உத்தரகாண்ட் மாநிலத்தைச் சேர்ந்தவர் சங்கர் ஜிவால், 57. மூத்த ஐ.பி.எஸ்., அதிகாரியான இவர், டி.ஜி.பி., அந்தஸ்தில், சென்னை போலீஸ் கமிஷனராக பணிபுரிந்து வருகிறார். தினமும் காலை 7:30 மணியில் இருந்தே பணிகளை கவனிக்க துவங்கி விடுவார். காலை 9:00 மணிக்கெல்லாம் அலுவலகத்தில் இருப்பார்.
கோப்புகள் மேஜையில் தேங்குவதை தவிர்த்து விடுவார்; மிகவும் சுறுசுறுப்பாக இயங்கக்கூடியவர்.இரு தினங்களுக்கு முன், சென்னை மெரினா கடற்கரையில் நடந்த குடியரசு தின விழாவில் பங்கேற்றார். அதன்பின், இவருக்கு லேசான காய்ச்சல் இருந்துள்ளது. காய்ச்சல் அதிகமானதால், நேற்று காலை 11:30 மணிக்கு, கொரோனா தொற்று பரிசோதனை செய்தார். மாலையில் தொற்று இருப்பது உறுதியானது. இதையடுத்து வீட்டுத் தனிமையில் உள்ளார்; மருத்துவ சிகிச்சையும் அளிக்கப்படுகிறது.