; 69 ஆண்டுகளுக்குப் பின், ஏர் - இந்தியா மீண்டும் டாடா வசம் வந்தது.
இந்நிலையில் ஏர் - இந்தியா விமானங்களின் பயணத்தின் போது, இந்த நிர்வாக மாற்றம் தொடர்பான தகவல் பயணியருக்கு அறிவிக்கப்பட்டது. விமானங்கள் புறப்படுவதற்கு முன், விமானிகள் ஒலிபெருக்கி வாயிலாக இந்த தகவலை பயணியருடன் பகிர்ந்து கொண்டனர் அதன் விபரம்:

அன்பான பயணியருக்கு, நான் உங்கள் விமானி பேசுகிறேன். வரலாற்று சிறப்புமிக்க பயணத்திற்கு உங்களை வரவேற்கிறோம். 69 ஆண்டுகளுக்கு பின், ஏர் - இந்தியா நிறுவனம் மீண்டும் டாடா குழுமத்தின் வசம் வந்துள்ளது. ஒவ்வொரு ஏர் - இந்தியா விமானத்திலும் புதுப்பிக்கப்பட்ட சிறப்பான சேவையை உங்களுக்கு அளிக்க ஆர்வத்துடன் காத்திருக்கிறோம். ஏர் - இந்தியாவின் எதிர்காலத்திற்கு உங்களை வரவேற்கிறோம். மகிழ்ச்சியான பயணத்திற்கு வாழ்த்துக்கள். நன்றி.இவ்வாறு அறிவிக்கப்பட்டது.

புதுடில்லி : 'ஏர் - இந்தியா' விமானங்களில் புறப்பாடுக்கு முன்னதாக, அந்நிறுவனம், 'டாடா' குழுமத்தின் கட்டுப்பாட்டுக்குள் வந்த தகவல், விமானி வாயிலாக பயணியருக்கு

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE